కామద ఏకాదశి: ఈ తప్పులు చేస్తే నిజంగా మహా పాపం! ఇప్పుడే తెలుసుకోండి

సనాతన ధర్మంలో ఏకాదశి వ్రతానికి ప్రత్యేక ప్రాముఖ్యత ఉంది. ఏకాదశి వ్రతం విశ్వ రక్షకుడైన విష్ణుమూర్తికి అంకితం చేయబడింది. విష్ణుమూర్తికి అంకితం చేయబడిన ఈ పవిత్ర వ్రతాన్ని ప్రతి నెలా కృష్ణ పక్ష, శుక్ల పక్ష ఏకాదశి నాడు పాటిస్తారు. ప్రతి ఏకాదశి వ్రతానికి దాని స్వంత ప్రాముఖ్యత ఉంది. ఇక, కామద ఏకాదశి వ్రతాన్ని చైత్ర మాసంలోని శుక్ల పక్ష ఏకాదశి నాడు పాటిస్తారు. కామద ఏకాదశి నాడు ఉపవాసం ఉండి, నిర్దేశించిన ఆచారాల ప్రకారం విష్ణుమూర్తిని పూజిస్తే ఆయన అనుగ్రహంతో సుఖమయ జీవితం లభిస్తుందనేది ఒక ధార్మిక నమ్మకం. కామద ఏకాదశి ఉపవాసం బ్రహ్మ హత్య వంటి ఘోర పాపాల నుంచి కూడా విముక్తిని ఇస్తుంది. కానీ కామద ఏకాదశి ఉపవాసాన్ని నిర్దేశించిన నియమాల ప్రకారం మాత్రమే పాటించాలి. మత గ్రంథాలలో కామదా ఏకాదశి నాడు కొన్ని పనులు చేయడం ఘోర పాపమని చెప్పబడింది. ఈ ఏకాదశి నాడు ఏమి చేయకూడదో నేటి వ్యాసంలో తెలుసుకుందాం.

కామద ఏకాదశి తేదీ

చైత్ర మాసంలోని శుక్ల పక్ష ఏకాదశి తిథి మార్చి 28, 2026న ఉదయం 8:45 గంటలకు ప్రారంభమవుతుంది. ఈ తేదీ మరుసటి రోజు, మార్చి 29, 2026న ఉదయం 7:46 గంటలకు ముగుస్తుంది. అందువల్ల, ఉదయం సమయం ప్రకారం మార్చి 29వ తేదీన కాదా ఏకాదశి వ్రతం పాటిస్తారు.

కామదా ఏకాదశి నాడు చేయకూడని పనులు:

• పప్పులు, వంకాయ, క్యారెట్, అన్నం, గోధుమలు, క్యాబేజీ, పాలకూర వంటి ఆహార పదార్థాలను తీసుకోకూడదు.
• ఉపవాస సమయంలో అవిసె గింజలు తినడం నివారించాలి.
• తులసి ఆకులను కోయకూడదు. పూజ కోసం ముందు రోజు తీసుకున్న తులసిని మాత్రమే ఉపయోగించాలి.
• జుట్టు కత్తిరించడం, గోళ్లు కత్తిరించడం, గడ్డం ట్రిమ్ చేయడం వంటి పనులను చేయకూడదు.
• ఎవరినీ దూషించరాదు, అబద్ధాలు చెప్పరాదు, పేదలను అవమానించరాదు.
• ఉపవాసం చేసే వారు సాధ్యమైనంతవరకు రాత్రంతా మేల్కొని శ్రీమహావిష్ణు నామస్మరణ చేయడం శ్రేయస్కరం.
• సూర్యాస్తమయం తర్వాత ఇంటిని ఊడవడం మానుకోవాలి.
• ఇనుప వస్తువులు, నల్ల రంగు వస్తువులు, పాత బట్టలు, ఆహారం లేదా నూనె దానం చేయకూడదు.

ఈ నియమాలను పాటిస్తూ భక్తిశ్రద్ధలతో వ్రతాన్ని ఆచరిస్తే ఆధ్యాత్మిక శాంతి, పుణ్యఫలం కలుగుతాయని విశ్వాసం.

(Disclaimer: ఈ వార్తలోని సమాచారం జ్యోతిష్యం, మత విశ్వాసాలపై ఆధారపడి ఉంది. పాఠకుల ఆసక్తి మేరకు అందించడం జరిగింది. దీనిని టీవీ9 తెలుగు ధృవీకరించదు.)