IND vs AUS: తుస్సుమన్న టాప్ ఆర్డర్.. ఉతికారేసిన లోయర్ ఆర్డర్.. టాప్ 10లో కోహ్లీ, రాహుల్ ప్లేస్ తెలిస్తే షాకే..
ఇటీవలి కాలంలో భారతదేశం తరపున అత్యధిక సగటు పరుగులు చేసిన ఆటగాళ్లు ఎవరో ఇప్పుడు చూద్దాం. గత 12 నెలల్లో అత్యధిక సగటుతో పరుగులు చేసిన భారత టెస్టు జట్టులోని ఆటగాళ్లు ఈ లిస్టులో ఉన్నారు.
IND vs AUS 2023: ప్రస్తుతం భారత్ వర్సెస్ ఆస్ట్రేలియా మధ్య 4 మ్యాచ్‌ల టెస్ట్ సిరీస్ జరుగుతోంది. ఈ సిరీస్‌లో తొలి రెండు మ్యాచ్‌ల్లో భారత్ విజయం సాధించింది. ఈ రెండు మ్యాచ్‌ల్లో భారత్ విజయంలో బౌలర్లు అత్యధికంగా సహకరించగా, రెండు మ్యాచ్‌ల్లోనూ భారత్ బ్యాటింగ్ కష్టాల్లో పడింది. భారత టెస్ట్ జట్టులోని టాప్ ఆర్డర్ బ్యాట్స్‌మెన్‌లు పరుగులు చేయలేకపోతున్నారు. ఈ ట్రెండ్ ఈ సిరీస్‌లోనే కాకుండా గత దాదాపు ఏడాది కాలంగా కొనసాగుతోంది. ఇటీవలి కాలంలో భారతదేశం తరపున అత్యధిక సగటు పరుగులు చేసిన ఆటగాళ్లు ఎవరో ఇప్పుడు చూద్దాం. గత 12 నెలల్లో అత్యధిక సగటుతో పరుగులు చేసిన భారత టెస్టు జట్టులోని ఆటగాళ్లు ఈ లిస్టులో ఉన్నారు.
అత్యధిక సగటు కలిగిన బ్యాట్స్‌మన్స్..
రవీంద్ర జడేజా – ప్రపంచ నంబర్ వన్ టెస్ట్ ఆల్ రౌండర్ రవీంద్ర జడేజా ఈ జాబితాలో నంబర్ వన్ స్థానంలో ఉన్నాడు. అతను గత ఏడాదిలో టెస్టు ఫార్మాట్‌లో 70.7 సగటుతో పరుగులు సాధించాడు.
రిషబ్ పంత్ – భారత వికెట్ కీపర్ బ్యాట్స్‌మెన్ రిషబ్ పంత్ టెస్ట్ జట్టులో తనకంటూ ఒక స్థానాన్ని ఏర్పరచుకున్నాడు. గత ఏడాది కాలంలో అతను 67 సగటుతో స్కోర్ చేశాడు.
శ్రేయాస్ అయ్యర్ – గాయం తర్వాత ఆస్ట్రేలియా సిరీస్‌లో రెండో మ్యాచ్‌లో పునరాగమనం చేసిన శ్రేయాస్ అయ్యర్ గత ఏడాది కాలంలో 48.7 సగటుతో స్కోర్ చేశాడు.
ఛెతేశ్వర్ పుజారా – ప్రస్తుత టెస్టు జట్టులో భారత వాల్‌గా పిలుచుకునే ఛెతేశ్వర్ పుజారా ఈ జాబితాలో నాలుగో స్థానంలో ఉన్నారు. గత ఏడాది కాలంలో అతను 48.2 సగటుతో పరుగులు సాధించాడు.
రవిచంద్రన్ అశ్విన్ – ప్రపంచ ప్రస్తుత నంబర్ 2 ఆల్ రౌండర్ రవిచంద్రన్ అశ్విన్ ఈ జాబితాలో ఐదవ స్థానంలో ఉన్నాడు. గత ఏడాది కాలంలో అతను 37 సగటుతో స్కోర్ చేశాడు.
అక్షర్ పటేల్ – గత కొంతకాలంగా భారతదేశానికి మరో ఆల్ రౌండర్ ఎంపికగా మారుతున్న అక్షర్ పటేల్ కూడా ఈ జాబితాలో ఆరో స్థానంలో ఉన్నారు. గత ఏడాది కాలంలో అతను 32.6 సగటుతో పరుగులు సాధించాడు.
మహమ్మద్ షమీ – భారత బ్యాట్స్‌మెన్ కాదు, ఫాస్ట్ బౌలర్ మహ్మద్ షమీ కూడా ఈ జాబితాలో విరాట్ కోహ్లీ, కేఎల్ రాహుల్ వంటి గొప్ప బ్యాట్స్‌మెన్ కంటే ముందున్నాడు. గత ఏడాది కాలంలో షమీ 21.8 సగటుతో స్కోర్ చేశాడు.
విరాట్ కోహ్లీ – భారత గొప్ప బ్యాట్స్‌మెన్‌లలో ఒకరైన విరాట్ కోహ్లీ ఈ జాబితాలో ఎనిమిదో స్థానంలో ఉన్నాడు. గత ఏడాది కాలంలో అతను కేవలం 21.2 సగటుతో పరుగులు చేశాడు.
కేఎల్ రాహుల్ – మా జాబితాలో తొమ్మిదవ, చివరి ఆటగాడు కేఎల్ రాహుల్ నిలిచాడు. భారత టెస్ట్ జట్టు ఓపెనర్ బ్యాట్స్‌మెన్‌గా నిలిచాడు. గత ఏడాది కాలంలో అతను 13.6 సగటుతో స్కోర్ చేశాడు.
ఈ గణాంకాలను పరిశీలిస్తే, గత ఏడాది కాలంలో భారత టెస్టు జట్టులో లోయర్ ఆర్డర్ బ్యాట్స్‌మెన్స్, బౌలర్లు అత్యధిక పరుగులు సాధించారని ఒక విషయం స్పష్టంగా అర్థమవుతుంది. అదే సమయంలో ఎగువ ఆర్డర్‌లోని టాప్ బ్యాట్స్‌మెన్స్ సగటు బౌలర్ల కంటే తక్కువగా ఉంది.
