IND vs AUS: టీమిండియా ఫ్యాన్స్కి బ్యాడ్ న్యూస్.. షమీ విషయంలో బిగ్ ట్విస్ట్!
గత ఏడాది జరిగిన వన్డే ప్రపంచకప్లో మహమ్మద్ షమీకి మడమ గాయం కాగా, ఆ తర్వాత శస్త్ర చికిత్స చేయించుకున్నాడు. దీంతో ఏడాది పాటు మైదానానికి దూరంగా ఉన్నాడు. అతను గత నెలలోనే రంజీ ట్రోఫీ మ్యాచ్లో తిరిగి మైదానంలోకి వచ్చినప్పటికీ, ఇంకా ఆస్ట్రేలియా పర్యటనకు ఎంపిక కాలేదు.
Updated on: Dec 23, 2024 | 6:56 PM
టీమిండియా స్టార్ ఫాస్ట్ బౌలర్ మహ్మద్ షమీ ఫిట్నెస్ గురించి క్రికెట్ అభిమానులు ఆందోళన చెందుతూనే ఉన్నారు. అతని ఫిట్నెస్కు సంబంధించి కెప్టెన్ రోహిత్ శర్మ గూర్చి ప్రతిసారీ అప్డేట్లు ఇస్తునే వస్తున్నారు. ఎట్టకేలకు భారత క్రికెట్ నియంత్రణ మండలి తొలిసారిగా షమీ ఫిట్నెస్ గురించి ఓ అప్డేట్ను విడుదల చేసింది. ప్రస్తుతం టీమ్ ఇండియాకు షమీ పునరాగమనం కష్టంగా కనిపిస్తోంది. విజయ్ హజారే ట్రోఫీలో అతనికి ఆడే అవకాశాలు కూడా తక్కువగానే కనిపిస్తున్నాయి.
భారత క్రికెట్ బోర్డు ఆస్ట్రేలియా పర్యటనలో చివరి రెండు టెస్టులకు షమీని ఎంపిక చేయలేదని సమాచారం. మడమ గాయంతో బాధపడుతున్న షమీ సెంటర్ ఆఫ్ ఎక్సలెన్స్లోని వైద్య బృందంతో కలిసి ఫిట్నెస్పై కసరత్తు చేస్తున్నాడని, ఈ గాయం నుంచి పూర్తిగా కోలుకున్నాడని బీసీసీఐ తెలిపింది. అయితే, గత కొన్ని రోజులుగా నిరంతర బౌలింగ్ కారణంగా, అతని మోకాలి వాపు వచ్చింది. దీని కారణంగా ఆస్ట్రేలియా పర్యటనలో చివరి రెండు టెస్ట్ మ్యాచ్లకు వైద్య బృందం అతడు ఫిట్గా లేడని తేల్చి చెప్పినట్టు తెలుస్తుంది.
మడమ గాయం నుంచి పూర్తిగా కోలుకున్న షమీ రంజీ ట్రోఫీకి తిరిగి వచ్చి 43 ఓవర్లు బౌలింగ్ చేశాడని బీసీసీఐ తన పత్రికా ప్రకటనలో తెలిపింది. దీని తర్వాత, సయ్యద్ ముస్తాక్ అలీ T20 ట్రోఫీలో షమీ బెంగాల్ తరపున మొత్తం 9 మ్యాచ్లు ఆడాడు. ఈ మ్యాచ్లే కాకుండా, సెంటర్ ఆఫ్ ఎక్సలెన్స్లో కూడా షమీ చాలా బౌలింగ్ చేశాడని, దీంతో అతను టెస్ట్ మ్యాచ్లలో బౌలింగ్ చేయడానికి సిద్ధంగా ఉండవచ్చని బోర్డు పేర్కొంది. అయితే అనూహ్యంగా అతని ఎడమ మోకాలి వాపు వచ్చింది. ముస్తాక్ అలీ ట్రోఫీలో షమీ ఆడిన తర్వాత, విజయ్ హజారే వన్డే టోర్నమెంట్లో కూడాఆడతాడని భావించారు, అయితే బెంగాల్ క్రికెట్ అసోసియేషన్ అతనికి మొదటి రెండు మ్యాచ్ల నుండి విశ్రాంతి ఇచ్చింది. ఇప్పుడు ఈ టోర్నీలో షమీ ఆడటం అతని మోకాలి సమస్య మెరుగుపడటంపైనే ఆధారపడి ఉంటుందని బోర్డు పేర్కొంది.
ఆస్ట్రేలియా టూర్ తర్వాత టీమ్ ఇండియా ఇంగ్లండ్తో వన్డే సిరీస్ ఆడాల్సి ఉంది. ఆపై ఛాంపియన్స్ ట్రోఫీ కూడా ఆడనుంది. గత ఏడాది వన్డే ప్రపంచకప్లో షమీ అద్భుత ప్రదర్శనను చూస్తుంటే, ఛాంపియన్స్ ట్రోఫీలో కూడా అలానే రాణిస్తాడని అందరూ భావించారు. కానీ అతని ప్రస్తుత ఫిట్నెస్ చూస్తుంటే, ఇప్పుడు అతను టీమ్ ఇండియాకు తిరిగి రావడం కష్టంగా కనిపిస్తోంది.
మరిన్ని క్రికెట్ వార్తల కోసం ఇక్కడ క్లిక్ చేయండి
