IND vs SA: మిడిలార్డర్‌ లోటును భర్తీ చేసేది తెలుగు కుర్రాడే.. ద్రవిడ్ స్కెచ్ మాములుగా లేదుగా..!
Indian Cricket Team: టీమ్ ఇండియా మిడిల్ ఆర్డర్ చాలా కాలం ఫామ్‌లో లేదు. కానీ, దక్షిణాఫ్రికా టూర్‌కు ముందు, జట్టుకు గొప్ప వార్త అందింది.
Updated on: Dec 10, 2021 | 8:26 AM
India vs South Africa: విరాట్ కోహ్లీ, ఛెతేశ్వర్ పుజారా ఫామ్‌లో లేరు. అజింక్యా రహానే పరిస్థితి మరీ దారుణంగా ఉంది. టీమ్ ఇండియా త్రిమూర్తులుగా పేరొందిన ఈ ఆటగాళ్లకు పరిస్థితులు అస్సలు బాగోలేవు. ఈ ముగ్గురు ఆటగాళ్ల బ్యాట్ చాలా కాలంగా మూగబోవడంతో టీమ్ ఇండియా చాలా నష్టపోయింది. ప్రస్తుతం టీమిండియా ముందు దక్షిణాఫ్రికా రూపంలో సవాల్‌ ఎదురుకానుంది. ప్రత్యర్థిని వారి స్వదేశంలో ఢీకొనబోతోంది. మరి ఇలాంటి సమయంలో వీరికి ప్రత్యామ్నాయంగా జట్టులోకి ఎవరు రానున్నారో ఓ సారి చూద్దాం.
వాస్తవానికి, దక్షిణాఫ్రికా గడ్డపై పరుగులు చేయగల మిడిల్ ఆర్డర్‌కు టీమ్ ఇండియాకు ఒక బ్యాట్స్మెన్ దొరికాడు. విరాట్, పుజారా వంటి బ్యాట్స్మెన్ ఫ్లాప్ అయినప్పటికీ మ్యాచులో టీమిండియా పునరాగమనం చేయగలదు. దక్షిణాఫ్రికా ఏ టూర్‌లో అద్భుత ప్రదర్శన చేసిన హనుమ విహారి ఈ పాత్రను పోషించేందుకు సిద్ధంగా ఉన్నాడు.
దక్షిణాఫ్రికా ఏతో జరిగిన అనధికారిక టెస్ట్ సిరీస్ డ్రాగా ముగిసినప్పటికీ హనుమ విహారి స్థిరమైన ప్రదర్శనతో ఆకట్టుకున్నాడు. ఈ బ్యాట్స్‌మెన్‌ని న్యూజిలాండ్‌తో సిరీస్‌కు జట్టు నుంచి తప్పించి దక్షిణాఫ్రికాకు పంపారు. దక్షిణాఫ్రికా పిచ్, పేస్‌ను అర్థం చేసుకోవడమే లక్ష్యంగా ఈ మార్పు చేశారు. హనుమ విహారి అర్థం చేసుకోవడమే కాకుండా, ఈ పర్యటనలో టీమిండియాకు అత్యంత కీలకమైన బ్యాట్స్‌మెన్‌గా నిరూపించుకోబోతున్నట్లు తన బ్యాట్‌తో ఇప్పటికే ప్రకటించాడు.
సౌతాఫ్రికా-ఏతో అనధికారిక టెస్టు సిరీస్‌లో భారత్-ఏ తరఫున హనుమ విహారి అత్యధికంగా 227 పరుగులు చేశాడు. హనుమ విహారి 5 ఇన్నింగ్స్‌లలో 3 అర్ధ సెంచరీలు సాధించి రెండుసార్లు నాటౌట్‌గా నిలిచాడు. హనుమ విహారి బ్యాటింగ్ సగటు 75 కంటే ఎక్కువగా ఉంది.
హనుమ విహారి ఈ ప్రదర్శన అతను అద్భుత ఫామ్‌లో ఉన్నాడని, దక్షిణాఫ్రికాతో జరిగే టెస్ట్ సిరీస్‌లో మొదటి మ్యాచ్ నుంచి ప్లేయింగ్ XIలో భాగమని నిరూపిస్తుంది. ప్రధాన కోచ్ రాహుల్ ద్రవిడ్ ఈ ఆటగాడిని ఎలా ఉపయోగించుకుంటాడో చూడాలి మరి.
Also Read: IND vs SA: 4 ప్లాన్స్‌తో సిద్ధమైన కెప్టెన్ రోహిత్ శర్మ.. టీమ్ ఇండియాలో కనిపించనున్న మార్పులేంటంటే?
