గుత్తికోయలపై అధికారుల ఆటివిక దాడి.. గిరిజనుల గుడిసెలు పీకి.. నిప్పంటించిన అటవీ అధికారులు
జయశంకర్ భూపాలపల్లి జిల్లాలో అటవీశాఖ సిబ్బంది బీభత్సం సృష్టించారు. గుత్తి కోయ గిరిజనుల ఇళ్లను నేల మట్టం చేసి వారిని నిరాశ్రయులను..
Updated on: Feb 19, 2021 | 5:25 PM
జయశంకర్ భూపాలపల్లి జిల్లాలో అటవీశాఖ సిబ్బంది బీభత్సం సృష్టించారు. గుత్తి కోయ గిరిజనుల ఇళ్లను నేల మట్టం చేసి వారిని నిరాశ్రయులను చేశారు. అడ్డుకున్న గుత్తికోయ గిరిజనులపై అటవీశాఖ ఖావరాన్ని ప్రదర్శించారు. అటవీశాఖ సిబ్బంది దాడిలో ఓ బాలింతకు గాయాలవగా వెంటనే ఆస్పత్రికి తరలించారు.
ఈ సంఘటన జయశంకర్ భూపాలపల్లి జిల్లా పలిమెల మండల కేంద్రానికి సమీపంలో జరిగింది. ఛత్తీస్ గడ్ రాష్ట్రం నుంచి పొట్టచేత పట్టుకొని వలస వచ్చిన గుత్తికోయ గిరిజనులు పలిమెల సమీపంలో గుడిసెలు వేసుకొని నివాసం ఉంటున్నారు. సుమారు ఐదేళ్ల క్రితం ఈ ప్రాంతానికి వలస వచ్చారు. పలిమెల నుండి కామనపల్లి వేళ్లే మార్గంలో అటవీ ప్రాంతంలో గుడిసెలు వేసుకున్నారు. విషయం తెలుసుకున్న అటవీ అధికారులు ఆ గుడిసెలు కూల్చివేసి ఇంటిపై కప్పుకున్న తాటి కమ్మలకు నిప్పంటించారు. ఈ క్రమంలో గుత్తి కోయలకు – అటవీశాఖ సిబ్బందికి మధ్య ఘర్షణ వాతావరణం నెలకొంది.
అటవీశాఖ సిబ్బంది అతి ఉత్సాహంతో సావిత్రి అనే గిరిజన బాలింతకు తీవ్ర గాయాలయ్యాయి. ఆ బాలింత స్పృహ తప్పి పడిపోవడంతో మహాదేవపూర్ సామాజిక ఆస్పత్రికి తరలించారు. నిబంధనలకు విరుద్ధంగా రిజర్వ్ ఫారెస్ట్ లో గుడిసెలు వేసుకోవడంతో పాటు, అడవులను నరుకుతుండడం వల్లే వారిని ఇక్కడి నుంచి మైదాన ప్రాంతానికి వెల్లగొడుతున్నామని అటవీశాఖ సిబ్బంది తెలిపారు.
Read more:
సైబరాబాద్‌ పోలీసుల సంచలన నిర్ణయం.. బైక్ వెనక కూర్చున్న వ్యక్తికి హెల్మెట్ లేకుంటే లైసెన్స్ రద్దు !
