Gold From Dubai: విదేశాల నుంచి వచ్చేటప్పుడు ఫ్రీగా ఎంత బంగారం తెచ్చుకోవాలి? ఏం చేస్తే స్మగ్లింగ్ అవుతుంది..?
పుత్తడిపై మనసుపడని మగువలు ఉండరేమో...! అటు మార్కెట్లోనూ బంగారానికి ఉన్న డిమాండ్ ప్రత్యేకంగా చెప్పనక్కర్లేదు. రోజురోజుకీ బంగారం ధర విపరీతంగా పెరుగుతోంది. ఐతే బంగారంపై మోజుతో కొందరు అడ్డదారులు తొక్కుతున్నారు. విదేశాల నుంచి అక్రమంగా..
పుత్తడిపై మనసుపడని మగువలు ఉండరేమో...! అటు మార్కెట్లోనూ బంగారానికి ఉన్న డిమాండ్ ప్రత్యేకంగా చెప్పనక్కర్లేదు. రోజురోజుకీ బంగారం ధర విపరీతంగా పెరుగుతోంది. ఐతే బంగారంపై మోజుతో కొందరు అడ్డదారులు తొక్కుతున్నారు. విదేశాల నుంచి అక్రమంగా బంగారం తీసుకువస్తూ కస్టమ్స్ డ్యూటీ చెల్లించకుండా స్మగ్లింగ్‌కు పాల్పడుతున్నారు.
1 / 5
విదేశాల నుంచి వస్తున్న కొందరు ప్రయాణికులు అక్రమంగా బంగారం తరలిస్తూ ఎయిర్ పోర్టుల్లో కస్టమ్స్ అధికారులకు పట్టుబడుతున్నారు. కస్టమ్స్ చెల్లించకుండా ఉండేందుకు అడ్డదారులు వెతుక్కుంటున్నారు.
2 / 5
బంగారం బిస్కెట్ రూపంలోనో, నగల రూపంలోనో తీసుకువస్తే సులువుగా గుర్తించే వీలుంటుంది. అందుకే స్మగ్లర్లు వివిధ మార్గాలు ఎంచుకుంటున్నారు. ఇటీవల కాలంలో ఎక్కువగా బంగారాన్ని పేస్టులా చేస్తున్నారు. నిజానికి విదేశాల నుంచి బంగారం తీసుకురావడం అక్రమంకాదు. ఐతే నిర్దేశిత కస్టమ్స్ డ్యూటీ చెల్లించకుండా తీసుకెళ్లేందుకు ప్రయత్నిస్తేనే దానిని స్మగ్లింగ్‌గా పరిగణిస్తారు.
3 / 5
విదేశాల్లో ఆరు నెలల్లోపు ఉండి తిరిగి వచ్చేప్పుడు బంగారం తీసుకువస్తే అటువంటి వారు 38.5 శాతం కస్టమ్స్ డ్యూటీ కట్టాల్సి ఉంటుంది. ఆరు నెలల నుంచి ఏడాదిలోపు ఉండి తిరిగివస్తే 13.75 శాతం కస్టమ్స్ డ్యూటీ కట్టాలి. పురుషులైతే 20 గ్రాములు, మహిళలు 40 గ్రాముల వరకు ఎలాంటి కస్టమ్స్ డ్యూటీ లేకుండా తీసుకుని రావచ్చు.
4 / 5
కొందరు కస్టమ్స్ డ్యూటీ ఎగ్గొట్టడానికి అక్రమ పద్ధతులలో తీసుకువస్తుంటారు. ఇటువంటి సందర్భాల్లో 38.5 శాతం కస్టమ్స్ డ్యూటీ కట్టకపోతే సీజ్ చేస్తాం. కిలోకు మించి తీసుకువస్తే అరెస్టు చేసి జైలుకు పంపిస్తారు. అరబ్ దేశాల నుంచి ఎక్కువగా స్మగ్లింగ్ జరుగుతుంటుంది. ముఖ్యంగా దుబాయి, జోర్దాన్, కువైట్, సూడాన్ దేశాల్లో బంగారం ధర తక్కువగా ఉండటం వల్ల అక్రమంగా తీసుకువస్తుంటారని అధికారులు అంటున్నారు. బంగారం తీసుకెళ్లే విషయంలో ఆయా దేశాలలో ఎలాంటి ఆంక్షలు లేవు. అందుకే అక్రమ మార్గాలలో హైదరాబాద్‌కు గోల్డ్ స్మగ్లింగ్ చేసేందుకు అమాయకులు, వలస కార్మికులను స్మగ్లర్లు ఎంచుకుంటారు. వారికి విమాన ప్రయాణ టికెట్లు, ఇతర ఖర్చులు పెట్టుకుంటామని ఆశచూపి స్మగ్లింగ్‌లోకి దింపుతారు. వీరిని బిహేవియర్, పర్సన్ ప్రొఫైలింగ్, మెటల్ డిటెక్టర్ల సాయంతో పరీక్షించి కస్టమ్‌ అధికారులు పట్టుకుంటారు.
