T20 World Cup 2021: నేడు కోహ్లీకి వెరీ స్పెషల్ డే కానుందా? ఆ రెండు కోరికలు నెరవేరితే భారత సారథి నక్కతోక తొక్కినట్లే..!

Happy Birthday Virat Kohli: ఈరోజు టీమిండియా కెప్టెన్ విరాట్ కోహ్లీ 33వ పుట్టినరోజు చేసుకోనున్న సంగతి తెలిసిందే. అయితే ఈ రోజు భారత కెప్టెన్ ముందు రెండు కోరికలు ఉన్నాయి. ఈ రెండు కోరికలు నెరవేరితే కోహ్లీ పుట్టినరోజు ప్రత్యేకంగా ఉంటుంది. నిజానికి, ఈరోజు విరాట్ కోహ్లీ టీ20 ప్రపంచకప్ 2021లో స్కాట్లాండ్‌తో భారీ మ్యాచ్ ఆడాల్సి ఉంది. ఈ మ్యాచ్ దుబాయ్‌లో జరగనుంది. అయితే దుబాయ్‌లో జరగనున్న ఈ మ్యాచ్‌కి ముందు షార్జాలో కూడా మరో మ్యాచ్ జరగనుంది. దానిపై విరాట్ కోహ్లీ ఈరోజు దృష్టి పెట్టనున్నాడు.

విరాట్ కోహ్లి పుట్టినరోజు జరుపుకోవాలనుకుంటున్నాడు. అఫ్గానిస్థాన్‌తో జరిగిన మ్యాచ్ తర్వాత భారత కెప్టెన్ చెప్పినట్లుగా టోర్నమెంట్‌లో సెమీ ఫైనల్‌కు చేరుకోవడానికి ప్రతీ అవకాశాన్ని సద్వినియోగం చేసుకోవడానికి ప్రయత్నిస్తున్నాడు. సెమీ-ఫైనల్‌కు అర్హత సాధించడానికి మనస్సులో ఉన్న ప్రతీ సమీకరణం నెరవేరాల్సి ఉంటుంది.

విరాట్ తొలి కోరిక – నమీబియాలో మార్పు..! విరాట్ కోహ్లీ రెండు కోరికలు నెరవేరితే, సెమీ-ఫైనల్ ఆడాలనే భారత్ ఆశలను కూడా పెంచుకోవచ్చు. సెమీఫైనల్‌కు భారత్‌ మార్గం సులభమే. అయితే, ఇందుకోసం న్యూజిలాండ్‌ ఓ మ్యాచ్‌లో ఓడిపోవాల్సిన అవసరం ఉంది. అటువంటి పరిస్థితిలో, నమీబియా జట్టు ఈరోజు తీవ్ర కలకలం రేపితే, అది భారత కెప్టెన్ కోహ్లీకి ఏ కోరికనైనా నెరవేర్చడం కంటే తక్కువే కాదు. మ్యాచ్ షార్జాలో ఉంది. కాబట్టి నమీబియా నుంచి కొద్దిగా ఆశపెట్టుకున్నాడు. ఎందుకంటే ఈ మైదానంలో జరిగిన టోర్నమెంట్‌లో ఈ జట్టు ఐర్లాండ్‌ను ఓడించింది. మరోవైపు, టోర్నమెంట్‌లో న్యూజిలాండ్ తన మొదటి మ్యాచ్‌లో పాకిస్థాన్ చేతిలో ఓటమిని చవిచూడాల్సి వచ్చింది.

విరాట్ రెండో కోరిక – స్కాట్లాండ్‌పై భారీ విజయం న్యూజిలాండ్ వర్సెస్ నమీబియాను ఓడించిన తర్వాత, విరాట్ కోహ్లీ మొదటి కోరిక పుట్టినరోజున నెరవేరాలని చూస్తే, రెండవ కోరిక తీర్చడం మాత్రం టీమ్ ఇండియా సభ్యుల చేతుల్లో ఉంది. భారత్ కూడా ఈరోజు స్కాట్లాండ్‌ను భారీ తేడాతో ఓడించాల్సి ఉంటుంది. అప్పుడే భారత జట్టు సెమీ ఫైనల్‌కు చేరుకుంటుంది. ఈ ముగింపు విజయానికి కనీసం 60 ప్లస్ పరుగులు ఉండాలి. ఒకవేళ భారత్‌ ఛేజింగ్‌ చేస్తే 13వ ఓవర్‌లోపు లక్ష్యాన్ని పూర్తి చేయాల్సి ఉంటుంది.

Also Read: ICC T20 World Cup 2021: గోరంత ఆశలో కోహ్లీసేన.. కాలం కలిసి వస్తుందా?.. కప్ పోరులో నిలుస్తుందా?..

T20 World Cup 2021: భారత్‌ ఫైనల్‌కు రావాలి.. మాకు మళ్లీ ఓడించే మౌకా ఇవ్వాలి.. అక్తర్‌ ఆసక్తికర వ్యాఖ్యలు