Asia Cup 2025: హ్యాండ్ షేక్ మాత్రమే కాదు.. భారత్, పాక్ ఫైనల్‌కు ముందే మరో వివాదం.. తగ్గేదేలే అంటోన్న సూర్య

Asia Cup Final: ఆసియా కప్ 2025 ఫైనల్‌కు కౌంట్ డౌన్ మొదలైంది. గత 18 రోజులుగా జరుగుతున్న ఈ టోర్నమెంట్‌లో ఫైనల్ మ్యాచ్‌లో భారత్, పాకిస్తాన్ జట్లు తలపడుతున్నాయి. లీగ్ దశలోనే రెండు జట్ల మధ్య తలెత్తిన వివాదం టోర్నమెంట్‌కు ఉత్తేజకరమైన మలుపు తెచ్చింది. ఆ తర్వాత జరిగిన సూపర్ 4 రౌండ్ మ్యాచ్‌లో తలెత్తిన వివాదాలు అంతగా లేవు. వీటన్నిటి మధ్య, ఇప్పుడు రెండు జట్లు టైటిల్ కోసం పోరాడనున్నాయి. ఫైనల్ మ్యాచ్‌లో ఇంకా ఎలాంటి వివాదం తలెత్తుతుందో అని ఎదురుచూస్తున్న అభిమానులకు మ్యాచ్ ప్రారంభానికి ఒక రోజు ముందు ఒక వివాదం వార్త అందింది.

2025 ఆసియా కప్ ఫైనల్ సెప్టెంబర్ 28న దుబాయ్‌లో భారత్, పాకిస్తాన్ మధ్య జరుగుతుంది. ఇది ఒక ప్రత్యేకమైన ఫైనల్ అవుతుంది. ఎందుకంటే ఆసియా కప్ చరిత్రలో, భారత్, పాకిస్తాన్ జట్లు టైటిల్ మ్యాచ్‌లో ఎప్పుడూ తలపడలేదు. అందుకే ఈ మ్యాచ్‌ను చారిత్రాత్మకంగా, చిరస్మరణీయంగా మార్చడానికి అన్ని ప్రయత్నాలు జరుగుతున్నాయి. కానీ ఈ ప్రయత్నాలలో ఒకదానిలో టీం ఇండియా విఫలమైంది.

కెప్టెన్ల ఫొటో షూట్ జరగలే..

ఏదైనా టోర్నమెంట్‌లో ఫైనల్ మ్యాచ్‌కు ముందు, ఫైనల్‌కు అర్హత సాధించిన రెండు జట్ల కెప్టెన్లు ట్రోఫీతో ఫొటో షూట్‌లో కనిపిస్తారు. దీని ప్రకారం, ఆసియా కప్ ఫైనల్ మ్యాచ్‌కు ముందు రోజు రెండు జట్ల కెప్టెన్లతో అధికారిక ఫొటో షూట్ షెడ్యూల్ చేశారు. కానీ, టీమిండియా దీనిని ఖండించింది. పాకిస్తాన్‌తో ఎలాంటి సంబంధం పెట్టుకోకూడదనే తన వైఖరికి కట్టుబడి ఉన్న టీమిండియా, ఫైనల్ మ్యాచ్‌కు ముందు రోజు పాకిస్తాన్ కెప్టెన్ సల్మాన్ అఘాతో భారత కెప్టెన్ సూర్యకుమార్ యాదవ్ ఫొటో దిగబోనని స్పష్టం చేసింది. పైన చెప్పినట్లుగా, సంవత్సరాలుగా, ఫైనల్ మ్యాచ్‌కు ముందు రెండు జట్ల కెప్టెన్లు టోర్నమెంట్ ట్రోఫీతో ఫొటో దిగడం ఆనవాయితీగా వస్తోంది. అయితే, భారత జట్టు ఈ సంప్రదాయాన్ని ఉల్లంఘించాలని నిర్ణయించుకుంది.

ఇవి కూడా చదవండి

ఓవర్ యాక్షన్ ఆటగాళ్లపై నిషేధం.. పాక్ జట్టుకు బీసీసీఐ బిగ్ షాక్?

సూర్యకుమార్ పై పీసీబీ కంప్లైట్.. ఆసియా కప్ ఫైనల్ నుంచి ఔట్..?

పాక్ విజయంతో రసవత్తరంగా ఫైనల్ రేస్.. తుదిపోరుకు లంక సిద్ధం..?

రోహిత్‌తోపాటు మరో ఇద్దరికి దిమ్మతిరిగే షాకిచ్చిన గంభీర్

టీమిండియా కరచాలనం చేయలే..

ఈ టోర్నమెంట్‌లో ఇరు జట్ల మధ్య జరిగిన తొలి మ్యాచ్ టాస్ సమయంలో, టీం ఇండియా కెప్టెన్ సూర్య పాకిస్తాన్ కెప్టెన్‌తో కరచాలనం చేయడానికి నిరాకరించాడు. అక్కడి నుంచి వివాదం రాజుకుంది. మ్యాచ్ తర్వాత కూడా టీం ఇండియా ఆటగాళ్లు పాకిస్తాన్ ఆటగాళ్లతో కరచాలనం చేయడానికి నిరాకరించి డ్రెస్సింగ్ రూమ్‌కి వెళ్లారు. రెండు జట్ల మధ్య జరిగిన సూపర్ ఫోర్ మ్యాచ్‌లో కూడా టీం ఇండియా తన వైఖరిని మార్చుకోలేదు.