Hyderabad Sunrisers: సన్‎రైజర్స్ హైదరాబాద్ కథ ముగిసినట్టేనా..!

ఐపీఎల్-2021లో సన్‎రైజర్స్ హైదరాబాద్.. పాయింట్ల పట్టికలో చివరి స్థానంలో ఉంది. ఈ సిజన్‎లో హైదరాబాద్ జట్టు పూర్తిగా విఫలమవుతోంది. ఐపీఎల్-2021 రెండో దశలో ఆడిన రెండు మ్యాచ్‎ల్లో ఓడిపోయింది. నిన్న కింగ్స్ ఎలెవన్ పంజాబ్‎తో జరిగిన మ్యాచ్‎లో హైదరాబాద్ ఓటమిపాలయింది. మొదట బ్యాటింగ్ చేసిన పంజాబ్ 20 ఓవర్లలో ఏడు వికెట్ల నష్టానికి 125 పరుగులు చేసింది. తర్వాత బ్యాటింగ్‎కు దిగిన హైదరాబాద్ 20 ఓవర్లకు ఏడు వికెట్ల నష్టానికి 120 పరుగులు చేసింది. దీంతో కింగ్స్ ఎలెవన్ పంజాబ్ 5 పరుగుల తేడాతో విజయం సాధించింది. సెప్టెంబర్ 22న ఢిల్లీ క్యాపిటల్స్‎తో జరిగిన మ్యాచ్‎లో 8 వికెట్ల తేడాతో హైదరాబాద్ ఓడిపోయింది. ఆ మ్యాచ్‎లో మొదటగా బ్యాటింగ్ చేసిన సన్‎రైజర్స్ 134 పరుగులు చేసింది. తర్వాత బ్యాటింగ్‎కు దిగిన ఢిల్లీ 17. 5 ఓవర్లలో రెండు వికెట్లు కోల్పోయి లక్ష్యాన్ని ఛేధించింది.

ఐపీఎల్-2021 మొదటి దశలో ఏడు మ్యాచ్‎లు ఆడిన హైదరాబాద్ ఒక్క మ్యాచ్‎లోనే విజయం సాధించింది. గత ఏప్రిల్ 21న కింగ్స్ ఎలెవన్ పంజాబ్‎తో జరిగిన మ్యాచ్‎లో సన్‎రైజర్స్ తొమ్మిది వికెట్ల తేడాతో విజయం సాధించింది. మొదటగా బ్యాటింగ్ చేసిన పంజాబ్ 19.4 ఓవర్లలో అలౌటై 120 పరుగులు చేసింది. తర్వాత బ్యాంటింగ్‎కు దిగిన హైదరాబాద్ 18.5 ఓవర్లలో ఒక వికెట్ కోల్పోయి లక్ష్యాన్ని ఛేధించింది. మొత్తంగా తొమ్మిది మ్యాచ్‎లు ఆడిన సన్‎రైజర్స్ కేవలం ఒకే ఒక మ్యాచ్‎ విజయం సాధించింది. హైదరాబాద్ జట్టుకు మొదటి నుంచి బౌలర్లే బలం.. అందుకే ప్రత్యర్థులను తక్కువ పరుగులకు అలౌట్ చేస్తుంది. కానీ లక్ష్యాఛేధనలో మాత్రం సన్‎రైజర్స్ తడబడుతోంది. హిట్టర్స్ లేక హైదరాబాద్ ఇబ్బంది పడుతోంది. మొదటి దశలో అందుబాటులో ఉన్న బెయిర్‎స్టో రెండో దశలో అందుబాటులో లేకపోవటంతో సన్‎రైజర్స్‎కు నష్టం కలిగించే అంశమే. మొత్తానికైతే ఐపీఎల్-2021లో సన్‎రైజర్స్ కథ దాదాపు ముగిసినట్టేనని క్రీడానిపుణులు చెబుతున్నారు.

మరిన్ని ఇక్కడ చూడండి: Pawan Kalyan: పవన్ కళ్యాణ్‌కు మద్దతుగా మరో యంగ్ హీరో ట్వీట్.. ఇది తన బాధ్యత అన్న యాక్టర్

Hyderabad City Police: హైదరాబాద్ పోలీసుల అదిరిపోయే మీమ్.. చూస్తే వావ్ అనాల్సిందే..