ఏనుగులకు స్పెషల్ డైట్.. మైసూర్ దసరా జంబూ సవారీ వెనుక అసలు రహస్యం ఇదే

ప్రపంచ ప్రసిద్ధి గాంచిన మైసూర్ దసరా మహోత్సవాలు అంటే భక్తులకు కన్నులపండుగే. లక్షలాదిమంది ఈ వేడుకల్లో భాగమవుతారు.. ఈ వేడుకలన్నింటిలోకీ అత్యంత ప్రధానమైన, ఉత్కంఠభరితమైన.. అద్భుత ఘట్టం ‘జంబూ సవారీ’.. మైసూరు ప్యాలెస్ నుంచి బన్నిమంటప వరకు లక్షలాది మంది జనసందోహం నడుమ.. ఏనుగులతో దాదాపు 5 కిలోమీటర్ల మేర విజయదశమి ఊరేగింపు కొనసాగుతుంది.. దీనినే ‘జంబూ సవారీ’ అని అంటారు. కిక్కిరిసిన లక్షలాది మంది జనసందోహం, భారీ బాణాసంచా పేలుళ్లు, డప్పు చప్పుళ్ల మధ్య ఏనుగులు ఏమాత్రం బెదరకుండా, ప్రశాంతంగా రాజసంగా నడవడం వెనుక అటవీ శాఖ అధికారులు చేపడుతున్న ప్రత్యేక శ్రద్ధ, కఠినమైన శిక్షణ, అత్యంత పౌష్టికాహార ప్రణాళిక దాగి ఉన్నాయి. చెవుడు పుట్టించే రణగొణ ధ్వనుల మధ్య ఏనుగులు ఏమాత్రం బెదరకుండా అంత ప్రశాంతంగా, రాజసంగా ఎలా నడుస్తాయో ఎప్పుడైనా ఆలోచించారా? ఈసారి మైసూర్ దసరాలో త్రివిధ దళాల ప్రదర్శనలు ప్రత్యేక ఆకర్షణగా నిలుస్తుండగా… గజరాజులు ఆ స్టేజ్ వరకు రావడానికి వెనుక ఉండే కఠినమైన శిక్షణ, స్పెషల్ డైట్ ప్లాన్ ఏంటో ఈ రోజు వీడియోలో చాలా ఇంట్రెస్టింగ్‌గా చూద్దాం! “ముందుగా ఈ గజరాజులు శారీరకంగా ధృఢంగా, ఏమాత్రం అలసట లేకుండా ఉండేందుకు వెటర్నరీ వైద్యుల పర్యవేక్షణలో అద్భుతమైన డైట్ అందిస్తారు:

శక్తినిచ్చే ధాన్యాలు: ఏనుగులకు తగినంత స్టామినా అందించడానికి ఉడకబెట్టిన బియ్యం, మినపప్పు, పెసరపప్పు, గోధుమలను ఉడికించి పెడతారు.

కూరగాయలు: వీటితో పాటు తాజా ఉల్లిపాయలు, క్యారెట్లు, బీట్‌రూట్, దోసకాయలను క్రమం తప్పకుండా డైట్‌లో చేర్చుతారు. ఇవి జీర్ణక్రియను మెరుగుపరుస్తాయి.

బరువు నియంత్రణ: ఏనుగులు బరువు పెరిగి బద్ధకించకుండా, కేవలం కండరాల బలం, శక్తి మాత్రమే పెరిగేలా నిపుణులు ఖచ్చితమైన కొలతలతో ఈ ఆహారాన్ని అందజేస్తారు. “కేవలం ఆహారమే కాకుండా, మైసూర్ నగర వీధుల్లో జరిగే రణగొణ ధ్వనులకు ఏనుగులు భయపడకుండా మైసూర్ అరణ్య భవన్‌లో ప్రత్యేక శిక్షణ ఇస్తారు..

వాయిద్యాల మోత మధ్య నడక: రాజభవనం పరిసరాల్లో బాణాసంచా పేలుళ్లను, డప్పుల శబ్దాలను పోలిన సౌండ్స్ ను పెద్దఎత్తున వినిపిస్తూ ఏనుగులను నడిపిస్తారు.

బరువు మోసే అభ్యాసం: నిజమైన బంగారు అంబారీ బరువును మోసేందుకు వీలుగా… ఏనుగుల వీపుపై ఇసుక బస్తాలను ఉంచి మైసూర్ రాజవీధుల్లో రోజూ మైళ్ల తరబడి నడిపించి రిహార్సల్స్ చేయిస్తారు! అయితే.. ఈ గజరాజుల సంక్షేమం విషయంలో అటవీ శాఖ అధికారులు, మావటీలు, కావడిదారులు నిత్యం అప్రమత్తంగా ఉంటారు. ఏనుగులకు రోజూ వైద్య పరీక్షలు నిర్వహిస్తూ, పండుగ రోజుల్లో అవి ఎలాంటి ఒత్తిడికి గురికాకుండా చూసుకుంటారు.

ఈసారి దసరా చరిత్రలోనే తొలిసారిగా: ఏకంగా 53 రంగురంగుల శకటాలు సిద్ధమయ్యాయి. భారత త్రివిధ దళాలు.. ఆర్మీ, నేవీ, ఎయిర్‌ఫోర్స్ బ్యాండ్లు, శకటాలు, ఎయిర్ షో ప్రదర్శనలు ఈసరి దసరాకు మెయిన్ హైలైట్‌గా ఉన్నాయి. సో గాయిస్… గజరాజుల ఈ కఠినమైన శిక్షణా నియమాలు, వాటి అంకితభావం మీకు ఎలా అనిపించాయో కింద కామెంట్ సెక్షన్‌లో తెలపండి.. ఈ బ్యూటిఫుల్ మైసూర్ దసరా ఇన్ఫర్మేషన్‌ను మీ ఫ్రెండ్స్ అండ్ ఫ్యామిలీ గ్రూపుల్లో షేర్ చేయండి.

మరిన్ని వీడియోల కోసం ఇక్కడ క్లిక్ చేయండి

Also Watch:

రేషన్ కార్డు హోల్డర్లకు గుడ్‌న్యూస్ ఇక..నెలనెలా మరో 6 సరుకులు! త్వరలోనే అధికారిక ప్రకటన.!

డబ్బుల్లేవని వైద్యం ఆపకండి.. హాస్పిటల్ బిల్లులకూ ఈఎంఐ ఆప్షన్.. అసలు నిజమిదే!

పశువుల్లో వింత వ్యాధి.. ఆందోళనలో జనం

దీపికా-రణ్‌వీర్‌ రెండో కూతురి పేరేంటో తెలుసా?

నువ్వు దేవుడివి బాస్‌.. మంటల్లో చిక్కుకున్న మహిళను కాపాడిన డెలివరీ బాయ్‌