Lucky Zodiacs: మూడు మహా పురుష యోగాలు..ఇక వారికి దశ తిరిగినట్టే..!

Maha Purusha Yogas: పంచ మహా పురుష యోగాల్లో ప్రస్తుత గ్రహ సంచారంలో మూడు మహా పురుష యోగాలు ఏర్పడి ఉన్నాయి. కుజ, బుధులు స్వస్థానాల్లో ఉన్నందువల్ల వరుసగా రుచక, భద్ర మహా పురుష యోగాలు, గురువు ఉచ్ఛ స్థితిలో ఉన్నందువల్ల హంస మహా పురుష యోగం ఏర్పడ్డాయి. ఈ యోగాల వల్ల మేషం, మిథునం, కర్కాటకం, తుల, ధనుస్సు, మకర రాశులు అత్యధికంగా లబ్ధి పొందబోతున్నాయి. ఈ రాశుల వారి జీవితాల్లో అక్టోబర్ ఆఖరు వరకు శుభ పరిణామాలు ఎక్కువగా చోటు చేసుకుంటాయి. అనుకున్నవి అనుకున్నట్టు జరగడంతో పాటు మనసులోని కోరికలు చాలా వరకు నెరవేరుతాయి.

Maha Purusha Yoga

TV9 Telugu Digital Desk | Edited By: Janardhan Veluru|
Updated on: Jun 11, 2026 | 8:24 PM

: మేషం: ఈ రాశికి ఏక కాలంలో రుచక, హంస మహా పురుష యోగాలు కలగడం వల్ల రాజపూజ్యాలు, రాజభోగాలు బాగా అనుభవానికి వస్తాయి. ప్రభుత్వం నుంచి గుర్తింపు లభిస్తుంది. సగటు వ్యక్తి కూడా సంపన్నుడయ్యే అవకాశం ఉంది. ఉద్యోగంలో ఉన్నత పదవులు లభిస్తాయి. వృత్తి, వ్యాపారాల్లో డిమాండ్ బాగా పెరుగుతుంది. ఆస్తి కలిసి వస్తుంది. పిత్రార్జితం లభిస్తుంది. సంపన్న కుటుంబానికి చెందిన వ్యక్తితో పెళ్లి సంబంధం కుదురుతుంది. నిరుద్యోగులకు విదేశీ ఆఫర్లు అందుతాయి.

: మిథునం: ఈ రాశిలో బుధుడి స్వస్థాన సంచారం వల్ల భద్ర మహా పురుష యోగం ప్రబలంగా కలిగింది. ధన స్థానంలో గురువు ఉచ్ఛ స్థితిలో ఉండడం, లాభ స్థానంలో లాభాధిపతి కుజుడి సంచారం వల్ల ఈ రాశివారికి పట్టిందల్లా బంగారం అవుతుంది. ఉద్యోగంలో ఉన్నత స్థానాలకు చేరుకుంటారు. ఒక సంస్థకు అధిపతి అయ్యే అవకాశం కూడా ఉంది. వృత్తి, వ్యాపారాలు బిజీగా సాగిపోతాయి. ఆర్థికాభివృద్ధి ప్రయత్నాలు నూరు శాతం సక్సెస్ అవుతాయి. నిరుద్యోగులకు ఉద్యోగ యోగం పడుతుంది.

: కర్కాటకం: ఈ రాశికి గురువు వల్ల హంస మహా పురుష యోగం, కుజుడి వల్ల రుచక యోగం కలగడం వల్ల ఈ రాశివారికి లక్ష్మీదేవి కటాక్షం నూరు శాతం లభిస్తుంది. ఆదాయం బాగా వృద్ధి చెందుతుంది. ఆర్థిక, వ్యక్తిగత సమస్యల నుంచి పూర్తిగా విముక్తి లభిస్తుంది. మనసులోని కోరికలు, ఆశలు నెరవేరుతాయి. సొంత ఇంటి కల, విదేశాల్లో ఉద్యోగం చేయాలన్న కల ఫలిస్తాయి. సంతాన ప్రాప్తికి అవకాశం ఉంది. ఉద్యోగంలో అధికార యోగం పడుతుంది. ప్రముఖుడుగా గుర్తింపు లభిస్తుంది.

: తుల: ఈ రాశికి సప్తమ స్థానంలో కుజుడి స్వస్థాన సంచారం వల్ల రుచక మహా పురుష యోగం, దశమ కేంద్రంలో గురువు ఉచ్ఛ స్థితి వల్ల హంస మహా పురుష యోగం కలిగాయి. ఈ రాశివారికి ఇక పట్టపగ్గాలు ఉండకపోవచ్చు. ఉద్యోగులకు డిమాండ్ పెరుగుతుంది. ఉద్యోగులు, నిరుద్యోగులకు ఆశించిన విదేశీ ఆఫర్లు అందుతాయి. పోటీ పరీక్షలు, ఇంటర్వ్యూలలో ఘన విజయాలు సాధిస్తారు. ఆదాయం దిన దినాభివృద్ధి చెందుతుంది. ఆస్తి కలిసి వస్తుంది. ధన యోగాలు పడతాయి.

: ధనుస్సు: రాశ్యధిపతి గురువు ఉచ్ఛస్థితిలో ఉండడం ఒక విశేషం కాగా, సప్తమ కేంద్రంలో బుధుడి స్వస్థాన సంచారం వల్ల భద్ర మహా పురుష యోగం కలగడం మరో విశేషం. సంపన్నుడు కావడానికి అనేక అవకాశాలు లభిస్తాయి. ఆదాయ వృద్ధికి ఏ ప్రయత్నం చేపట్టినా సక్సెస్ అవుతుంది. ఆర్థిక, వ్యాపార ఒప్పందాలు కుదురుతాయి. ఆస్తి వివాదాలు, కోర్టు కేసులు అనుకూలంగా పరిష్కారమవుతాయి. పిత్రార్జితం లభిస్తుంది. వృత్తి, ఉద్యోగ, వ్యాపారాల్లో డిమాండ్ బాగా పెరిగే అవకాశం ఉంది.

: మకరం: ఈ రాశికి చతుర్థంలో కుజుడి స్వస్థాన సంచారం వల్ల రుచక మహా పురుష యోగం, సప్తమ కేంద్రంలో గురువు ఉచ్ఛ స్థితి వల్ల హంస మహా పురుష యోగం కలిగాయి. దీనివల్ల ఒక ప్రముఖ వ్యక్తి స్థాయి లభిస్తుంది. అత్యంత ప్రముఖులతో సైతం సన్నిహిత సంబంధాలు ఏర్పడతాయి. ఆదా యం దిన దినాభివృద్ధి చెందుతుంది. అధికార యోగం పడుతుంది. వృత్తి, వ్యాపారాలు నల్లేరు మీద బండిలా సాగిపోతాయి. కుటుంబంలో పెళ్లి, గృహ ప్రవేశం వంటి శుభ కార్యాలు జరుగుతాయి.