IPL 2025: ఐపీఎల్ 2025 (IPL 2025) మెగా వేలానికి సన్నాహాలు ప్రారంభమయ్యాయి. ఇప్పటికే బీసీసీఐ, ఐపీఎల్ యాజమాన్యాల మధ్య సమావేశం జరగ్గా, ఈ సమావేశంలో ఆటగాళ్లను నిలబెట్టుకోవడంపై చర్చ జరిగింది. అదే సమయంలో, ఎక్కువ మంది ఆటగాళ్లను రిటైన్ చేసుకోవడానికి అనుమతించాలని చాలా ఫ్రాంచైజీలు డిమాండ్ చేశాయి.
ఇండియన్ ప్రీమియర్ లీగ్ (ఐపీఎల్ 2025) సీజన్-18 మెగా వేలానికి సంబంధించిన బ్లూప్రింట్‌లు సిద్ధంగా ఉన్నాయి. అంతకు ముందు, 10 ఫ్రాంచైజీలు జట్టులో కొంతమంది ఆటగాళ్లను ఉంచుకోవడానికి అనుమతించిన సంగతి తెలిసిందే. కొన్ని నివేదికల ప్రకారం, బీసీసీఐ ఈసారి మొత్తం 6 గురు ఆటగాళ్లను రిటైన్ చేసుకోవడానికి అనుమతించనుంది.
1 / 6
ఐపీఎల్ ఫ్రాంచైజీలు 6గురు ఆటగాళ్లను రిటైన్ చేయాలని నిర్ణయించుకుంటే, కొన్ని షరతులు వర్తిస్తాయి. అంటే నేరుగా నలుగురిని రిటైన్ చేసుకునే అవకాశం ఉంటే మిగతా ఇద్దరిని ఆర్టీఎం కార్డును ఉపయోగించి ఉంచుకోవాల్సి ఉంటుంది.
2 / 6
అంటే, నలుగురు ఆటగాళ్లను జట్టులో అట్టిపెట్టుకుని మిగతా ఇద్దరిని ఆర్టీఎం ఆప్షన్ ద్వారా వేలానికి విడుదల చేయాల్సి ఉంటుంది. విడుదలైన ఆటగాళ్ల పూర్తి హక్కులు సంబంధిత ఫ్రాంఛైజీకి ఉంటాయి. వేలం తర్వాత ఆటగాళ్లను రిటైన్ చేసుకునే లేదా విడుదల చేసే అవకాశం వారికి ఉంటుంది.
3 / 6
ఉదాహరణకు: RTMని ఉపయోగించిన ఇద్దరు ఆటగాళ్లు వేలంలో కనిపిస్తారు. ఈ ఆటగాళ్ల కొనుగోలుకు మరో ఫ్రాంచైజీ రూ.10 కోట్లు చెల్లించింది. అలాంటప్పుడు, RTMని ఉపయోగించిన ఫ్రాంచైజీ ఆ మొత్తాన్ని మేమే చెల్లిస్తాం అని చెప్పి, ప్లేయర్‌ను తమ కోసం ఉంచుకోవచ్చు. ఆ మొత్తాన్ని చెల్లించేందుకు సిద్ధంగా లేకుంటే మాత్రం విడుదల చేయాలి.
4 / 6
ఈ విధంగా, BCCI మొత్తం 4+2 ఆటగాళ్లను ఉంచుకోవడానికి ఫ్రాంచైజీలను అనుమతించనున్నట్లు సమాచారం. దీని ప్రకారం చాలా ఫ్రాంచైజీలు రాబోయే IPL మెగా వేలానికి ముందు మొత్తం 6గురు ఆటగాళ్లను ఉంచుకోబోతున్నాయి. అయితే 6గురు ఆటగాళ్లను ఉంచుకోవాలంటే కొంత మొత్తం చెల్లించాల్సిందేనని ఇక్కడ పేర్కొనడం గమనార్హం.
5 / 6
అంటే, ఒక్కో ఫ్రాంచైజీ అట్టిపెట్టుకున్న మొదటి, రెండో, తృతీయ, నాలుగో ఆటగాళ్లకు ఈ మొత్తాన్ని కేటాయిస్తారు. ఈ మొత్తం వేలం మొత్తం నుంచి తీసివేస్తారు. అందువల్ల ఏ ఫ్రాంచైజీ చెల్లించి ప్లేయర్‌ను రిటైన్ చేస్తుందనేది ఇప్పుడు ఉత్కంఠగా మారింది.
