IND vs AUS: ఇండోర్లో పరుగుల మోత.. 6 ఏళ్ల తర్వాత తొలిసారి ఇరుజట్ల పోరు.. రికార్డులు ఎలా ఉన్నాయంటే?
India vs Australia 2nd ODI: శుక్రవారం నాటి ఓటమి ఆస్ట్రేలియా సారథి పాట్ కమిన్స్కు ప్రపంచ కప్నకు ముందు నిరాశను కలిగిస్తుంది. అయితే, ఆస్ట్రేలియా జట్టులోని కీలక ఆటగాళ్లు అందుబాటులో లేకపోవడం కూడా ఆ జట్టును వేధిస్తోంది. తోటి పేసర్ మిచెల్ స్టార్క్, గ్లెన్ మాక్స్వెల్ సెప్టెంబరు 27న రాజ్కోట్లో జరిగే చివరి ODIకి మాత్రమే అందుబాటులో ఉండవచ్చని కమిన్స్ సూచించాడు.
Updated on: Sep 24, 2023 | 7:05 AM
India vs Australia 2nd ODI: ప్రపంచ కప్ సన్నాహాల చివరి దశ ప్రిపరేషన్స్లో భాగంగా భారత జట్టు ఆదివారం ఇండోర్లోని హోల్కర్ స్టేడియంలో ఆస్ట్రేలియాతో రెండో ODIలో తలపడనుంది. అయితే, ఈ మ్యాచ్లో విజయం కోసం ఆస్ట్రేలియా జట్టు కూడా ప్రయత్నిస్తుందనడంలో ఎలాంటి సందేహం లేదు. ఎందుకంటే, ఈ మ్యాచ్లో ఓడితే, సిరీస్ ఓడినట్లే. కాగా, ఈ మ్యాచ్లో గెలిస్తే భారత జట్టు సిరీస్ సాధిస్తుంది. ఈ మేరకు రాహుల్ సేన చివరి దాకా పోరాడుతుంది.
శుక్రవారం నాటి ఓటమి ఆస్ట్రేలియా సారథి పాట్ కమిన్స్కు ప్రపంచ కప్నకు ముందు నిరాశను కలిగిస్తుంది. అయితే, ఆస్ట్రేలియా జట్టులోని కీలక ఆటగాళ్లు అందుబాటులో లేకపోవడం కూడా ఆ జట్టును వేధిస్తోంది. తోటి పేసర్ మిచెల్ స్టార్క్, గ్లెన్ మాక్స్వెల్ సెప్టెంబరు 27న రాజ్కోట్లో జరిగే చివరి ODIకి మాత్రమే అందుబాటులో ఉండవచ్చని కమిన్స్ సూచించాడు.
ఇప్పుడు వరుసగా నాలుగు మ్యాచ్ల ఓటములతో ఆస్ట్రేలియా రెండో వన్డేలో బరిలోకి దిగనుంది. ఇండోర్లో సరిగ్గా ఆరు సంవత్సరాల తర్వాత భారతదేశాన్ని ఎదుర్కొంటుంది. ఇక్కడ కూడా బ్యాటింగ్ పిచ్ కావడంలో మరో ఆసక్తికర మ్యాచ్ను చూడొచ్చు.
మైదానంలో ఆరు ODIల తర్వాత సగటు ఫస్ట్-ఇన్నింగ్స్ స్కోరు 320లుగా నిలిచింది. ఈ క్రమంలో రెండు జట్లూ తమ బౌలింగ్ యూనిట్ను పటిష్టం చేసుకోవాల్సి ఉంటుంది.
