నవరాత్రులు 9 రోజుల్లో ఈ రంగు దుస్తులు ధరించండి..కష్టాలు, నరఘోష పోతాయ్‌!
నవరాత్రి తొమ్మిది రోజుల పాటు భక్తులు దుర్గాదేవిని విశేషంగా కొలుస్తారు. ఆ సమయంలో దుర్గాదేవిని ప్రసన్నం చేసుకోవడానికి ప్రత్యేక పూజలతో పాటు దుర్గా చాలీసాను పఠిస్తారు. ఇక నవరాత్రులలో పూజతో పాటు మనం ధరించే దుస్తుల రంగు సైతం ముఖ్యమే అంటున్నారు పండితులు. అందుకే ఈ 9 రోజుల్లో భక్తులు ఎలాంటి రంగు దుస్తులు ధరిస్తే మంచిదో ఇక్కడ తెలుసుకుందాం..
Updated on: Sep 13, 2025 | 9:33 PM
భారతదేశంలో అత్యంత విశిష్టమైన, పవిత్రమైన పండుగల్లో దేవీ నవరాత్రులు ఒకటి. హిందూ ధర్మంలో నవరాత్రి 9 రోజుల పాటు జరుపుకునే చాలా ముఖ్యమైన పండుగ. ఈ నవరాత్రి పండుగ దుర్గాదేవి తొమ్మిది రూపాలను పూజించే మహోత్సవం. నవరాత్రి తొమ్మిది రోజుల పాటు భక్తులు దుర్గాదేవిని విశేషంగా కొలుస్తారు. ఆ సమయంలో దుర్గాదేవిని ప్రసన్నం చేసుకోవడానికి ప్రత్యేక పూజలతో పాటు దుర్గా చాలీసాను పఠిస్తారు. ఇక నవరాత్రులలో పూజతో పాటు మనం ధరించే దుస్తుల రంగు సైతం ముఖ్యమే అంటున్నారు పండితులు. అందుకే ఈ 9 రోజుల్లో భక్తులు ఎలాంటి రంగు దుస్తులు ధరిస్తే మంచిదో ఇక్కడ తెలుసుకుందాం..
నవరాత్రులలో ఏ రోజున ఏ ఏ రంగు దుస్తులను ధరించాలో ఇక్కడ చూద్దాం..
* మొదటి రోజు శైలపుత్రి- నవరాత్రి తొలి రోజున ఘట స్థాపనతో పాటు శైలపుత్రిని పూజిస్తాం. కాబట్టి తొలి రోజున తెల్లని వస్త్రాలు ధరించి పూజిస్తే మంచిది.
* రెండోరోజున బ్రహ్మచారిణి- రెండవ రోజున బ్రహ్మచారిణిగా అమ్మవారిని పూజిస్తాం కాబట్టి తెలుపు రంగు దుస్తులనే ధరించాలి. ఎందుకంటే బ్రహ్మచారిణి కూడా తెలుపు రంగు దుస్తులను ఇష్టపడుతుంది.
* మూడో రోజు చంద్రఘంటా- మూడవ రోజున చంద్రఘంట తల్లిని పూజిస్తారు. దుర్గాదేవికి ఎరుపు రంగు అంటే చాలా ఇష్టం కాబట్టి అమ్మవారిని ఎరుపు రంగు దుస్తుల్లో పూజించాలి.
* నాలుగో రోజు కూష్మాండా- నాల్గవ రోజున తల్లి కూష్మాండ దేవిని పూజిస్తారు కాబట్టి ఆమెకు ఇష్టమైన ముదురు నీలం లేదా ఊదా రంగు దుస్తులు ధరించాలి.
* ఐదో రోజు స్కందమాత- ఐదవ రోజున దుర్గాదేవిని స్కందమాతగా పూజిస్తాం కాబట్టి పసుపు లేదా తెలుపు రంగు దుస్తులు ధరించాలి. ఇవి స్వచ్ఛతకు చిహ్నంగా భావిస్తారు.
* ఆరో రోజు కాత్యాయని- ఆరవ రోజు కాత్యాయని దేవిగా పూజిస్తాం. ఈ రోజున గులాబి రంగు దుస్తులు.. ఈ రంగు ప్రేమ, ఆప్యాయత మరియు సామరస్యాన్ని సూచిస్తుంది.
* ఏడో రోజు కాళరాత్రి- ఏడవ రోజు కాళరాత్రిగా పూజిస్తాం కాబట్టి బూడిద రంగు లేదా గోధుమ రంగు దుస్తులు ధరించాలి.
* ఎనిమిదో రోజు మహాగౌరి- ఎనిమిదవ రోజు మహాగౌరి దేవిగా పూజిస్తాం కాబట్టి తెలుపు లేదా ఊదా రంగు..
*తొమ్మిదో రోజు సిద్ధిధాత్రి- తొమ్మిదవ రోజున తల్లి సిద్దిధాత్రిగా పూజిస్తాం.. కాబట్టి పచ్చని వస్త్రాలు ధరించాలి.
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
