సల్మాన్ కుటుంబంలో తీవ్ర విషాదం..

బాలీవుడ్ హీరో సల్మాన్ ఖాన్ కుటుంబంలో పెను విషాదం చోటుచేసుకుంది. ఆయన మేనల్లుడు అబ్దుల్లా ఖాన్(38) ఆకస్మికంగా మృతి చెందారు. గత కొంతకాలంగా తీవ్ర అనారోగ్యంతో బాధపడుతున్న అబ్దుల్లా ఖాన్ సోమవారం రాత్రి ముంబైలోని లీళావతి ఆస్పత్రిలో..

TV9 Telugu Digital Desk | Edited By:

Updated on: Mar 31, 2020 | 11:45 AM

బాలీవుడ్ హీరో సల్మాన్ ఖాన్ కుటుంబంలో పెను విషాదం చోటుచేసుకుంది. ఆయన మేనల్లుడు అబ్దుల్లా ఖాన్(38) ఆకస్మికంగా మృతి చెందారు. గత కొంతకాలంగా తీవ్ర అనారోగ్యంతో బాధపడుతున్న అబ్దుల్లా ఖాన్ సోమవారం రాత్రి ముంబైలోని లీళావతి ఆస్పత్రిలో చికిత్స పొందుతూ తుదిశ్వాస విడిచారు. ఈ విషయాన్ని సల్మాన్ ధృవీకరిస్తూ.. ‘నీ మరణం మాకు ఎనలేని విషాదాన్ని మిగిల్చింది. ఎల్లప్పుడూ నిన్ను ప్రేమిస్తూనే ఉంటాము’ అని ట్విట్టర్‌‌లో పోస్ట్ చేశారు. కాగా అబ్దుల్లా సినీ పరిశ్రమకు సంబంధం లేకపోయినా సల్మాన్ ఖాన్ పలుమార్లు ఆయన విడియోలను, ఫోటోలను తన ట్విట్టర్‌లో షేర్ చేసి.. తనతో ఉన్న అనుబంధాన్ని వ్యక్త పరిచారు.

అలాగే అబ్దుల్లా మృతిపట్ల సల్మాన్ ఖాన్ కుటుంబ సభ్యులతో పాటు ఆయన అభిమానులు, బాలీవుడ్ ప్రముఖులు విచారం వ్యక్తం చేశారు. కాగా వ్యక్తి గతంగా బాలీబిల్డర్ అయిన సల్మాన్‌తో కలిసి అనేక కార్యక్రమాల్లో పాల్గొన్నారు. అలాగే వీరిద్దరూ కలిసి జిమ్ చేస్తోన్న వీడియోలను కూడా గతంలో అనేకసార్లు సోషల్ మీడియాలో తన అభిమానులతో పంచుకున్నాడు సల్మాన్.