T20 World Cup: అసలు మజా ఇప్పటి నుంచే.. సూపర్‌-12లో టీమిండియా మ్యాచ్‌లు, షెడ్యూల్‌ వివరాలివే

. మొదటి మ్యాచ్‌లో గతేడాది ఫైనలిస్టులు ఆసీస్‌, కివీస్‌ తలపడనున్నాయి. ఇక ఆదివారం అసలు సిసలు పోరు జరగనుంది. భారత్, పాక్‌ల పోరును చూసేందుకు అందరూ ఉవ్విళ్లూరుతున్నారు.

Team India

Basha Shek |
Updated on: Oct 22, 2022 | 7:16 AM

ఆస్ట్రేలియా వేదికగా జరగుతున్న టీ20 ప్రపంచకప్‌లో శనివారం (అక్టోబర్‌22) నుంచే అసలు మజా మొదలుకానుంది. క్వాలిఫయింగ్‌ మ్యాచ్‌లు ముగిశాయి. ఇక సూపర్‌-12 మ్యాచ్‌లపైనే అందరి దృష్టి ఉంది. మొదటి మ్యాచ్‌లో గతేడాది ఫైనలిస్టులు ఆసీస్‌, కివీస్‌ తలపడనున్నాయి. ఇక ఆదివారం అసలు సిసలు పోరు జరగనుంది. భారత్, పాక్‌ల పోరును చూసేందుకు అందరూ ఉవ్విళ్లూరుతున్నారు. కాగా క్వాలిఫయింగ్‌ పోరులో రెండు గ్రూప్‌ల నుంచి టాప్‌-2లో నిలిచిన జట్లు సూపర్‌-12లో అడుగుపెట్టాయి. గ్రూప్‌-ఏ నుంచి శ్రీలంక, నెదర్లాండ్స్‌.. గ్రూప్‌-బి నుంచి జింబాబ్వే, ఐర్లాండ్‌లు అర్హత సాధించాయి. మరి కీలకమైన ఈ దశలో టీమిండియా మ్యాచ్‌లు, షెడ్యూల్‌పై ఒక లుక్కేద్దాం రండి.

సూపర్‌-12 లో టీమిండియా షెడ్యూల్‌

అక్టోబర్ 23 : ఇండియా వర్సెస్‌ పాకిస్తాన్ – మెల్‌బోర్న్- మధ్యాహ్నం 1.30 గంటలకు (భారత కాలమానం ప్రకారం)
అక్టోబర్ 27 : ఇండియా వర్సెస్‌ నెదర్లాండ్స్ – సిడ్నీ క్రికెట్ గ్రౌండ్- మధ్యాహ్నం 12.30 గంటలకు
అక్టోబర్ 30 : ఇండియా వర్సెస్‌ సౌతాఫ్రికా- పెర్త్- సాయంత్రం 4.30 గంటలకు
నవంబర్ 02 : ఇండియా వర్సెస్‌ బంగ్లాదేశ్- అడిలైడ్ ఓవల్‌- మధ్యాహ్నం 1.30 గంటలకు
నవంబర్ 06 : ఇండియా వర్సెస్‌ జింబాబ్వే- మెల్‌బోర్న్- మధ్యాహ్నం 1.30 గంటలకు

ఇవి కూడా చదవండి

కాగా సూపర్ – 12లో భాగంగా రెండు గ్రూపుల నుంచి టాప్ 2 లో నిలిచిన రెండు జట్లు సెమీస్‌కు చేరతాయి. నవంబర్ 9న మొదటి సెమీస్ సిడ్నీ వేదికగా జరగనుంది. నవంబర్ 10న రెండో సెమీస్ ఆడిలైడ్‌ ఓవల్‌లో జరగనుంది. నవంబర్ 13న మెల్‌బోర్న్ క్రికెట్ గ్రౌండ్ వేదికగా ఫైనల్ జరుగుతుంది.