Hyderabad City Police: హైదరాబాద్ పోలీసుల అదిరిపోయే మీమ్.. చూస్తే వావ్ అనాల్సిందే..

ఈ రోజుల్లో యువతకు మంచి చెబితే పట్టించుకోవడం మానేశారు. ఇలానే చెబుతారని లైట్ తీసుకుంటున్నారు. ముఖ్యంగా పోలీసులు చెబితే ఏ మాత్రం పట్టించుకోవడం లేదు.

Meme On Cyber Crimes

Phani CH |
Updated on: Sep 26, 2021 | 4:52 PM

ఈ రోజుల్లో యువతకు మంచి చెబితే పట్టించుకోవడం మానేశారు. ఇలానే చెబుతారని లైట్ తీసుకుంటున్నారు. ముఖ్యంగా పోలీసులు చెబితే ఏ మాత్రం పట్టించుకోవడం లేదు. ఇలా చెబితే వినడంలేదని భావించిన పోలీసులు కొత్తగా ట్రై చేశారు. అవగాహన కల్పించడంలో తెలంగాణ పోలీసుల రూటే సపరేటు అంటూ చేసి చూపిస్తున్నారు. సోషల్ మీడియాలో దూసుకెళ్లే విధంగా పోస్ట్ చేస్తున్నారు. సుత్తి లేకుండా సూటిగా.. ట్రెండీగా.. క్యాచీగా.. టీజింగ్‎గా ఉంటూనే.. వాళ్లు చెప్పాలనుకున్న విషయాన్ని స్పష్టంగా చెప్పడానికి.. నేటి తరం యువతకు సందేశాన్ని ఇవ్వడానికి ట్విటర్‎ను వినియోగిస్తున్నారు. యువతను ఆకట్టుకునేలా.. వారికి అర్థమయ్యేలా మీమ్స్ పోస్టు చేస్తూ విషయమేంటో చెప్పేస్తున్నారు. ఇప్పటికే ఇలా చాలా మీమ్స్‎తో ప్రజల్లో ట్రాఫిక్, ఇతర విషయాలపై అవగాహన కల్పించారు.

గత కొద్ది రోజులుగా సోషల్‌ మీడియా జపం చేస్తున్న పదం ‘‘సుఖీభవ.. సుఖీభవ.’’ ఏ మీమ్‌ చూసినా ఇదే మాట అందరి నోట వినిపిస్తుంది. ఓ ‘టీ’ యాడ్‌లో బామ్మ ఒకరికి టీ ఇచ్చినందుకు గానూ ఆశీర్వదిస్తూ చెప్పే మాటే ‘సుఖీభవ’. కట్‌ చేస్తే ఆ టీ పొడి యాడ్‌ను రీక్రీయేట్‌ చేశారు. గణేశ్‌ నిమజ్జనం రోజు ‘‘అయ్యోయ్యో.. వద్దమ్మా సుఖీభవ! సుఖీభవ!’’ అంటూ చిందులేయడం కాస్తా సామాజిక మాధ్యమాల్లో వైరల్‌గా మారింది. అప్పటి నుంచి దీని మీద లెక్కలేనన్ని మీమ్స్‌, వీడియోస్‌ పుట్టుకొచ్చాయి. ఇదీ ప్రజల్లోకి బాగా వెళ్తుందని గమనించిన హైదరాబాద్ సిటీ పోలీసులు అదిరిపోయే మీమ్స్ తయారు చేశారు. సైబర్‌ మోసాలకు పాల్పడే వారి విషయంలో అప్రమత్తంగా ఉండాలని సుఖీభవ స్టైల్‌లో హెచ్చరిస్తూ ఓ మీమ్‌ను ట్వీట్‌ చేశారు. ప్రస్తుతం ఇది నెట్టింట్‌ వైరల్‌గా మారింది. ఎలాంటి అనుమానాస్పద లింక్‌లను క్లిక్‌ చేయొద్దని తెలంగాణ పోలీస్‌- సైబర్‌ క్రైమ్‌ అవగాహన కల్పిస్తూ సాధారణంగా ట్వీట్‌ చేసినప్పటికీ ఇదే విషయాన్ని హైదరాబాద్‌ సిటీ పోలీస్‌ టీమ్‌ ‘సుఖీభవ’తో వైరల్‌ అయ్యేలా చేసింది.

అలాంటి లింక్స్ ఓపెన్ చేయకండి…. #సుఖీభవ #sukhibhava #cybersafety #yoursafetyisourfirstpriority pic.twitter.com/1GZ2zAbl59

— హైదరాబాద్ సిటీ పోలీస్ Hyderabad City Police (@hydcitypolice) September 23, 2021