పెళ్లైన నటితో టాలీవుడ్ హీరో డేటింగ్‌.. మూడో గర్ల్‌ ఫ్రెండ్‌!
నటుడు హర్షవర్ధన్ రాణే గురించి ప్రత్యేకంగా చెప్పనవసరం లేదు. అచ్చ తెలుగు నటుడైనప్పటికీ తెలుగులో అవకాశాలు పెద్దగా రాలేదు. అవును, ఫిదా, గీతాంజలి, బెంగాల్ టైగర్ తదితర మువీల్లో నటించినప్పటికీ ఈ రాజమండ్రి కుర్రాడికి టాలీవుడ్‌లో పెద్దగా గుర్తింపు..
నటుడు హర్షవర్ధన్ రాణే గురించి ప్రత్యేకంగా చెప్పనవసరం లేదు. అచ్చ తెలుగు నటుడైనప్పటికీ తెలుగులో అవకాశాలు పెద్దగా రాలేదు. అవును, ఫిదా, గీతాంజలి, బెంగాల్ టైగర్ తదితర మువీల్లో నటించినప్పటికీ ఈ రాజమండ్రి కుర్రాడికి టాలీవుడ్‌లో పెద్దగా గుర్తింపు దక్కలేదు. ఐతే బాలీవుడ్‌లో మాత్రం అదృష్టం బాగా కలిసొచ్చింది. ఇలా తెలుగు, తమిళ, హిందీ చిత్ర సీమలో పలు సినిమాల్లో మంచి నటుడిగా తనదైన గుర్తింపు తెచ్చుకున్న హర్షవర్థన్‌ వరుస ఆఫర్లతో దూసుకుపోతున్నాడు.
1 / 5
సినిమాల విషయం పక్కన పెడితే.. హర్షవర్ధన్ గతంలో కిమ్ శర్మ, మీనాక్షి దాస్ నటీమణులతో డేటింగ్‌ చేశాడు. ఐతే ఎందుకో వాళ్లతో సెట్‌కాక మధ్యలోనే విడిపోయాడు. తాజాగా హర్షవర్ధన్‌కు సంబంధించిన ఓ వార్త నెట్టింట చక్కర్లు కొడుతోంది. పెళ్లైన ఓ నటితో డేటింగ్‌ ఉన్నాడనేది ఆ వార్త సారాంశం. అంతేకాకుండా వీరిద్దరూ కలిసి ఉన్న ఫొటోలు సైతం ప్రస్తుతం సోషల్‌ మీడియాలో వైరల్‌గా మారాయి.
2 / 5
బాలీవుడ్‌ నటి సంజీదా షేక్‌తో కలిసి హర్షవర్ధన్ జూన్‌లో గిర్ ఫారెస్ట్‌కు టూర్‌కు వెళ్లారు. సంజీదాకు ఇప్పటికే పెళ్లయి కుమార్తె ఐరా అలీ ఉంది. ఆమె భర్త నటుడు ఆమిర్ అలీతో గతేడాది విడాకులు కూడా తీసుకుంది.
3 / 5
ప్రస్తుతం హర్షవర్ధన్‌తో కలిసి చెట్టాపట్టాలేసుకుని తిరగడంతో అదికాస్తా పుకార్లకు దారితీసింది. దీనిపై హర్షవర్ధన్ రాణే ఇటీవల ఓ ఇంటర్వ్యూలో మాట్లాడుతూ.. తప్పుడు వార్తలను వ్యాప్తి చేయడం జర్నలిస్టులకు అలవాటేనని, ఇలాంటి పుకార్లను తాను పెద్దగా పట్టించుకోనని హర్షవర్ధన్ క్యాజువల్‌గా ఆన్సర్‌ ఇచ్చాడు.
4 / 5
సంజీదాతో హర్షవర్ధన్ బంధంపై నేరుగా స్పందించకపోవడంతో వీళ్ల డేటింగ్‌ నిజమేనని పలువురు భావిస్తున్నారు. ఇదిలా ఉండగా 'తైష్' అనే యాక్షన్ మువీలో సంజీదా, హర్షవర్ధన్ కలిసి నటించిన సంగతి తెలిసిందే.
