తీపిని పంచే చెరుకు రసం ఆరోగ్యమా?.. అనారోగ్యమా? వీరికి విషంతో సమానం..!
సమ్మర్‌లో దాహం నుంచి ఉపశమనం కోసం చెరుకు రసం విపరీతంగా తాగుతూ ఉంటారు. ఇందులో విటమిన్లు A, B, Cతో పాటు కాల్షియం, రాగి, మెగ్నీషియం, మాంగనీస్, ఐరన్ లాంటి ఖనిజాలు ఉండటం వల్ల హెల్త్‌కి మంచిది కదా అని రోజూ తాగేవారు ఉంటారు. చెరుకు రసం ఆరోగ్యానికి లెక్కలేనన్ని ప్రయోజనాలను అందిస్తుంది. అయినప్పటికీ, కొంతమందికి చెరకు రసం ప్రయోజనాలకు బదులుగా ఆరోగ్య సమస్యలను కలిగిస్తుందని మీకు తెలుసా.? చెరుకు రసం వల్ల కలిగే సైడ్‌ ఎఫెక్ట్స్‌ ఏంటో ఇక్కడ తెలుసుకుందాం..
శరీరానికి చల్లదనాన్నిచ్చే చెరకు రసం వల్ల కూడా కొన్ని రకాల సైడ్‌ ఎఫెక్ట్స్‌ తప్పవంటున్నారు పోషకాహార నిపుణులు. 200ml చెరుకు రసంలో దాదాపు 100 గ్రాముల షుగర్ ఉంటుంది. చెరుకులో ఉండే పోలికోసనాల్ అనే కెమికల్ వల్ల తలనొప్పి, ఊబకాయం, నిద్రలేమి లాంటి సమస్యలు వస్తాయని రీసెర్చ్‌లు చెబుతున్నాయి.
1 / 5
చెరకు రసంలో ఎక్కువ మొత్తంలో కేలరీలు, చక్కెర శాతం అధికంగా ఉండటం వల్ల ఇది ఊబకాయాన్నే పెంచే ప్రమాదం ఉందని చెబుతున్నారు. 200ml చెరుకు రసంలో దాదాపు 270 కేలరీలు, దాదాపు 100 గ్రాముల చక్కెర ఉంటుందని అనేక అధ్యయనాలు సూచిస్తున్నాయి. కాబట్టి దీనిని క్రమం తప్పకుండా తీసుకోవడం వల్ల ఊబకాయం వచ్చే ప్రమాదం పెరుగుతుంది.
2 / 5
డయాబెటిస్ ఉన్న రోగులు తీపి పదార్థాలకు దూరంగా ఉండాలని చెబుతారు. అందులో చెరకు రసం తీసుకోవడం కూడా ఆపేయాలి. ఎందుకంటే, ఇందులో సహజ చక్కెర అధికంగా ఉంటుంది. ఇది రక్తంలో చక్కెర స్థాయిలను వేగంగా పెంచుతుంది. తద్వారా తీవ్ర అనారోగ్యం బారిపడే అవకాశం ఉంటుంది.
3 / 5
మీ కొలెస్ట్రాల్ స్థాయి ఇప్పటికే ఎక్కువగా ఉంటే చెరకు రసం తీసుకోవడం మానుకోండి. దీన్ని క్రమం తప్పకుండా తీసుకోవడం వల్ల చెడు కొలెస్ట్రాల్ చాలా వరకు పెరుగుతుంది. నిజానికి, అధిక చక్కెర తీసుకోవడం వల్ల కాలేయం LDL కొలెస్ట్రాల్ (చెడు కొలెస్ట్రాల్) ఉత్పత్తికి సహాయపడుతుంది. ఇది HDL కొలెస్ట్రాల్ (మంచి కొలెస్ట్రాల్) ను తగ్గిస్తుంది.
4 / 5
మీకు ఇప్పటికే ఒత్తిడి లేదా నిద్రలేమి సమస్యలు ఉంటే, చెరకు రసాన్ని ఎక్కువ పరిమాణంలో తీసుకోవటం మంచిది కాదు.. చెరకు రసంలో ఉండే పోలికోసనాల్ నిద్రలేమికి కారణమవుతుంది. దీని కారణంగా ఒక వ్యక్తికి నిద్రలేమి సమస్య ఉండవచ్చు. అంతేకాదు, చెరకు రసం ఎక్కువగా తాగడం వల్ల దంతాలలో పుండ్లు ఏర్పడడానికి ఆస్కారం ఉంది. చెరకు తీపి వల్ల స్వరపేటిక సమస్యలు కూడా రావడానికి అవకాశం ఉంది.
