PAK VS AFG: ఆఫ్ఘనిస్తాన్ విజయంపై భారత్ ఆశలు.. పాకిస్తాన్ తో కీలక పోరుకు సిద్ధం..

ఆసియాకప్‌లో నేడు పాకిస్థాన్, అఫ్గానిస్థాన్ మధ్య సూపర్-4 మ్యాచ్ జరగనుంది. షార్జా మైదానంలో జరగనున్న ఈ మ్యాచ్‌లో కోట్లాది మంది భారత అభిమానుల ప్రార్థనలు ఆఫ్ఘనిస్థాన్‌పైనే ఉంటాయి.

PAK VS AFG: ఆఫ్ఘనిస్తాన్ విజయంపై భారత్ ఆశలు.. పాకిస్తాన్ తో కీలక పోరుకు సిద్ధం..
Pak Vs Afg
Venkata Chari

|

Sep 07, 2022 | 5:15 PM

Asia Cup 2022: ఆసియాకప్‌లో నేడు పాకిస్థాన్, అఫ్గానిస్థాన్ మధ్య సూపర్-4 మ్యాచ్ జరగనుంది. షార్జా మైదానంలో జరగనున్న ఈ మ్యాచ్‌లో కోట్లాది మంది భారత అభిమానుల ప్రార్థనలు ఆఫ్ఘనిస్థాన్‌పైనే ఉంటాయి. ఎందుకంటే భారత్‌ ఆశలు విజయంపైనే నిలిచిపోయాయి. ఈరోజు అఫ్గానిస్థాన్‌ పాకిస్థాన్‌పై గెలిస్తే.. టీమిండియా ఫైనల్‌కు చేరే అవకాశాలు కాస్త పెరుగుతాయి. దీని తర్వాత, సెప్టెంబర్ 9న శ్రీలంక-పాకిస్థాన్ మ్యాచ్‌లో శ్రీలంక విజయం కోసం భారత్ ప్రార్థిస్తుంది. పాక్ చేతిలో 2 ఓటములతోనే భారత్ ఫైనల్ చేరుతుంది. ఈరోజు జరిగే మ్యాచ్‌లో పాక్ గెలిస్తే భారత్ ఫైనల్ రేసుకు దూరమవుతుంది. ఆసియాకప్‌లో అఫ్గానిస్థాన్‌, పాకిస్థాన్‌ తొలిసారి తలపడనున్నాయి.

పాకిస్థాన్ పేసర్లు Vs ఆఫ్ఘనిస్తాన్ స్పిన్నర్లు..

షార్జాలోని చిన్న మైదానంలో ఈ రోజు పాకిస్థాన్ పేసర్లు vs ఆఫ్ఘనిస్తాన్ స్పిన్నర్ల పోరును చూడబోతున్నాం. ఆఫ్ఘనిస్థాన్ స్పిన్నర్ ముజీబ్ ఉర్ రెహమాన్ 5.83 ఎకానమీతో 3 మ్యాచ్‌ల్లో 7 వికెట్లు పడగొట్టాడు. అతను తన జట్టులో టాప్ వికెట్ టేకర్, రషీద్ ఖాన్ కూడా అదే మ్యాచ్‌లో 6.08 ఎకానమీతో 4 వికెట్లు పడగొట్టాడు. ఆ జట్టులో రెండవ విజయవంతమైన బౌలర్.

అదే సమయంలో పాకిస్థాన్ ఫాస్ట్ బౌలర్ నసీమ్ షా నిలకడగా రాణిస్తున్నాడు. అతను మూడు మ్యాచ్‌లలో 7.90 ఎకానమీతో ఐదు వికెట్లు తీశాడు. భారత జట్టుతో జరిగిన రెండు మ్యాచ్‌ల్లోనూ నసీమ్ షా మంచి ప్రదర్శన చేశాడు. తొలి మ్యాచ్‌లో 27 పరుగులిచ్చి రెండు వికెట్లు తీయగా, సూపర్-4లో భారత జట్టుపై 45 పరుగులిచ్చి ఒక వికెట్ తీశాడు. హాంకాంగ్‌పై కేవలం 7 పరుగులకే రెండు వికెట్లు తీశాడు. అదే సమయంలో, హరీస్ రవూఫ్ మూడు మ్యాచ్‌ల్లో ఒక వికెట్ తీసుకున్నాడు. ఇరు జట్ల బ్యాట్స్‌మెన్, బౌలర్లు నిలకడగా రాణిస్తున్నారు.

గాయపడిన రిజ్వాన్..

ఆదివారం భారత్‌తో జరిగిన మ్యాచ్‌లో గాయపడిన రిజ్వాన్‌ను కూడా ఈ మ్యాచ్‌లో చూడొచ్చు. వైద్య బృందం నుంచి ఆయనకు గ్రీన్ సిగ్నల్ లభించింది. టాప్ ఆర్డర్ బ్యాటింగ్, వికెట్ కీపింగ్‌లో తన స్థానాన్ని నిలబెట్టుకుంటాడు.

రికార్డు పుస్తకంలో పాకిస్థాన్..

అఫ్ఘానిస్థాన్-పాకిస్థాన్ టీ20 చరిత్రను పరిశీలిస్తే.. పాకిస్థాన్ పైచేయి భారీగానే కనిపిస్తోంది. 2013 నుంచి ఇప్పటి వరకు వీరిద్దరి మధ్య 2 టీ20 మ్యాచ్‌లు జరిగాయి. రెండు మ్యాచ్‌ల్లోనూ పాక్ విజయం సాధించింది. ఒకటి 2013లో, మరొకటి 2019లో ఆడారు.

ప్రాబబుల్ ప్లేయింగ్ 11..

పాకిస్థాన్: బాబర్ అజామ్, మహ్మద్ రిజ్వాన్, ఫఖర్ జమాన్, ఇఫ్తీకర్ అహ్మద్, ఖుష్దిల్ షా, షాదాబ్ ఖాన్, ఆసిఫ్ అలీ, మహ్మద్ నవాజ్, నసీమ్ షా, హరీస్ రవూఫ్, మహ్మద్ హస్నైన్.

ఇవి కూడా చదవండి

ఆఫ్ఘనిస్తాన్: హజ్రతుల్లా జజాయ్, రహ్మానుల్లా గుర్బాజ్, ఇబ్రహీం జద్రాన్, మహ్మద్ నబీ, నజీబుల్లా జద్రాన్, కరీం జనత్, రషీద్ ఖాన్, అజ్మతుల్లా ఉమర్జాయ్, హెచ్ నవీన్, ముజీబ్ ఉర్ రెహ్మాన్, ఫల్హక్ ఫరూకీ.

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu