IND Vs NZ: తొలి టెస్ట్‎లో హాఫ్ సెంచరీ చేసిన శ్రేయాస్.. భారీ స్కోర్ దిశగా భారత్..

టీం ఇండియా ఆటగాడు శ్రేయాస్ అయ్యర్ తన తొలి టెస్ట్ మ్యాచ్‎లో హాఫ్ సెంచరీ చేశాడు. కాన్పూర్‎లోని గ్రీన్ పార్క్ స్టేడియంలో న్యూజిలాండ్‌తో జరుగుతున్న మొదటి టెస్టులోశ్రేయాస్ అయ్యర్‌ 136 బంతుల్లో ఏడు ఫోర్లు, రెండు సిక్స్‎లతో 75 పరుగులతో క్రీజ్‎లో ఉన్నాడు. ఈ టెస్ట్‎లో టాస్ గెలిచి బ్యాటింగ్ ఎంచుకున్న భారత్ మయాంక్ అగర్వాల్, శుభ్‎మన్ గిల్ ఓపెనర్లుగా పంపింది. 13 పరుగులు చేసిన అగర్వాల్ జేమీసన్ బౌలింగ్‎లో ఔటయ్యాడు.

తర్వాత వచ్చిన పుజారా గిల్‎తో కలిసి భాగస్వామ్యాన్ని నెలకొల్పాడు. శుభ్‎మన్ గిల్ 93 బంతుల్లో 52 పరుగులు చేసి పెవిలియన్ చేరాడు. ఆ తర్వాత పుజారా 26, రహానె 35 పరుగులకే వెనుదిరిగారు. శ్రేయాస్ అయ్యర్ ఎలాంటి తడబాటు లేకుండా జడేజాతో కలిసి సెంచరీ భాగస్వామ్యాన్ని నెలకొల్పాడు. ఈ క్రమంలో జడేజా కూడా ఆఫ్ సెంచరీ చేశాడు. 99 బంతుల్లో 6 ఫోర్లతో 50 పరుగులు చేశాడు. కివీస్ బౌలర్లలో జేమిసన్ మూడు వికెట్లు, టిమ్ సౌథి ఒక్క వికెట్ పడగొట్టారు.

Read Also.. IND vs NZ 1st Test: ప్రమాదంలో భజ్జీ రికార్డు.. అశ్విన్ ముందు అద్భుత అవకాశం.. ధోనీని అధిగమించేందుకు రహానె‌కు ఛాన్స్..!