IPL 2025 Mega Auction: ఫ్యాన్స్‌కు అలర్ట్.. మారిన టైం.. ఐపీఎల్ మెగా వేలం ఎప్పుడు జరగనుందంటే?

IPL 2025 mega auction Timings: ఐపీఎల్ మెగా వేలం నవంబర్ 24, 25 తేదీలలో నిర్వహించనున్నారు. అయితే, భారత్, ఆస్ట్రేలియా టెస్ట్ మ్యాచ్ సందర్భంగా బీసీసీఐ కీలక నిర్ణయం తీసుకుంది.

Ipl 2025 Auction

Venkata Chari |
Updated on: Nov 23, 2024 | 9:18 AM

IPL 2025 mega auction Timings: ఐపీఎల్ మెగా వేలం 2025 నవంబర్ 24, 25 తేదీలలో ప్రారంభమవుతుంది. ఈ ఏడాది సౌదీలోని జెడ్డాలో ఈ వేలం జరగనుంది. ఈ క్రమంలో స్టార్ ప్లేయర్లను దక్కించుకునేందుకు చాలా ఫ్రాంచైజీల మధ్య యుద్ధం జరుగుతుంది. ఈ సమయంలో ఐపీఎల్ మెగా వేలంలో అత్యంత ఖరీదైన ఆటగాడు ఎవరనేది కూడా తేలిపోతుంది. అందరి చూపు ఐపీఎల్ కెప్టెన్ శ్రేయాస్ అయ్యర్, రిషబ్ పంత్, కేఎల్ రాహుల్ పైనే ఉంది. ప్రతి ఒక్కరూ జోస్ బట్లర్, యుజ్వేంద్ర చాహల్, ఇషాన్ కిషన్, డేవిడ్ వార్నర్‌లను కూడా కొనుగోలు చేయాలనుకుంటున్నారు.

మారిన సమయం..

కాగా, మెగా వేలం సమయాన్ని బీసీసీఐ మార్చింది. మెగా వేలం ప్రారంభమైన రోజే భారత్, ఆస్ట్రేలియా మధ్య పెర్త్ టెస్టు జరగనుంది. ఇది మూడవ, నాల్గవ రోజు అవుతుంది. అయితే, టెస్ట్ మ్యాచ్ మధ్యాహ్నం 2:50 గంటలకు ముగుస్తుంది. అయితే, ఒకవేళ మ్యాచ్ 3:20 గంటలకు వరకు కొనసాగితే వేలానికి ఇబ్బంది ఉంటుంది. ఇటువంటి పరిస్థితిలో, బ్రాడ్‌కాస్టర్ల అభ్యర్థన మేరకు, బోర్డు ఇప్పుడు ఐపిఎల్ వేలం సమయాన్ని మధ్యాహ్నం 3 గంటల నుంచి 3:30 గంటలకు మార్చింది.

దేశం వెలుపల IPL మెగా వేలం నిర్వహించడం ఇది రెండవసారి. గతంలో 2024 మినీ వేలం దుబాయ్‌లో జరిగింది. ఈ వేలంలో మొత్తం 577 మంది ఆటగాళ్లు పాల్గొంటున్నారు. 574 మంది ఆటగాళ్లను షార్ట్‌లిస్ట్ చేశారు. తాకజాగా జోఫ్రా ఆర్చర్, సౌరభ్ నేత్రవాల్కర్, హార్దిక్ తామోర్‌లు ఈ జాబితాలో చేరారు.

ఇవి కూడా చదవండి

ఇంతకుముందు ఫ్రాంచైజీలు కేవలం ఆరుగురు ఆటగాళ్లను మాత్రమే రిటైన్ చేసుకునేందుకు అనుమతించారు. ఈ క్రమంలో అన్ని జట్లు తమ తమ రిటెన్షన్ జాబితాలను విడుదల చేసిన సంగతి తెలిసిందే.