కమ్మిన్స్ మినహా, ఆస్ట్రేలియా పేసర్లు మొహాలీలో కాస్ట్లీగా నిరూపించుకున్నారు. ఇండియన్ ఓపెనర్లు, శుభ్మాన్ గిల్, రుతురాజ్ గైక్వాడ్లపై ఎటువంటి ప్రభావం చూపించలేకపోయారు. మిడిల్ ఆర్డర్ తడబడినప్పటికీ, సీన్ అబాట్, మార్కస్ స్టోయినిస్లపై కెప్టెన్ కేఎల్ రాహుల్, సూర్యకుమార్ యాదవ్లు మరో కీలక భాగస్వామ్యంతో భారత జట్టు విజేతగా నిలిచింది.
కాగా, ఈ పిచ్పై తేమ ఉండవచ్చు. ఈ క్రమంలో భారత జట్టు తన సీమర్లను మార్చే అవకాశం ఉంది. జస్ప్రీత్ బుమ్రా లేదా మహ్మద్ షమీలో ఒకరు ఇన్ ఫామ్లో ఉన్న మహ్మద్ సిరాజ్కు అవకాశం కల్పించవచ్చు.
తొలి వన్డేలో ఖరీదుగా మారిన శార్దుల్ స్థానంలో సిరాజ్ ఎంట్రీ ఇవ్వవచ్చని తెలుస్తోంది. అయితే, వన్డే ప్రపంచకప్ ముందు శార్దుల్ ఫాం చాలా దారుణంగా తయారైంది. దీంతో వన్డే ప్రపంచకప్ జట్టు నుంచి శార్దుల్ తప్పుకునే అవకాశం ఉందని అంటున్నారు.
వన్డే సిరీస్ కోసం ఇరు జట్లు..
View this post on Instagram
తొలి రెండు వన్డేలకు భారత జట్టు: కేఎల్ రాహుల్ (కెప్టెన్, వికెట్ కీపర్), రవీంద్ర జడేజా (వైస్ కెప్టెన్), రుతురాజ్ గైక్వాడ్, శుభ్మన్ గిల్, శ్రేయాస్ అయ్యర్, సూర్యకుమార్ యాదవ్, తిలక్ వర్మ, ఇషాన్ కిషన్ (వికెట్ కీపర్), శార్దూల్ ఠాకూర్, వాషింగ్టన్ సుందర్, రవిచంద్రన్ అశ్విన్, జస్ప్రిత్మద్ బుమ్రాహ్, జస్ప్రీతమ్మద్ షమీ, మహమ్మద్ సిరాజ్, ప్రసిద్ధ్ కృష్ణ.
మూడో వన్డేకి భారత జట్టు: రోహిత్ శర్మ (కెప్టెన్), హార్దిక్ పాండ్యా (వైస్ కెప్టెన్), శుభ్మన్ గిల్, విరాట్ కోహ్లీ, శ్రేయాస్ అయ్యర్, సూర్యకుమార్ యాదవ్, కేఎల్ రాహుల్ (కీపర్), ఇషాన్ కిషన్ (కీపర్), రవీంద్ర జడేజా, శార్దూల్ ఠాకూర్ ., అక్షర్ పటేల్, వాషింగ్టన్ సుందర్, కుల్దీప్ యాదవ్, రవిచంద్రన్ అశ్విన్, జస్ప్రీత్ బుమ్రా, మహ్మద్ షమీ, మహ్మద్ సిరాజ్.
ఆస్ట్రేలియా జట్టు: పాట్ కమిన్స్ (కెప్టెన్), అలెక్స్ కారీ, జోష్ ఇంగ్లిస్, అష్టన్ అగర్, జోష్ హేజిల్వుడ్, ట్రావిస్ హెడ్, గ్లెన్ మాక్స్వెల్, డేవిడ్ వార్నర్, ఆడమ్ జంపా, మిచెల్ స్టార్క్, స్టీవ్ స్మిత్, మార్కస్ స్టోయినిస్, మిచ్ మార్ష్, సీన్ అబాట్, కెమెరాన్ గ్రీన్.
రిన్ని క్రీడా వార్తల కోసం ఇక్కడ క్లిక్ చేయండి..
