కోర్టులో ప్రమాణం చేయనున్న చంద్రబాబు

విజయవాడ: టీడీపీ అధ్యక్షుడు, ఏపీ ముఖ్యమంత్రి చంద్రబాబు కోర్టులో ప్రమాణం చేయనున్నారు. విజయవాడలోని సివిల్ కోర్టు కాంప్లెక్స్ ప్రాంగణంలో నాలుగవ అడిషనల్ సీనియర్ సివిల్ కోర్టు జడ్జి ముందు చంద్రబాబు ప్రమాణం చేస్తారు. చిత్తూరు జిల్లా కుప్పం నియోజకవర్గం నుంచి చంద్రబాబు పోటీ చేస్తున్న సంగతి తెలిసిందే.

ఆయన తరపున టీడీపీ నేతలు నిన్న నామినేషన్ ధాఖలు చేశారు. కుప్పం ఎన్నికల రిటర్నింగ్ అధికారికి నామినేషన్ పత్రాలను సమర్పించారు. అయితే, ఎన్నికల్లో పోటీ చేస్తున్న అభ్యర్థిగా రిటర్నింగ్ అధికారి వద్ద చంద్రబాబు ప్రమాణం చేయాల్సి ఉంది. ఈ నేపథ్యంలోనే విజయవాడలోని సివిల్ కోర్టు కాంప్లెక్స్‌లో న్యాయమూర్తి ఎదుట చంద్రబాబు ప్రమాణం చేయనున్నారు.