ఎన్నికలున్నాయి.. వాయిదా వేయండి

ఎన్నికలున్నాయి.. వాయిదా వేయండి

నేషనల్‌ హెరాల్డ్‌ కేసులో జరుగుతున్న విచారణను మరికొన్ని రోజులు వాయిదా వేయాలని యూపీఏ ఛైర్‌పర్సన్ సోనియా గాంధీ, కాంగ్రెస్‌ అధ్యక్షుడు రాహుల్ గాంధీ సుప్రీం కోర్టుకు విన్నవించారు. ఈ కేసు విచారణను గతంలో సుప్రీంకోర్టు ఏప్రిల్‌ 23కు వాయిదా వేసింది. ప్రస్తుతం సార్వత్రిక ఎన్నికలు జరుగుతున్నందున విచారణను మరికొన్ని రోజులు వాయిదా వేయాలని వారు శుక్రవారం సుప్రీంను కోరారు. కాగా 2011-2012 ఆర్థిక సంవత్సరానికి సంబంధించి నేషనల్‌ హెరాల్డ్‌, యంగ్‌ ఇండియా సంస్థల పన్ను రీ-అసెస్‌మెంట్‌ చేయాలని […]

TV9 Telugu Digital Desk

| Edited By: Pardhasaradhi Peri

Apr 05, 2019 | 5:05 PM

నేషనల్‌ హెరాల్డ్‌ కేసులో జరుగుతున్న విచారణను మరికొన్ని రోజులు వాయిదా వేయాలని యూపీఏ ఛైర్‌పర్సన్ సోనియా గాంధీ, కాంగ్రెస్‌ అధ్యక్షుడు రాహుల్ గాంధీ సుప్రీం కోర్టుకు విన్నవించారు. ఈ కేసు విచారణను గతంలో సుప్రీంకోర్టు ఏప్రిల్‌ 23కు వాయిదా వేసింది. ప్రస్తుతం సార్వత్రిక ఎన్నికలు జరుగుతున్నందున విచారణను మరికొన్ని రోజులు వాయిదా వేయాలని వారు శుక్రవారం సుప్రీంను కోరారు.

కాగా 2011-2012 ఆర్థిక సంవత్సరానికి సంబంధించి నేషనల్‌ హెరాల్డ్‌, యంగ్‌ ఇండియా సంస్థల పన్ను రీ-అసెస్‌మెంట్‌ చేయాలని కోరుతూ ఆయా సంస్థలకు ఐటీ శాఖ నోటీసులు జారీ చేసింది. ఆ సంస్థల్లో ప్రధాన వాటాదారులుగా ఉన్న సోనియా, రాహుల్ ఆ నోటీసులను సవాలు చేస్తూ ఢిల్లీ హైకోర్టును ఆశ్రయించారు. అయితే పన్ను ప్రొసీడింగ్స్‌ను తిరిగి తెరిచే అధికారం ఐటీ శాఖకు ఉందని ఢిల్లీ హైకోర్టు స్పష్టం చేస్తూ, వారు దాఖలు చేసిన పిటిషన్‌ను కొట్టివేసింది. దీంతో ఈ నోటీసులను సవాలు చేస్తూ రాహుల్‌ సుప్రీంను ఆశ్రయించారు. కాగా ఈ సంస్థల లావాదేవీల్లో అవకతవకలు జరిగాయని ఆరోపిస్తూ ప్రముఖ న్యాయవాది, బీజేపీ నేత సుబ్రమణ్య స్వామి 2012లో పిటిషన్‌ దాఖలు చేసిన విషయం తెలిసిందే.

Follow us on

Related Stories

Most Read Stories

Click on your DTH Provider to Add TV9 Telugu