IND vs WI: రోహిత్ సేనకు టీ20 సిరీస్ అంత ఈజీ కాదు.. ఫుల్ ఫాంలో విండీస్ ప్లేయర్లు..!

India vs West Indies: ఫిబ్రవరి 15 నుంచి 20 వరకు భారత్, వెస్టిండీస్ మధ్య 3 మ్యాచ్‌ల టీ20 సిరీస్ జరగనుంది.

IND vs WI: రోహిత్ సేనకు టీ20 సిరీస్ అంత ఈజీ కాదు.. ఫుల్ ఫాంలో విండీస్ ప్లేయర్లు..!
West Indies Vs England
Venkata Chari

|

Jan 31, 2022 | 4:09 PM

IND vs WI T20 Series: ఇంగ్లండ్‌తో జరిగిన టీ20 సిరీస్‌ని వెస్టిండీస్(ENG vs WI) కైవసం చేసుకున్న తీరు చూస్తుంటే.. ఈ జట్టును భారత్‌ను కూడా ఇబ్బంది పెట్టేందుకు సిద్ధంగా ఉన్నట్లు తెలుస్తోంది. భారత్ సిరీస్‌ గెలవడం అంత ఈజీ కాదనే చెప్పాలి. ఇటీవల వెస్టిండీస్(IND vs WI) జట్టు 5 మ్యాచ్‌ల టీ20 సిరీస్‌లో ఇంగ్లండ్ జట్టును 3-2తో ఓడించింది. ఈ సిరీస్‌లో వెస్టిండీస్ ఆటగాళ్లు అటు బ్యాటింగ్‌, ఇటు బౌలింగ్‌ విభాగాల్లో ఇంగ్లిష్‌ ఆటగాళ్లను చిత్తు చేశారు. కొంతమంది ఆటగాళ్ల ప్రదర్శన అద్భుతంగా ఉంది.

ఫిబ్రవరి 15 నుంచి 20 వరకు భారత్, వెస్టిండీస్ మధ్య 3 మ్యాచ్‌ల టీ20 సిరీస్ జరగనుంది. ఇటీవలే ఇంగ్లండ్‌తో సిరీస్‌ను కైవసం చేసుకున్న వెస్టిండీస్ ఈ సిరీస్‌కు అదే జట్టును ఎంపిక చేసింది. ఇటువంటి పరిస్థితిలో, భారత్ వర్సెస్ విండీస్ మధ్య క్రికెట్ పొట్టి ఫార్మాట్ ఈ సిరీస్ చాలా ఉత్కంఠభరితంగా ఉంటుందని భావిస్తున్నారు.

ఈ వెస్టిండీస్‌ ఆటగాళ్లు అద్భుతం ఫామ్‌లో ఉన్నారు.. 1. నికోలస్ పూరన్: ఈ వెస్టిండీస్ వికెట్ కీపర్ బ్యాట్స్‌మెన్ ఇంగ్లండ్ వర్సెస్ విండీస్ మధ్య జరిగిన 5-మ్యాచ్‌ల టీ20ఐ సిరీస్‌లో అత్యధిక పరుగులు చేసిన బ్యాట్స్‌మెన్‌గా నిలిచాడు. నికోలస్ పూరన్ 5 మ్యాచ్‌ల్లో 41 సగటుతో 164 పరుగులు చేశాడు.

2. రోవ్‌మన్ పావెల్: ఇంగ్లండ్‌తో జరిగిన టీ20 సిరీస్‌లో ఈ మిడిల్ ఆర్డర్ విండీస్ బ్యాట్స్‌మెన్ 193 పరుగుల బలమైన స్ట్రైక్ రేట్‌తో బ్యాటింగ్ చేశాడు. 73.50 సగటుతో 147 పరుగులు చేశాడు. వెస్టిండీస్-ఇంగ్లాండ్ సిరీస్‌లో అత్యధిక పరుగులు చేసిన రెండో ఆటగాడిగా నిలిచాడు.

3. జాసన్ హోల్డర్: ఈ వెస్టిండీస్ ఆల్ రౌండర్ ఇంగ్లండ్‌తో జరిగిన 5 టీ20 మ్యాచ్‌ల్లో 144 పరుగులకు 15 వికెట్లు పడగొట్టాడు. అతని బౌలింగ్ సగటు 9.60గా ఉంది. మొత్తం సిరీస్‌లో అత్యధిక వికెట్లు తీసిన బౌలర్‌గా నిలిచాడు.

4. అకిల్ హొస్సేన్: ఈ వెస్టిండీస్ స్పిన్నర్ ఇంగ్లండ్‌తో జరిగిన 5 టీ20 మ్యాచ్‌ల్లో 120 పరుగులకు 8 వికెట్లు తీశాడు. అతని బౌలింగ్ సగటు 15గా నిలిచింది. మొత్తం సిరీస్‌లో రెండో అత్యంత విజయవంతమైన బౌలర్‌గా నిలిచాడు.

5. కెప్టెన్ కీరన్ పొలార్డ్: ఇంగ్లండ్‌తో ముగిసిన సిరీస్‌లో వెస్టిండీస్ కెప్టెన్ కీరన్ పొలార్డ్ అద్భుతమైన ఆల్ రౌండర్ ప్రదర్శన చేశాడు. అతను 5 మ్యాచ్‌లలో 4 ఇన్నింగ్స్‌లలో 69 పరుగులు చేశాడు. 3 సార్లు నాటౌట్‌గా ఉన్నాడు. దీంతో పాటు 4 వికెట్లు కూడా తీశాడు.

Also Read: T20 World Cup 2022: టీ20 ప్రపంచకప్‌లో కచ్చితంగా ఆడతా.. బౌలింగ్‌ కూడా చేస్తా: టీమిండియా ఆల్‌రౌండర్

T20I Cricket: టీ20ఐ హ్యాట్రిక్ లిస్టులో 26 మంది బౌలర్లు.. ఈ నలుగురు మాత్రం చాలా స్పెషల్.. ఎందుకంటే?

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu