India vs Pakistan, Asian Games Final Live: గోల్డ్ మెడల్ కోసం భారత్, పాక్ పోరు.. ప్లేయింగ్ 11పైనే ఫోకస్?
India vs Pakistan Live Score Updates: ఆసియా గేమ్స్ 2026 పురుషుల క్రికెట్ గోల్డ్ మెడల్ మ్యాచ్‌లో భారత్, పాకిస్థాన్ తలపడనున్నాయి. నిస్షిన్‌లోని కొరోగి స్పోర్ట్స్ పార్క్‌లో ఫైనల్ జరగనుంది. భారత కాలమానం ప్రకారం ఉదయం 10 గంటలకు మ్యాచ్ ప్రారంభమవుతుంది.
Updated on: Oct 03, 2026 | 8:55 AM
LIVE NEWS & UPDATES
-
IND vs PAK Final 2026: బరిలోకి వైభవ్..?
15 ఏళ్ల వైభవ్ సూర్యవంశీ సెమీఫైనల్‌లో శ్రీలంకపై 21 బంతుల్లో 38 పరుగులు చేశాడు. అతను తన ఇన్నింగ్స్‌లో 6 ఫోర్లు, 2 సిక్సర్లు కొట్టాడు. ఇషాన్ కిషన్ కూడా 173.91 స్ట్రైక్ రేట్‌తో అజేయంగా 80 పరుగులు చేశాడు.
-
13సార్లు ఓడిన పాక్
భారత్, పాకిస్తాన్ ఇప్పటివరకు 17 టీ20 మ్యాచ్‌లు ఆడాయి. భారత్ 13 మ్యాచ్‌లు గెలవగా, పాకిస్తాన్ 3 మ్యాచ్‌లు గెలిచింది. ఒక మ్యాచ్ డ్రా అయింది.
-
-
నో హ్యాండ్ షేక్
మ్యాచ్‌కు ముందు తలెత్తిన అతిపెద్ద ప్రశ్న ఇరు జట్ల మధ్య కరచాలనం గురించే. గత 383 రోజులుగా, ఆరు మ్యాచ్‌లుగా భారత పురుషుల, మహిళల క్రికెటర్లు పాకిస్థాన్ ఆటగాళ్లతో కరచాలనం చేయలేదు. గత ఏడాది ఏప్రిల్‌లో జరిగిన పహల్గామ్ దాడి అనంతరం ఈ నిర్ణయం తీసుకున్నారు. 2025 సెప్టెంబర్‌లో జరిగే పురుషుల ఆసియా కప్‌తో కరచాలనం చేయరాదనే విధానం ప్రారంభమైంది.
-
Asian Games 2026 Cricket Final Live Updates: భారత జట్టుదే ఆధిపత్యం
ఆసియా క్రీడల పురుషుల క్రికెట్ ఫైనల్ నేడు భారత్, పాకిస్తాన్ జట్ల మధ్య జరగనుంది. ఈ రెండు జట్ల మధ్య జరిగిన గత ఆరు టీ20ఐలలో ప్రతీదానిలోనూ భారత్ విజయం సాధించింది. 2022 ఆసియా కప్‌లో పాకిస్తాన్ చివరిసారిగా భారత్‌ను ఓడించింది.
-
ప్లేయింగ్ 11పైనే ఫోకస్?
భారత్ సెమీఫైనల్‌లో శ్రీలంకను 124 పరుగుల తేడాతో ఓడించి ఫైనల్ చేరింది. పాకిస్థాన్ సెమీఫైనల్‌లో బంగ్లాదేశ్‌ను ఆరు వికెట్ల తేడాతో ఓడించింది. రెండు జట్లు టోర్నీలో ఇప్పటివరకు ఓటమి లేకుండా ఫైనల్‌కు చేరుకున్నాయి.
-
IND vs PAK Asian Games Final Live Score Updates in Telugu: ఆసియా గేమ్స్ 2026 పురుషుల క్రికెట్ గోల్డ్ మెడల్ మ్యాచ్‌లో భారత్, పాకిస్థాన్ తలపడనున్నాయి. అక్టోబర్ 3న నిస్షిన్‌లోని కొరోగి స్పోర్ట్స్ పార్క్‌లో ఫైనల్ జరగనుంది. భారత కాలమానం ప్రకారం ఉదయం 10 గంటలకు మ్యాచ్ ప్రారంభమవుతుంది.
భారత్ సెమీఫైనల్‌లో శ్రీలంకను 124 పరుగుల తేడాతో ఓడించి ఫైనల్ చేరింది. పాకిస్థాన్ సెమీఫైనల్‌లో బంగ్లాదేశ్‌ను ఆరు వికెట్ల తేడాతో ఓడించింది. రెండు జట్లు టోర్నీలో ఇప్పటివరకు ఓటమి లేకుండా ఫైనల్‌కు చేరుకున్నాయి.
ఇరుజట్ల ప్రాబబుల్ స్వ్కాడ్స్..
భారత జట్టు: శ్రేయస్ అయ్యర్ (కెప్టెన్), తిలక్ వర్మ, అభిషేక్ శర్మ, సంజు శాంసన్, ఇషాన్ కిషన్, వైభవ్ సూర్యవంశీ, శివమ్ దూబే, అక్షర్ పటేల్, వాషింగ్టన్ సుందర్, జస్ప్రీత్ బుమ్రా, అర్ష్‌దీప్ సింగ్, రవి బిష్ణోయ్, యశ్ ఠాకూర్, విప్రజ్ నిగమ్.
పాకిస్తాన్: సాహిబ్జాదా ఫర్హాన్ (కెప్టెన్), అబ్దుల్ సమద్, హసన్ నవాజ్, సైమ్ అయూబ్, అఫ్రాత్ మిన్హాస్, అహ్మద్ దనియాల్, మహ్మద్ వసీమ్ జూనియర్, అబ్రార్ అహ్మద్, సుఫ్యాన్ మొకీమ్, ఉస్మాన్ ఖాన్, అలీ రజా, అకీఫ్ జావేద్, హైదర్ అలీ, మాజ్ సదాకత్, సాద్ మసూద్.
Published On - Oct 03,2026 7:50 AM
