Video: “రేయ్.. రెండు అని చెప్పురా పోనీ”.. మ్యాచ్ మధ్యలో తెలుగులో మాట్లాడిన తిలక్-నితీష్..!
తిలక్ వర్మ, నితీష్ కుమార్ రెడ్డి ఇద్దరూ భారత క్రికెట్‌లో కీలకమైన యువ ప్రతిభగా గుర్తింపు పొందుతున్నారు. బ్యాటింగ్‌తో పాటు అవసరమైన సమయంలో జట్టుకు ఉపయోగపడే ప్రదర్శన చేయగల సామర్థ్యం ఇద్దరికీ ఉంది. దీంతో భవిష్యత్తులో భారత టీ20 జట్టులో వీరి పాత్ర మరింత కీలకంగా మారే అవకాశం ఉంది.
Updated on: Oct 25, 2026 | 5:21 PM
భారత్, న్యూజిలాండ్ మధ్య జరిగిన రెండో టీ20 మ్యాచ్‌లో ఆటతో పాటు భారత ఆటగాళ్ల మధ్య సరదా క్షణాలు కూడా అభిమానులను ఆకట్టుకున్నాయి. యువ క్రికెటర్లు తిలక్ వర్మ (Tilak Varma), నితీష్ కుమార్ రెడ్డి (Nitish Kumar Reddy) మధ్య జరిగిన చిన్న సంభాషణ ఇప్పుడు సోషల్ మీడియాలో వైరల్‌గా మారింది. మైదానంలో ఇద్దరూ మాట్లాడుకున్న తీరు చూసి అభిమానులు నవ్వుకుంటున్నారు.
మ్యాచ్ సమయంలో తిలక్ వర్మ, నితీష్ కుమార్ రెడ్డి మధ్య జరిగిన సంభాషణలో వారి స్నేహపూర్వక బంధం కనిపించింది. తిలక్.. నితీష్‌ను ఉద్దేశించి “నువ్వు కాల్ ఇవ్వలేదు” అంటూ సరదాగా ప్రశ్నించాడు. దానికి నితీష్ కూడా తనదైన శైలిలో స్పందించాడు.
“నువ్వు వచ్చేసేయ్.. నేను వచ్చేస్తా.. ఆరాంసే” అంటూ నితీష్ సమాధానం ఇచ్చాడు. దీంతో తిలక్ మరోసారి నవ్వుతూ.. “రేయ్.. రెండు అని చెప్పురా పోనీ” అంటూ సరదాగా తెలుగులో మాట్లాడారు. వీరిద్దరి మధ్య జరిగిన ఈ చిన్న సంభాషణ కెమెరాల్లో రికార్డ్ కావడంతో సోషల్ మీడియాలో అభిమానుల దృష్టిని ఆకర్షిస్తోంది.
Still Couldn’t forget This moment ❤️
#TilakVarma : నువ్వు కాల్ ఇవ్వలేదు!
#Nitish : నువ్వు వచ్చేసేయ్, నేను వచ్చేస్తా ఆరాంసే!
తిలక్: రేయ్, రెండు అని చెప్పురా పోనీ ముందే వచ్చి వెయిట్ చేస్తున్నా!
మన భాష.. మన గర్వం! ❤️🔥
#Telugu #TeamIndia #Cricket https://t.co/ysVbGMUkMG
— YUJI (@Be_Consciouss) October 25, 2026
భారత జట్టులో యువ ఆటగాళ్లు కలిసి ఆడుతున్న సమయంలో ఇలాంటి సరదా క్షణాలు కనిపించడం అభిమానులకు ప్రత్యేకంగా అనిపిస్తోంది. మ్యాచ్‌లో ఒత్తిడి ఉన్నప్పటికీ ఆటగాళ్లు తమలో తాము సరదాగా మాట్లాడుకుంటూ కనిపించడం టీమ్‌లోని మంచి వాతావరణాన్ని చూపిస్తోంది.
తిలక్ వర్మ, నితీష్ కుమార్ రెడ్డి ఇద్దరూ భారత క్రికెట్‌లో కీలకమైన యువ ప్రతిభగా గుర్తింపు పొందుతున్నారు. బ్యాటింగ్‌తో పాటు అవసరమైన సమయంలో జట్టుకు ఉపయోగపడే ప్రదర్శన చేయగల సామర్థ్యం ఇద్దరికీ ఉంది. దీంతో భవిష్యత్తులో భారత టీ20 జట్టులో వీరి పాత్ర మరింత కీలకంగా మారే అవకాశం ఉంది.
మ్యాచ్‌కు సంబంధించిన క్రికెట్ యాక్షన్‌తో పాటు తిలక్-నితీష్ మధ్య జరిగిన ఈ సరదా సంభాషణ కూడా ఇప్పుడు అభిమానుల్లో చర్చనీయాంశంగా మారింది. “ఆరాంసే”, “రెండు అని చెప్పురా” అంటూ వీరిద్దరి మాటలను నెటిజన్లు సరదాగా షేర్ చేస్తున్నారు.
ఇలాంటి చిన్న చిన్న క్షణాలే క్రికెట్‌ను మరింత వినోదభరితంగా మారుస్తాయి. మైదానంలో ఆటగాళ్ల మధ్య కనిపించే స్నేహం, సరదా అభిమానులకు కూడా ప్రత్యేకమైన అనుభూతిని ఇస్తుంది.
