T20 World Cup 2021: మ్యాచ్ను మలుపు తిప్పిన ఓవర్.. ఒకే ఓవర్లో 4 సిక్సర్లు.. వీడియో వైరల్..
టీ20 వరల్డ్ కప్ 2021లో భాగంగా శుక్రవారం పాకిస్తాన్, ఆఫ్ఘానిస్తాన్ మ్యాచ్లో పాక్ ఆటగాడు ఒకే ఓవర్లో 4 సిక్స్లు కొట్టి మ్యాచ్ స్వరూపాన్నే మార్చాడు. 12 బంతుల్లో పాక్ 24 పరుగులు అవసరం ఉన్నాయి. అప్పుడు క్రీజ్లో ఆసిఫ్ అలీ, షాదబ్ ఖాన్ ఉన్నారు...
Updated on: Oct 30, 2021 | 11:31 AM
టీ20 వరల్డ్ కప్ 2021లో భాగంగా శుక్రవారం పాకిస్తాన్, ఆఫ్ఘానిస్తాన్ మ్యాచ్లో పాక్ ఆటగాడు ఒకే ఓవర్లో 4 సిక్స్లు కొట్టి మ్యాచ్ స్వరూపాన్నే మార్చాడు. 12 బంతుల్లో పాక్ 24 పరుగులు అవసరం ఉన్నాయి. అప్పుడు క్రీజ్లో ఆసిఫ్ అలీ, షాదబ్ ఖాన్ ఉన్నారు. పాక్ గెలుపు కాస్త కష్టమే అనుకున్నారంతా.. కానీ ఆసిఫ్ అలీ మ్యాచ్ గతినే మార్చేశాడు. ఆఫ్ఘాన్ బౌలర్ కరీం జనత్ వేసిన వేసిన 18వ ఓవర్లో ఆసిఫ్ అలీ నాలుగు సిక్స్లు కొట్టాడు. ఫస్ట్ బాల్ను సిక్స్ కొట్టాడు. తర్వాత మూడో బంతికి కూడా సిక్స్ బాదాడు. ఐదు, ఆరో బాల్ను బౌండరీ అవతలికి తరలించి పాక్కు విజయాన్ని అందించాడు ఆసిఫ్ అలీ. అలీ ఏడు బంతుల్లో 25 పరుగులు చేశాడు.
View this post on Instagram
అంతకు ముందు టాస్‌ గెలిచి బ్యాటింగ్‌కు దిగిన అఫ్ఘాన్ నిర్ణీత 20 ఓవర్లలో ఆరు వికెట్లు కోల్పోయి 147 పరుగులు చేసింది. మ్యాచ్ ప్రారంభంలోనే కీలక వికెట్లు కోల్పోయినా తర్వాత కెప్టెన్ మహమ్మద్ నబీ (35), గుల్బదిన్ నయిబ్ (35) ధాటిగా ఆడడంతో ఆఫ్ఘాన్ ఆ మాత్రం స్కోరు చేయగలిగింది. అస్ఘర్‌ అఫ్గాన్‌ (10), రహ్మానుల్లా గుర్బాజ్‌ (10), కరీమ్‌ జనత్ (15) స్వల్ప స్కోరుకే వెనుదిరిగారు. చివరి 3 ఓవర్లలో 43 పరుగులు రాబట్టింది ఆఫ్ఘాన్ టీమ్‌. ఇక పాక్ బౌలర్లలో ఇమాద్‌ వసీమ్‌ రెండు, షహీన్ అఫ్రిది, హ్యారిస్‌ రవూఫ్‌, హాసన్‌ అలీ, షాదాబ్‌ ఖాన్ తలో వికెట్‌ తీశారు. 148 పరుగుల లక్ష్యాన్ని పాక్ సునాయాసంగా ఛేదించింది.
పాక్ బ్యాట్స్‌మెన్స్‌లో బాబార్‌ అజమ్‌ 51 పరుగులతో కెప్టెన్ ఇన్నింగ్స్‌తో రాణించాడు. ఇక జమాన్‌ కూడా 25 బంతుల్లో 30 పరుగులు సాధించి స్కోర్‌ బోర్డు వేగాన్ని పెంచాడు. చివర్లో ఆసిఫ్ రాణించడంతో పాక్ గెలిచింది. ఈ విజయంతో పాక్ వరుసగా మూడు మ్యాచ్ల్లో గెలుపొంది, గ్రూప్-2లో అగ్రస్థానంలో కొనసాగుతోంది. ఆఫ్ఘానిస్తాన్ రెండో స్థానంలో ఉండగా.. న్యూజిలాండ్, భారత్ నాలుగు, ఐదు స్థానాల్లో ఉన్నాయి.
Read Also.. T20 World Cup 2021: టీం ఇండియా బీచ్ వాలీబాల్.. వైరల్గా మారిన వీడియో..
