రోజూ మెట్లు ఎక్కితే ఇన్ని లాభాలా..? ఇది తెలిస్తే ఇకపై లిఫ్ట్‌ అస్సలు వాడరు..
మెట్లెక్కడం మనం రోజూ చేసే పనులలో ఒకటి. అయితే, ప్రస్తుతం మంచి ఆరోగ్యం, శరీరం ఫిట్గా, యాక్టివ్గా ఉండేందుకు చాలా మంది మెట్లు ఎక్కడం అలవాటుగా చేసుకుంటున్నారు. ఆరోగ్యానికి సైతం ఇది చాలా మంచిదని వైద్య నిపుణులు చెబుతున్నారు. వ్యాయామం చేయడానికి సమయం లేనివారు లేదా జిమ్ సదుపాయం లేని వారికి ఇలా మెట్లు ఎక్కడం అనేది ఎంతగానో ఉపయోగపడుతుందని చెబుతున్నారు. బరువు తగ్గేందుకు ప్రయత్నిస్తున్నవారు కూడా ఎక్కువగా మెట్లు ఎక్కడానికి ఆసక్తి చూపిస్తుంటారు. అయితే, ఎన్ని మెట్లు ఎక్కడం వల్ల ఎంత బరువు తగ్గుతారో తెలుసుకోవడం తప్పనిసరి.. ఆ వివరాలేంటో ఇక్కడ తెలుసుకుందాం..
మెట్లు ఎక్కడం.. శరీరంలో కొవ్వును బర్న్ చేయడానికి సహాయపడే మంచి వ్యాయామం. దీన్ని క్రమం తప్పకుండా చేస్తే త్వరగా బరువు తగ్గుతారు. మెట్లు ఎక్కడం ఓర్పును పెంచే ఒక ఏరోబిక్ వ్యాయామం. క్రమం తప్పకుండా మెట్లు ఎక్కితే ఓర్పు పెరుగుతుంది.
1 / 5
మెట్లు ఎక్కడం కాలు కండరాలను బలోపేతం చేసే వ్యాయామం. క్రమం తప్పకుండా మెట్లు ఎక్కితే కాలు కండరాలు బలంగా మారుతాయి. ప్రతిరోజు మెట్లు ఎక్కితే రక్తపోటు తగ్గి.. రక్త ప్రసరణ మెరుగుపడుతుంది. మెట్లు ఎక్కితే ఎముకల ఆరోగ్యం బలపడుతుంది. కీళ్ల ఆరోగ్యం మెరుగుపడుతుంది.
2 / 5
మెట్లు ఎక్కడం వల్ల కేలరీలను కరిగించి బరువు తగేలా చేస్తుందని ఇటీవల పలు అధ్యయనాలు వెల్లడించాయి. ఇది కండరాలను దృఢంగా చేయడానికి సాయపడుతుంది. మెట్లు ఎక్కడం వల్ల శరీరంలోని కీలక కండరాలపై ఎక్కువ ప్రభావం పడుతుందని నిపుణులు చెబుతున్నారు.
3 / 5
వాకింగ్ లాంటి యాక్టివిటీలతో పోలిస్తే మెట్లు ఎక్కడం వల్ల ఎక్కువ కేలరీలు కరిగినట్లు పరిశోధకులు వివరించారు. మెట్లు ఎక్కడం వల్ల నిమిషానికి సుమారుగా 8నుంచి 11 కేలరీలు కరిగే అవకాశం ఉన్నట్లు పేర్కొన్నారు. ఇలా ప్రతిరోజు చేయడం వల్ల సులభంగా బరువు తగ్గేందుకు అవకాశం ఉందని నిపుణులు అంటున్నారు.
4 / 5
వారంలో ఐదురోజుల పాటు సుమారు 30 నిమిషాలు మెట్లు ఎక్కడం వల్ల బరువు తగ్గుతారని నిపుణులు చెబుతున్నారు. ఇది దాదాపు 500-700 మెట్లకు సమానమని చెబుతున్నారు. ఒకేసారి ఎక్కువ మెట్లు ఎక్కకుండా.. మొదటగా తక్కువ మెట్లతో ప్రారంభించి పెంచాలని సూచిస్తున్నారు. కేలరీలు కరగడానికి శరీర బరువు, ఎక్కిన సమయం లాంటి అనేక విషయాలు ప్రభావం చూపుతాయని నిపుణులు అంటున్నారు.
