Dream Meaning: మీరు కలలో నడుస్తున్నట్లు చూడటం శుభమా లేక అశుభమా..? ఏ నడక దేనికి సంకేతమంటే..?
Dream meaning: స్వప్న శాస్త్రం మనకు నిద్రలో వచ్చే కలలకు సంబంధించిన విషయాలను తెలియజేస్తుంది. ఏ కల వస్తే దేనికి సంకేతమనే విషయం చెబుతుంది. మీరు ఎప్పుడైనా పొడవైన రోడ్డుపై నడస్తున్నట్లు కలలు కన్నారా? అలాంటి కలలను సాధారణమైనవిగా మనం ఎక్కువగా పట్టించుకోము. కానీ, కలలో ఈ నడక ప్రయాణం అనేది మీ నిజ జీవింలో మారుతున్న దిశకు సంకేతం కావచ్చు. స్వప్న శాస్త్రం ప్రకారం ఈ కల గురించిన మరిన్ని వివరాలు తెలుసుకుందాం.
Updated on: Jan 21, 2026 | 11:19 AM
మనం నిద్రిస్తున్న సమయంలో ఏదో ఒక సమయంలో ఏవేవో కలలు వస్తుంటాయి. అయితే, మనకు వచ్చే కలల్లో కొన్నింటిని మన ఆలోచనలు, భవిష్యత్ సంకేతాలు అని చెబుతారు. మరికొన్ని సంబంధం లేకుండా కూడా ఉంటాయి. కలలకు సంబంధించిన విషయాలను వెల్లడించేందుకు ఒక శాస్త్రం ఉంది.. అదే స్వప్న(కలల) శాస్త్రం. మీరు ఎప్పుడైనా పొడవైన రోడ్డుపై నడస్తున్నట్లు కలలు కన్నారా? అలాంటి కలలను సాధారణమైనవిగా మనం ఎక్కువగా పట్టించుకోము. కానీ, కలలో ఈ నడక ప్రయాణం అనేది మీ నిజ జీవింలో మారుతున్న దిశకు సంకేతం కావచ్చు. స్వప్న శాస్త్రం ప్రకారం ఈ కల గురించిన మరిన్ని వివరాలు తెలుసుకుందాం.
విజయంవైపు అడుగులు
మీరు ఒంటరిగా ప్రశాంతంగా నడుస్తున్నట్లు కల కన్నట్లయితే.. అది చాలా సానుకూల సంకేతం. మీరు మీ జీవిత లక్ష్యాలకు పూర్తిగా అంకితభావంతో ఉన్నారని అర్థం. ఎవరి మద్దతు లేకుండా.. మీ స్వంతంగా ముందుకు సాగడానికి మీకు ధైర్యం ఉంది. ఈ కల మీ కృషి సమీప భవిష్యత్తులో ఫలించనుందని, మీరు విజయం వైపు మెట్లు అధిరోహిస్తున్నారని సూచిస్తుంది.
కష్టమైన మార్గాల్లో నడవడం
మీరు రాతి, అసమాన లేదా ముళ్లతో కూడిన మార్గంలో నడుస్తున్నట్లు కలలు కన్నట్లయితే.. అది మానసిక ఆందోలనను ప్రతిబింబిస్తుంది. ఈ కల మీరు మీ ప్రస్తుత జీవితంలో ఎదుర్కొంటున్న కొన్ని సవాళ్ల గురించి తెలియజేస్తోంది. కానీ, చింతించాల్సి పనిలేదు. ఈ కల మీ అంతర్గత బలాన్ని కూడా ప్రతిబింబిస్తుంది. అడ్డంకులు ఉన్నప్పటికీ.. మీరు ఆగడం లేదు.. కానీ, నిరంతరం ముందుకు సాగుతున్నారు. అంటే ఇది మీరు పొందనున్న సానుకూల ఫలితాలకు నిదర్శనంగా చెప్పవచ్చు.
ఎవరితోనైనా నడవడం
మీ కలలో ఒక స్నేహితుడు లేదా జీవిత భాగస్వామి మీతో నడుస్తుంటే.. దీనికి అందమైన అర్థం ఉంది. ఇది మీ సంబంధాలలో బలం, నమ్మకాన్ని ప్రతిబింబిస్తుంది. దీని అర్థం మీ జీవిత ప్రయాణంలో మీ ప్రియమైనవారి నుంచి మీకు పూర్తి మద్దతు లభిస్తుంది. మీరు ఒంటరిగా లేరని అర్థం.
వేగంగా నడవడం, పరుగెత్తడం
కలలో వేగంగా నడవడం అంటే మీరు దేని గురించైనా చాలా ఉత్సాహంగా ఉన్నారని లేదా వీలైనంత త్వరగా మీ లక్ష్యాన్ని చేరుకోవాలనుకుంటున్నారని సూచిస్తుంది. అయితే, జీవితంలోని హడావిడిలో మీ కోసం సమయం తీసుకోకుండా ఉండటానికి ఇది ఒక హెచ్చరికగా కూడా పరిగణించవచ్చు.
గమ్యాన్ని చేరుకోలేకపోవడం.. దారి తప్పడం
మీరు నడుస్తున్నట్లు కలలు కన్నప్పటికీ మీ దారి దొరకకపోతే.. అది మీ మానసిక సందిగ్ధతను ప్రతిబింబిస్తుంది. బహుశా మీరు నిజ జీవితంలో ఒక నిర్ణయం గురించి గందరగోళంగా ఉండవచ్చు. అలాంటి పరిస్థితిలో మీరు ప్రశాంతంగా ఆలోచించి ముందుకు సాగాలి.
(Declaimer: ఈ వార్తలోని సమాచారం స్వప్నశాస్త్రం, మత విశ్వాసాలపై ఆధారపడి ఉంది. టీవీ9 తెలుగు దీనిని ధృవీకరించదు.)
