Watch Video: ఒక్క వికెట్‌తో 9 ఏళ్ల కరువు తీర్చిన హార్దిక్ పాండ్యా.. అంత స్పెషల్ ఏంటో తెలుసా?
India vs Australia, 1st ODI: ముంబై వన్డేలో హార్దిక్ పాండ్యా 5 ఓవర్లలో 29 పరుగులిచ్చి ఒక వికెట్ తీశాడు. కీలకమైన స్టీవ్ స్మిత్ వికెట్ పడగొట్టాడు. దీంతో హార్దిక్ తర్వాత 9 ఏళ్ల కరువును తీర్చాడు.
Updated on: Mar 18, 2023 | 7:07 AM
ఆస్ట్రేలియాతో జరిగిన తొలి వన్డేలో భారత బౌలర్లు అద్భుతం చేశారు. మహ్మద్ షమీ, మహ్మద్ సిరాజ్ జోడీ తమ ఖచ్చితమైన లైన్ లెంగ్త్‌తో ఆస్ట్రేలియాను కేవలం 188 పరుగులకే కట్టడి చేసింది. వీరిద్దరూ తలో 3 వికెట్లు పడగొట్టారు. అయితే, భారత అత్యుత్తమ బౌలింగ్ సమయంలో, హార్దిక్ పాండ్యా కూడా పెద్ద స్థానాన్ని అందుకున్నాడు. హార్దిక్ పాండ్యా ఒక్క వికెట్ మాత్రమే తీసుకున్నాడు. కానీ, దీంతో 9 ఏళ్ల కరువుకు తెరదించాడు.
హార్దిక్ పాండ్యా పడగొట్టిన ఒక వికెట్ చాలా ప్రత్యేకంగా నిలిచింది. ఎందుకంటే 9 సంవత్సరాల తర్వాత ODIలలో భారత కెప్టెన్ ఒక వికెట్ తీయడంతో ముడిపడింది. అంతకుముందు 2014లో సురేష్ రైనా ఈ పని చేశాడు. ఆ సమయంలో ధోనీ, విరాట్ కోహ్లీ, రోహిత్ జట్టుకు సారథ్యం వహించినా బౌలింగ్ చేయలేదు. ఇప్పుడు రోహిత్ స్థానంలో పాండ్యా ఒక వన్డేలో కెప్టెన్‌గా అవకాశం పొందాడు. అతను ఈ కరువును ముగించాడు.
స్మిత్ విలువైన వికెట్‌ను పడగొట్టిన పాండ్యా..
హార్దిక్ పాండ్యా 13వ ఓవర్లో స్టీవ్ స్మిత్ వికెట్ తీశాడు. స్మిత్ తన అవుట్‌గోయింగ్ బాల్‌పై షాట్ ఆడేందుకు ప్రయత్నించగా, బంతి నేరుగా వికెట్ కీపర్ కేఎల్ రాహుల్ గ్లోవ్స్‌లోకి వెళ్లింది. స్మిత్ ఈ వికెట్ చాలా ముఖ్యమైనది. ఎందుకంటే స్మిత్, మార్ష్ 72 పరుగుల భాగస్వామ్యాన్ని పంచుకున్నారు. ఇది ఆస్ట్రేలియా ఇన్నింగ్స్‌లో అతిపెద్ద భాగస్వామ్యంగా నిలిచింది.
View this post on Instagram
బంతితోనే కాదు బ్యాట్‌తోనూ పాండ్యా చక్కటి సహకారం అందించాడు. కష్టతరమైన పిచ్‌పై ఈ ఆటగాడు 31 బంతుల్లో 25 పరుగులు చేశాడు. పాండ్యా తన ఇన్నింగ్స్‌లో మూడు ఫోర్లు, ఒక సిక్సర్ బాదాడు. స్వల్ప స్కోరు మ్యాచ్‌లో పాండ్యా సహకారం ఎంతో కీలకమైనది.
కుప్పకూలిన ఆస్ట్రేలియా మిడిల్ ఆర్డర్..
స్టీవ్ స్మిత్ ఔట్ అయిన తర్వాత, మిచెల్ మార్ష్ కూడా 65 బంతుల్లో 81 పరుగులు చేసిన తర్వాత ఔటయ్యాడు. అతను పెవిలియన్‌కు తిరిగి వచ్చిన వెంటనే ఆస్ట్రేలియా మిడిల్ ఆర్డర్ కుప్పకూలింది. లాబుషెన్ 26, గ్రీన్ 12, మ్యాక్స్‌వెల్ 8, స్టోయినిస్ 5 పరుగులు చేసి ఔటయ్యారు. సీన్ అబాట్ ఖాతా తెరవలేకపోయాడు. సిరాజ్, షమీ కలిసి ఆస్ట్రేలియా ఇన్నింగ్స్‌ను కేవలం 188 పరుగులకే కట్టడి చేశారు. ఆస్ట్రేలియా జట్టు 35.4 ఓవర్లలోనే కుప్పకూలింది.
మరిన్ని క్రీడా వార్తల కోసం ఇక్కడ క్లిక్ చేయండి..
