Vaishnavi chaitanya: బేబీ కథ విన్నప్పుడు నా జీవితమే గుర్తొచ్చింది: వైష్ణవి చైతన్య
బేబీ సినిమాలో నాది ఓ అమాయకురాలైన అమ్మాయి పాత్ర. బస్తీ నుంచి వచ్చిన తర్వాత ఆ యువతి జీవితం ఎలా మారిపోయింది? అనేది ఈసినిమా కథ. ఆ జీవితం నుంచి ఏం నేర్చుకుంటుంది?
ఆనంద్ దేవరకొండ, వైష్ణవి చైతన్య జంటగా నటిస్తున్న లేటెస్ట్ మూవీ బేబీ. ఈ సినిమాలో మరో హీరోగా విరాజ్ అశ్విన్ కనిపించనున్నాడు. ఇప్పటికే విడుదలైన బేబీ సినిమాలోని పాటలు సెన్సేషన్‌ను క్రియేట్ చేశాయి. విజయ్ బుల్గానిన్ ఇచ్చిన సంగీతం ప్రేక్షకులను ఆకట్టుకుంది. ఈ సినిమాతో వైష్ణవి చైతన్య హీరోయిన్ గా పరిచయం అవుతుంది. తాజాగా ఆమె మాట్లాడుతూ..
1 / 8
యూట్యూబర్‌గా, కారెక్టర్ ఆర్టిస్ట్‌గా, సోషల్ మీడియా ఇంఫ్లూయెన్సర్‌గా కొందరికి నేను తెలుసు. బేబీ హీరోయిన్ గా నా మొదటి సినిమా. ఈ మూవీ దర్శకుడు సాయి రాజేష్ గారు నాకు హీరోయిన్‌గా అవకాశాన్ని ఇచ్చారు.
2 / 8
హీరోయిన్ అవ్వాలనే కోరికతోనే ఇండస్ట్రీకి వచ్చాను. నేను ఇండస్ట్రీలోకి వచ్చి ఎనిమిదేళ్లు అవుతోంది. కానీ నాకు ఇప్పటికి మంచి అవకాశం వచ్చింది. ఈ పాత్రనుచేయగలనా లేదా అని నా మీద నాకే నమ్మకం లేనిసమయంలో సాయి రాజేష్ గారు నన్ను నమ్మారు.
3 / 8
నా మీద నెగిటివ్ కామెంట్స్ కూడా వచ్చాయి. ఇన్ స్టాలో రీల్స్ , టిక్ టాక్ లు చేస్తే సినిమా హీరోయిన్ అయిపోతుందా.? అని కూడా అన్నారు. ఈ సినిమాలో అవకాశం వచ్చినప్పుడు కూడా నెగెటివ్ కామెంట్లు చేశారు.ఆ కామెంట్స్ నా పై చాలానే ప్రభావం చూపించింది. నేను యూట్యూబ్ వరకేనా? అని అనిపించింది. కానీ సాయి రాజేష్ గారు నన్ను నమ్మారు. నాలో ధైర్యాన్ని నింపారు.
4 / 8
బేబీ సినిమాలో నాది ఓ అమాయకురాలైన అమ్మాయి పాత్ర. బస్తీ నుంచి వచ్చిన తర్వాత ఆ యువతి జీవితం ఎలా మారిపోయింది? అనేది ఈసినిమా కథ. ఆ జీవితం నుంచి ఏం నేర్చుకుంటుంది? చిన్నప్పటి నుంచే ఓ అబ్బాయితో ప్రేమలో ఉంటుంది. కాలేజ్‌కు వచ్చాక మరో అబ్బాయి లైఫ్‌లోకి వస్తాడు. ఆ తర్వాత ఏం జరిగిందో చూపించారు.
5 / 8
బేబీ మూవీ మ్యూజిక్ ఓరియెంటెడ్ సినిమా. ఈ సినిమా కథ విన్నప్పుడు నాకు నా లైఫ్ గుర్తుకు వచ్చింది. రియల్ లైఫ్‌లోంచి తీసుకున్న కథ. నటించేందుకు ఎక్కువ స్కోప్ ఉన్న పాత్ర. ఇది ఎంతో సున్నితమైన పాత్ర ఇది.
6 / 8
బేబీ సినిమాకు సైన్ చేసి మూడేళ్లు అవుతుంది. చాలా డెప్త్ ఉన్న సీన్లు ఎన్నో ఉన్నాయి. ఎప్పుడూ ప్రెజర్ అని ఫీల్ అవ్వలేదు. ఇలాంటి పాత్ర వచ్చినందుకు ఎంతో గర్వపడుతుంటాను. నా ప్రాణం పెట్టి ఈ పాత్రను చేశాను. అమ్మాయి కోణంలోంచి ఈ కథ నడుస్తుంటుంది.
7 / 8
షూటింగ్‌ కోసం సెట్‌లోకి వచ్చినప్పుడు భయపడుతూ ఉండేదాన్ని. కానీ టేక్ చెప్పేసరికి మేం ముగ్గురం చర్చించుకుని రెడీగా ఉండేవాళ్లం. ఆ ఇద్దరూ కూడా ