CWC 2023 Semifinal: సెమీఫైనల్‌లో రిజర్వ్ డేన వర్షం పడితే.. ఫలితం ఎలా నిర్ణయిస్తారో తెలుసా?
ICC World Cup 2023: ముంబైలో సెమీఫైనల్ మ్యాచ్ జరుగుతున్నందున ఇక్కడ ఎప్పుడూ అకాల వర్షం ముప్పు పొంచి ఉంటుంది. అయితే, సెమీఫైనల్ మ్యాచ్‌ల కోసం ఐసీసీ ఇప్పటికే రిజర్వ్ డే ఉంచింది. అయితే, రిజర్వ్ రోజున మ్యాచ్ ముగియకపోతే విజేతను ఎలా ఎంపిక చేస్తారు? అనే ఆసక్తి అందరిలోనూ నెలకొంది. వర్షం కారణంగా రిజర్వ్ డే రోజు కూడా మ్యాచ్ పూర్తికాని పరిస్థితి ఏర్పడితే అది భారత్‌కు మేలు చేస్తుంది.
Updated on: Nov 11, 2023 | 8:50 PM
CWC 2023 Semifinal: ICC ODI ప్రపంచకప్ 2023 లో భారత్, దక్షిణాఫ్రికా, ఆస్ట్రేలియా ఇప్పటికే సెమీ-ఫైనల్‌కు చేరుకున్నాయి. శ్రీలంకను ఓడించిన న్యూజిలాండ్ కూడా మొదటి నాలుగు స్థానాల్లోకి ప్రవేశించడం ఖాయం. అయితే ఐసీసీ నుంచి అధికారిక ప్రకటన మాత్రమే పెండింగ్‌లో ఉంది. దీంతో సెమీఫైనల్‌లో ఏ జట్టు ఏ జట్టుతో తలపడుతుందనే దానిపై ఇప్పటికే స్పష్టత వచ్చింది. బుధవారం జరిగే తొలి సెమీ ఫైనల్ మ్యాచ్‌లో భారత్, న్యూజిలాండ్ తలపడనుండగా, గురువారం జరిగే రెండో సెమీస్ మ్యాచ్‌లో ఆస్ట్రేలియా దక్షిణాఫ్రికాతో తలపడనుంది.
భారత్-కివీస్‌ ముఖాముఖి..
భారత్ ఇప్పటి వరకు 8 మ్యాచ్‌లు గెలిచి పాయింట్ల పట్టికలో అగ్రస్థానంలో నిలిచింది. న్యూజిలాండ్ ఆడిన 9 మ్యాచ్‌ల్లో 5 గెలిచి చివరి జట్టుగా సెమీస్‌లోకి ప్రవేశించింది. ఈ కారణంగానే భారత్, న్యూజిలాండ్ జట్లు సెమీఫైనల్‌లో తలపడటం దాదాపు ఖాయమైంది. అయితే ఇంతలో సెమీఫైనల్ మ్యాచ్ రోజు వర్షం కురిస్తే విజేతను ఎలా ఎంపిక చేస్తారన్న ప్రశ్న మొదలైంది.
వర్షం పడితే ఏ జట్టుకు లాభం?
ముంబైలో సెమీఫైనల్ మ్యాచ్ జరుగుతున్నందున ఇక్కడ ఎప్పుడూ అకాల వర్షం ముప్పు పొంచి ఉంటుంది. అయితే, సెమీఫైనల్ మ్యాచ్‌ల కోసం ఐసీసీ ఇప్పటికే రిజర్వ్ డే ఉంచింది. అయితే, రిజర్వ్ రోజున మ్యాచ్ ముగియకపోతే విజేతను ఎలా ఎంపిక చేస్తారు? అనే ఆసక్తి అందరిలోనూ నెలకొంది. వర్షం కారణంగా రిజర్వ్ డే రోజు కూడా మ్యాచ్ పూర్తికాని పరిస్థితి ఏర్పడితే అది భారత్‌కు మేలు చేస్తుంది. నిబంధనల ప్రకారం రిజర్వ్ డే నాటికి మ్యాచ్ పూర్తి కాకపోతే పాయింట్ల పట్టికలో అగ్రస్థానంలో నిలిచిన జట్టుకు ఫైనల్ ఆడే అవకాశం ఉంటుంది. తద్వారా పాయింట్ల పట్టికలో అగ్రస్థానంలో ఉన్న భారత్ మ్యాచ్ కూడా ఆడకుండానే నేరుగా ఫైనల్‌కు చేరుకోగలదు.
ఫైనల్‌కు ఆఫ్రికా..
View this post on Instagram
మరోవైపు ఆస్ట్రేలియా, దక్షిణాఫ్రికా జట్లకు కూడా ఇదే నిబంధన వర్తిస్తుంది. మ్యాచ్ జరిగే రోజు వర్షం కారణంగా మ్యాచ్ రద్దైతే రిజర్వ్ డే అంటే మరుసటి రోజు మ్యాచ్ పూర్తవుతుంది. కానీ, ఆ రోజు వర్షం కారణంగా మ్యాచ్ పూర్తికాకపోతే పాయింట్ల పట్టికలో అగ్రస్థానంలో ఉన్న జట్టును విజేతగా ప్రకటిస్తారు. ప్రస్తుత పాయింట్ల పట్టిక ప్రకారం, దక్షిణాఫ్రికా జట్టు ఆస్ట్రేలియా కంటే ముందుంది. ఆఫ్రికా జట్టు విజేతగా నిలుస్తుంది.
మరిన్ని క్రీడా వార్తల కోసం ఇక్కడ క్లిక్ చేయండి..
