భారతదేశంలో అత్యంత ధనిక ముఖ్యమంత్రి ఎవరో తెలుసా..? వారి సంపద ఎంతో తెలుసా?

భారతదేశంలోని 31 మంది ముఖ్యమంత్రుల మొత్తం సంపద రూ.1,630 కోట్లు. భారతదేశంలోనే అత్యంత ధనిక ముఖ్యమంత్రిగా ఆంధ్రప్రదేశ్ ముఖ్యమంత్రి ఎన్ చంద్రబాబు నాయుడు నిలిచారు. పశ్చిమ బెంగాల్ ముఖ్యమంత్రి మమతా బెనర్జీ కేవలం రూ. 15 లక్షల ఆస్తులతో అతి తక్కువ ఆస్తులున్న ముఖ్యమంత్రిగా వెల్లడించారు. ఇక అరుణాచల్ ప్రదేశ్ ముఖ్యమంత్రి పెమా ఖండూ నికర విలువ రూ.332 కోట్లతో రెండవ అత్యంత సంపన్న ముఖ్యమంత్రి.

అసోసియేషన్ ఫర్ డెమోక్రటిక్ రిఫార్మ్స్ (ఏడీఆర్) సోమవారం(డిసెంబర్ 30) విడుదల చేసిన నివేదికలో ఈ సమాచారం ఉంది. ఒక్కో ముఖ్యమంత్రి సగటు సంపద రూ.52.59 కోట్లు అని నివేదిక చెబుతోంది. 2023-2024లో భారతదేశ తలసరి నికర జాతీయ ఆదాయం ఎన్‌ఎన్‌ఐ సుమారు రూ. 1,85,854 కాగా, ముఖ్యమంత్రి సగటు స్వీయ ఆదాయం రూ. 13,64,310, ఇది భారతదేశ సగటు తలసరి ఆదాయం కంటే 7.3 రెట్లు ఎక్కువ.

ఇందులో ఆంధ్రప్రదేశ్ ముఖ్యమంత్రి ఎన్ చంద్రబాబు నాయుడు రూ. 931 కోట్ల ఆస్తులతో భారతదేశపు అత్యంత సంపన్న ముఖ్యమంత్రి కాగా, పశ్చిమ బెంగాల్ ముఖ్యమంత్రి మమతా బెనర్జీ కేవలం రూ. 15 లక్షల ఆస్తులతో అతి తక్కువ సంపద కలిగిన ముఖ్యమంత్రి. చంద్రబాబు నాయుడుకు రూ.10 కోట్లకు పైగా అప్పులు ఉన్నాయని నివేదిక పేర్కొంది. అసోసియేషన్ ఫర్ డెమోక్రటిక్ రిఫార్మ్స్ (ఏడీఆర్) సోమవారం విడుదల చేసిన నివేదికలో వెల్లడించారు.

ఇక జమ్మూ కాశ్మీర్ ముఖ్యమంత్రి ఒమర్ అబ్దుల్లా రూ. 55 లక్షల ఆస్తులతో జాబితాలో రెండవ అతి తక్కువ సంపన్న సిఎం కాగా, కేరళ ముఖ్యమంత్రి పినరయి విజయన్ 1.18 కోట్ల రూపాయల ఆస్తులతో మూడవ అతి తక్కువ సంపన్న సిఎంగా ఉన్నారు. ఖండూకు అత్యధికంగా రూ.180 కోట్ల ఆస్తులు ఉన్నట్లు పేర్కొన్నారు. కర్ణాటక సీఎం సిద్ధరామయ్యకు రూ.23 కోట్లు ఉన్నట్లు ప్రకటించారు.

కాగా, 13 మంది ముఖ్యమంత్రులు తమపై క్రిమినల్ కేసులను ప్రకటించారని, 10 మంది (32 శాతం) హత్యాయత్నం, కిడ్నాప్, లంచం, క్రిమినల్ బెదిరింపులకు సంబంధించిన కేసులను చేర్చారని పేర్కొంది. దేశంలోని 31 మంది ముఖ్యమంత్రులలో ఇద్దరు మాత్రమే మహిళలు – పశ్చిమ బెంగాల్‌కు చెందిన మమతా బెనర్జీ, ఢిల్లీ ముఖ్యమంత్రి అతిషి కావడం విశేషం. 38 ఏళ్ల అతిషి దేశంలోనే అత్యంత పిన్న వయస్కుడైన సీఎం కూడా. 77 ఏళ్ల విజయన్ దేశంలోనే అత్యంత వృద్ధ ముఖ్యమంత్రి. బీహార్‌కు చెందిన నితీష్ కుమార్ మాత్రమే ఎమ్మెల్సీగా ఉండగా, మిగిలిన వారు ఎమ్మెల్యేలుగా ఉన్నారని నివేదిక సూచిస్తుంది.

Chief Ministers Assets

ఇతర రాష్ట్రాల సీఎంల ఆస్తి వివరాలుః

నాగాలాండ్ సీఎం నీఫియు రియో ​​మొత్తం ఆస్తులు రూ.46 కోట్లు. అతనికి రూ.8 లక్షల అప్పులు.

మధ్యప్రదేశ్ సీఎం మోహన్ యాదవ్ ఆస్తుల విలువ రూ.42 కోట్లు. అప్పులు – రూ.8 కోట్లు.

జార్ఖండ్ సీఎం హేమంత్ సోరెన్ ఆస్తుల విలువ రూ.25 కోట్లు. అప్పులు – రూ.3 కోట్లు.

అస్సాం సీఎం హేమంత బిస్వా శర్మకు రూ.17 కోట్ల ఆస్తులు. అప్పులు – రూ.3 కోట్లు.

మహారాష్ట్ర సీఎం దేవేంద్ర ఫడ్నవీస్ ఆస్తుల విలువ రూ.13 కోట్లు, అప్పులు – రూ.62 లక్షలు.

గుజరాత్ సీఎం భూపేంద్ర పటేల్ ఆస్తుల విలువ రూ.8 కోట్లు.

హిమాచల్ సీఎం సుఖ్వీందర్ సుఖు ఆస్తుల విలువ రూ.7 కోట్లు, అప్పులు – రూ.22 లక్షలు.

హర్యానా సీఎం నయాబ్ సైనీకి రూ.5 కోట్ల ఆస్తులు, అప్పులు – రూ.74 లక్షలు.

ఉత్తరాఖండ్ సీఎంకు రూ.4 కోట్ల ఆస్తులు, రూ.47 లక్షల అప్పులు ఉన్నాయి.

ఛత్తీస్‌గఢ్ సీఎం విష్ణు దేవ్ సాయికి రూ.3 కోట్ల ఆస్తులు, రూ.65 లక్షల అప్పులు ఉన్నాయి.

పంజాబ్ సీఎం భగవంత్ మాన్ కు రూ.కోటి ఆస్తులు, రూ.30 లక్షల అప్పులు ఉన్నాయి.

బీహార్ సీఎం నితీశ్ కుమార్ ఆస్తుల విలువ కోటి రూపాయలు.

యూపీ సీఎం యోగి ఆదిత్యనాథ్‌కు కోటి రూపాయల ఆస్తులు.

రాజస్థాన్ సీఎం భజన్‌లాల్ శర్మకు కోటి రూపాయల ఆస్తులు, అప్పులు రూ.46 లక్షలు.

ఢిల్లీ సీఎం అతిషికి కోటి రూపాయల ఆస్తులు.

మరిన్ని జాతీయ వార్తల కోసం ఇక్కడ క్లిక్ చేయండి..