DC vs GT, IPL 2024: సుదర్శన్, మిల్లర్‌ల పోరాటం వృథా.. ఉత్కంఠ పోరులో ఢిల్లీదే గెలుపు

Delhi Capitals

Delhi Capitals vs Gujarat Titans: ఐపీఎల్ 17వ సీజన్ 40వ మ్యాచ్‌లో ఢిల్లీ క్యాపిటల్స్ 4 పరుగుల తేడాతో గుజరాత్ టైటాన్స్‌పై విజయం సాధించింది. చివరి బంతి వరకు ఎంతో ఉత్కంఠగా జరిగిన ఈ మ్యాచ్ లో టాస్ ఓడి తొలుత బ్యాటింగ్‌ చేసిన ఢిల్లీ నిర్ణీత 20 ఓవర్లలో 4 వికెట్ల నష్టానికి 224 పరుగులు చేసింది. కెప్టెన్‌ పంత్‌ (88నాటౌట్), అక్షర్‌ పటేల్‌ (66) చెలరేగి ఆడి తమ జట్టుకు భారీ స్కోరు అందించారు. గుజరాత్‌ బౌలర్లలో వారియర్‌ మూడు వికెట్లు తీశాడు. ఆ తర్వాత భారీ లక్ష్య ఛేదనలో గుజరాత్ ఒత్తిడికి గురైంది. వరుస విరామాల్లో వికెట్లు కోల్పోయింది. అయితే సాయి సుదర్శన్‌ (65), మిల్లర్‌ (55) మెరుపు అర్ధశతకాలతో చెలరేగారు. గుజరాత్ ను మళ్లీ పోటీలోకి తీసుకొచ్చారు. ఇక ఆఖరులో రషీద్‌ ఖాన్‌ (11 బంతుల్లో 21 నాటౌట్, 3 ఫోర్లు, ఒక సిక్స్ ) మెరుపులు మెరిపించాడు. అయితే టార్గెట్ మరీ ఎక్కువ కావడంతో గుజరాత్ 4 పరుగుల తేడాతో పరాజయం పాలైంది. ఢిల్లీ బౌలర్లలో రషిఖ్‌ 3, కుల్దీప్‌ 2, నోకియా 1, అక్షర్‌ పటేల్‌ 1 వికెట్‌ తీశారు.

ఈ సీజన్‌లో ఢిల్లీకి ఇది నాలుగో విజయం కాగా, గుజరాత్ టైటాన్స్‌పై రెండో విజయం. అంతకుముందు ఏప్రిల్ 17న ఢిల్లీ గుజరాత్‌ను ఓడించింది.

గుజరాత్ టైటాన్స్ ప్లేయింగ్ ఎలెవన్:

వృద్ధిమాన్ సాహా, శుభ్‌మాన్ గిల్, డేవిడ్ మిల్లర్, అజ్మతుల్లా ఒమర్జాయ్, రాహుల్ తెవాటియా, షారుఖ్ ఖాన్, రషీద్ ఖాన్, రవిశ్రీనివాసన్ సాయి కిషోర్, నూర్ అహ్మద్, మోహిత్ శర్మ, సందీప్ వారియర్.

ఇంపాక్ట్ ప్లేయర్లు:

శరత్ BR, సాయి సుదర్శన్, మానవ్ సుతార్, దర్శన్ నల్కండే, విజయ్ శంకర్

ఢిల్లీ క్యాపిటల్స్ ప్లేయింగ్ ఎలెవన్:

పృథ్వీ షా, జాక్ ఫ్రేజర్-మెక్‌గర్క్, అభిషేక్ పోరెల్, షాయ్ హోప్, రిషబ్ పంత్, ట్రిస్టన్ స్టబ్స్, అక్షర్ పటేల్, కుల్దీప్ యాదవ్, ఎన్రిక్ నార్ట్జే, ఖలీల్ అహ్మద్, ముఖేష్ కుమార్

ఇంపాక్ట్ ప్లేయర్లు:

సుమిత్ కుమార్, రసిఖ్ దార్ సలాం, కుమార్ కుషాగ్రా, ప్రవీణ్ దూబే, లలిత్ యాదవ్

భయపెట్టిన రషీద్ ఖాన్..

మరిన్ని క్రీడా వార్తల కోసం ఇక్కడ క్లిక్ చేయండి..