GT vs MI Playing XI: టాస్ గెలిచిన గుజరాత్.. ప్లేయింగ్ 11 నుంచి రోహిత్ ఔట్.. ఎవరొచ్చారంటే?

IPL గుజరాత్ టైటాన్స్ vs ముంబై ఇండియన్స్ Playing XI: ఐపీఎల్ 19వ సీజన్‌లోని 30వ మ్యాచ్ ఈరోజు గుజరాత్ టైటాన్స్, ముంబై ఇండియన్స్ జట్ల మధ్య జరగనుంది. ఈ మ్యాచ్ అహ్మదాబాద్‌లోని నరేంద్ర మోదీ స్టేడియంలో మొదలైంది. టాస్ గెలిచిన గుజరాత్ టీం ముందుగా బౌలింగ్ ఎంచుకుంది. దీంతో ముంబై జట్టు బ్యాటింగ్ కు సిద్ధమైంది. గత మ్యాచ్‌తో పోలిస్తే తుది జట్టులో ఎలాంటి మార్పులు లేవని కెప్టెన్ శుభ్‌మన్ గిల్ తెలిపాడు. మరోవైపు, డానిష్ మాలేవార్, క్రిష్ భగత్ ముంబై తరపున అరంగేట్రం చేస్తున్నారు. ఈ మ్యాచ్‌లో కూడా రోహిత్ శర్మఆడటం లేదు.

ఈ మ్యాచ్‌లో గుజరాత్ తమ వరుసగా నాలుగో విజయాన్ని నమోదు చేయాలని చూస్తుండగా, వరుసగా నాలుగు మ్యాచ్‌లు ఓడిపోయిన ముంబై తమ ఓటమి పరంపరకు ముగింపు పలకాలని చూస్తోంది.

ఈ మ్యాచ్‌లో ఆరెంజ్ క్యాప్ గెలుచుకునే అవకాశం శుభ్‌మన్ గిల్‌కు కూడా ఉంది. అతను 251 పరుగులు చేసి, హైదరాబాద్ ఆటగాడు హెన్రిక్ క్లాసెన్ కంటే 32 పరుగులు వెనుకబడి ఉన్నాడు. మరోవైపు, 11 వికెట్లు తీసిన ప్రసిద్ధ్ కృష్ణ, పర్పుల్ క్యాప్‌కు రెండు వికెట్ల దూరంలో ఉన్నాడు.

ఇరు జట్లు:

గుజరాత్ టైటాన్స్ ప్లేయింగ్ XI: శుభ్‌మన్ గిల్(కెప్టెన్), సాయి సుదర్శన్, జోస్ బట్లర్(కీపర్), వాషింగ్టన్ సుందర్, గ్లెన్ ఫిలిప్స్, షారుక్ ఖాన్, రషీద్ ఖాన్, మహ్మద్ సిరాజ్, కగిసో రబడ, ప్రసిద్ధ్ కృష్ణ, అశోక్ శర్మ.

ముంబై ఇండియన్స్ ప్లేయింగ్ XI: డానిష్ మాలెవార్, క్వింటన్ డి కాక్(కీపర్), నమన్ ధీర్, సూర్యకుమార్ యాదవ్, హార్దిక్ పాండ్యా(కెప్టెన్), తిలక్ వర్మ, షెర్ఫానే రూథర్‌ఫోర్డ్, మిచెల్ సాంట్నర్, క్రిష్ భగత్, జస్ప్రీత్ బుమ్రా, ఏఎమ్ ఘజన్‌ఫర్.