ENG vs WI: వివ్ రిచర్డ్స్, విరాట్ కోహ్లీ రికార్డులను సమం చేసిన విండీస్ డేంజరస్ ప్లేయర్.. అవేంటంటే?

ENG vs WI, Shai Hope: ఆంటిగ్వా వేదికగా వెస్టిండీస్, ఇంగ్లండ్ జట్ల మధ్య జరిగిన తొలి వన్డేలో వెస్టిండీస్ 4 వికెట్ల తేడాతో ఇంగ్లండ్‌పై విజయం సాధించింది. వెస్టిండీస్ తరుపున కెప్టెన్ ఇన్నింగ్స్ ఆడిన షాయ్ హోప్ సెంచరీ చేయడమే కాకుండా ఎన్నో రికార్డులు సృష్టించాడు. ఇంగ్లండ్‌తో జరిగిన తొలి వన్డేలో విజయ సెంచరీ సాధించిన షాయ్ హోప్ 83 బంతుల్లో 4 ఫోర్లు, 7 సిక్సర్ల సాయంతో 109 పరుగులతో అజేయంగా నిలిచాడు. ఈ ఇన్నింగ్స్‌తో వన్డే కెరీర్‌లో 5000 పరుగుల మార్కును కూడా దాటేశాడు.

దీంతోపాటు వన్డేల్లో అత్యంత వేగంగా 5000 పరుగులు చేసిన వివ్ రిచర్డ్స్, విరాట్ కోహ్లీల జాబితాలో షాయ్ హోప్ కూడా చేరాడు. ఈ ఇద్దరు బ్యాట్స్‌మెన్‌లతో పాటు, హోప్ వన్డేల్లో అత్యంత వేగంగా 5000 పరుగులు చేసిన మూడో బ్యాట్స్‌మెన్‌గా నిలిచాడు.

ఇవి కూడా చదవండి

మళ్లీ భారీగా పెరుగుతున్న ఉల్లి ధర.. కారణం ఏంటంటే..

కెనడాలో వీసా సేవలను పునఃప్రారంభించిన భారత్‌

వన్‌ప్లస్‌ స్మార్ట్‌ఫోన్‌పై భారీ తగ్గింపు..

ఆధార్‌ కార్డుతో మోసాలు.. మీ బయోమెట్రిక్‌ను లాక్‌ చేసుకోండిలా..!

ఈ జాబితాలో మొదటి స్థానంలో ఉన్న పాకిస్థాన్ జట్టు మాజీ కెప్టెన్ బాబర్ అజామ్ 97 ఇన్నింగ్స్‌ల్లో 5000 పరుగులు పూర్తి చేశాడు. రెండో స్థానంలో ఉన్న హషీమ్ ఆమ్లా 101 ఇన్నింగ్స్‌ల్లో 5 వేల పరుగుల మార్క్‌ను దాటాడు.

మూడో స్థానంలో ఉన్న వివ్ రిచర్డ్స్, విరాట్ కోహ్లిలు 114 ఇన్నింగ్స్‌ల్లో ఈ ఘనత సాధించారు. ఇప్పుడు ఈ జాబితాలో చేరిన షాయ్ హోప్ కూడా 114 ఇన్నింగ్స్‌ల్లో 5 వేల పరుగులు పూర్తి చేశాడు.

దీంతో పాటు ఈ మ్యాచ్‌లో 16వ వన్డే సెంచరీ పూర్తి చేసిన హోప్.. వన్డేల్లో 16 సెంచరీలు బాదిన 5వ బ్యాట్స్‌మెన్‌గా నిలిచాడు. భారత ఆటగాడు విరాట్ కోహ్లీ కేవలం 100 ఇన్నింగ్స్‌ల్లోనే ఈ ఘనత సాధించాడు.

ఈ జాబితాలో తొలి రెండు స్థానాల్లో ఉన్న బాబర్ అజామ్, హషీమ్ ఆమ్లా వరుసగా 84, 94 వన్డేల్లో 16 వన్డే సెంచరీలు సాధించారు. వీరిద్దరి తర్వాత విరాట్ కోహ్లీ నిలిచాడు.

View this post on Instagram

A post shared by ICC (@icc)

ఇరు జట్లు:

వెస్టిండీస్ (ప్లేయింగ్ XI): బ్రాండన్ కింగ్, అలిక్ అథానాజ్, కీసీ కార్టీ, షాయ్ హోప్(కెప్టెన్/కీపర్), షిమ్రాన్ హెట్మెయర్, షెర్ఫాన్ రూథర్‌ఫోర్డ్, రొమారియో షెపర్డ్, యానిక్ కరియా, అల్జారీ జోసెఫ్, గుడాకేష్ మోటీ, ఒషానే థామస్.

ఇంగ్లండ్ (ప్లేయింగ్ XI): ఫిలిప్ సాల్ట్, విల్ జాక్స్, జాక్ క్రాలే, బెన్ డకెట్, హ్యారీ బ్రూక్, జోస్ బట్లర్(కెప్టెన్/కీపర్), లియామ్ లివింగ్‌స్టోన్, సామ్ కర్రాన్, బ్రైడన్ కార్సే, రెహాన్ అహ్మద్, గుస్ అట్కిన్సన్.

మరిన్ని క్రీడా వార్తల కోసం ఇక్కడ క్లిక్ చేయండి..