బుధుడు తులారాశిలోకి ప్రవేశించాడు.. దీపావళి తర్వాత ఈ రాశుల వారికి అదృష్ట సమయం..!
అక్టోబర్ 26న బుధుడు కన్యారాశిని వదిలి తులారాశిలోకి ప్రవేశిస్తాడు. నవంబర్ 19 వరకు ఈ రాశిలోనే ఉంటుంది. బుధగ్రహ సంచారం పలు రాశుల వారికి ప్రయోజనకరంగా ఉంటుంది.
Updated on: Oct 24, 2022 | 3:37 PM
జ్యోతిషశాస్త్రంలో బుధుడు అత్యంత ప్రాధాన్యత కలిగిన గ్రహం.. బుధుడు తెలివితేటలు, తర్కం, వాక్కు, గణితం, చాకచక్యం, స్నేహనికి ప్రతీకగా పరిగణిస్తారు. బుధుడు అనుకూలమైన స్థితిలో ఉంటే, ఆయా వ్యక్తులు మేధావులుగా అవుతారు. అయితే, ప్రస్తుతం బుధుడు తులారాశిలో ప్రవేశించబోతున్నాడు. ఇది మొత్తం 12 రాశుల మీద పెను ప్రభావాన్ని చూపుతుంది. ముఖ్యంగా తులరాశిలో బుధుడి సంచారం నాలుగు రాశులపై ప్రతికూల ప్రభావం చూపనుంది. అక్టోబర్ 26న బుధుడు కన్యారాశిని వదిలి తులారాశిలోకి ప్రవేశిస్తాడు. నవంబర్ 19 వరకు ఈ రాశిలోనే ఉంటుంది. బుధగ్రహ సంచారం పలు రాశుల వారికి ప్రయోజనకరంగా ఉంటుంది. అవేంటో ఇప్పుడు తెలుసుకుందాం..
సింహరాశి : బుధుడు తులారాశిలో ప్రవేశించడం వల్ల సింహరాశి వారికి విశేష ప్రయోజనాలు చేకూరుతాయి. కుటుంబ సభ్యుల మధ్య సంబంధాలు మెరుగుపడతాయి. బంధుమిత్రుల బంధాలు మధురంగా ఉంటాయి. ఉద్యోగంలో విశేష ప్రయోజనాలు ఉంటాయి.
ధనుస్సు : బుధగ్రహ సంచారం ధనుస్సు రాశి వారికి మంచి ఫలితాలను ఇస్తుంది. వారు కొత్త ఆదాయ వనరులను సృష్టిస్తారు. దాని వల్ల డబ్బు సంపాదన పెరుగుతుంది. బకాయిలు తిరిగి చెల్లించబడతాయి. కుటుంబ సంబంధాలలో మాధుర్యం ఉంటుంది. మీకు శుభవార్త అందవచ్చు, దాని వల్ల మనసు ఆనందంగా ఉంటుంది.
మిథునరాశి: మిథున రాశి వారికి బుధ సంచారం అనుకూల ఫలితాలను ఇస్తుంది. పని ప్రదేశంలో వారికి అనుకూలమైన అవకాశాలు లభిస్తాయి. ఆదాయ వనరులు పెరుగుతాయి. అనుకోని ప్రదేశాల నుండి ఆర్థిక లాభం ఉంటుంది. మంచి ఆహారం తీసుకుంటూ ఆరోగ్యం కాపాడుకోవాలి. సమాజంలో గౌరవం పొందుతారు.
కర్కాటకం: బుధుడు తులారాశిలో ప్రవేశించడం కర్కాటక రాశి వారికి కుటుంబ శాంతిని కాపాడుతుంది. ఉద్యోగంలో ఆర్థిక లాభానికి అవకాశం. ఉద్యోగం చేస్తున్న వారికి ఆదాయం పెరుగుతుంది. విద్యార్థులు విద్యారంగంలో రాణిస్తారు. వ్యాపారస్తులకు మంచి ఒప్పందాలు లభిస్తాయి.
మరిన్ని ఆధ్యాత్మీక వార్తల కోసం ఇక్కడ క్లిక్ చేయండి
