Pawan kalyan: స్పీడు పెంచిన సేనాని.. అక్టోబరు 5 నుంచి రాష్ట్రవ్యాప్త పర్యటన..

Janasena: జనసేన అధినేత పవన్ కల్యాణ్ సమర శంఖం పూరించారు. ఇకపై జనాల్లోనే ఉండనున్నారు. పవన్‌ కల్యాణ్‌ త్వరలో రాష్ట్రవ్యాప్త పర్యటన చేయబోతున్నారు. అక్టోబరు 5న తిరుపతి నుంచి సేనాని యాత్ర ప్రారంభం కానుంది. విజయదశమి నుంచి జిల్లాల పర్యటనకు పవన్‌కల్యాణ్‌ అండ్ టీమ్ రూట్ మ్యాప్ కూడా రెడీ అయిపోయింది. వైసీపీ ప్రభుత్వ వైఫల్యాలపై రాష్ట్రవ్యాప్తంగా పవన్‌ ప్రచారం చేయనున్నారు. ప్రతి నియోజకవర్గంలో పర్యటన ఉండేలా షెడ్యూల్ రూపొందిస్తున్నారు.   6నెలల్లో రాష్ట్రమంతా పర్యటన, ప్రతి ఉమ్మడి జిల్లాలో బహిరంగ సభ నిర్వహించాలని నిర్ణయించారు. మార్చి, ఏప్రిల్ లోనే ఎన్నికలు ఉంటాయని జనసైనికులు సిద్ధంగా ఉండాలని  నాదెండ్ల మనోహర్ సూచించారు.  ఇప్పటి వరకూ అంగీకరించిన సినిమాల షూటింగ్స్ ను అక్టోబర్ వరకూ కంప్లీట్ చేసి .. అప్పట్నుంచి పూర్తి స్థాయిలో ప్రజల్లోనే ఉండాలని పవన్ అనుకుంటున్నట్లుగా తెలుస్తోంది. పవన్ పర్యటనపై జనసేన పీఏసీ సభ్యుడు కొణిదెల నాగబాబు కూడా స్పందించారు. తిరుపతి నుంచి అక్టోబర్ 5న విప్లవం ప్రారంభమవుతుందన్నారు.

అక్టోబర్ – 05 – 2022, విజయదశమి నుండి జనసేనాని రాష్ట్ర వ్యాప్త పర్యటన – JanaSena PAC Chairman @mnadendla garu. pic.twitter.com/ju4J6gsZ3N

— JanaSena Party (@JanaSenaParty) June 10, 2022

ఇటీవల కాలంలో ఏపీలో పొత్తుల గురించి.. ఓ రేంజ్‌లో చర్చ జరిగింది. ప్రభుత్వ వ్యతిరేక ఓటును చీలనివ్వనని పవన్ ప్రకటించడంతో ఒక్కసారిగా హీట్ పెరిగింది. ఈసారి టీడీపీ కాస్త వెనక్కి తగ్గి.. తమకు ప్రాధాన్యం ఇస్తే బెటరన్న వ్యాఖ్యలు కూడా ఆయన నుంచి వినిపించాయి. దీంతో పొత్తుల వెర్షన్స్ నెక్ట్స్ లెవల్‌కి వెళ్లాయి. ఈ చర్చ నడుస్తుండగానే  “జర బద్రం” పేరుతో ప్రజలను, పార్టీ శ్రేణులను ఉద్దేశించినట్లుగా ఇటీవల పవన్ చేసిన ఓ ట్వీట్  చర్చనీయాంశంగా అయింది.

జర బద్రం ————— అప్పటి వరకు మనల్ని తిట్టిన నాయకులు సడెన్ గా మనల్ని పొగడ్డం ప్రారంభిస్తారు. ఆ పొగడ్తలను చూసి ఆ నాయకుడు మారిపోయాడు, పరివర్తన చెందాడని మనం భావించి చప్పట్లు, ఆనందకరమైన ఎమోజీలు పెడితే ప్రత్యర్థుల లక్ష్యం నెరవేరినట్లే.(cont..)

— Pawan Kalyan (@PawanKalyan) June 8, 2022

మరిన్ని ఆంధ్రప్రదేశ్ వార్తల కోసం ఈ లింక్ క్లిక్ చేయండి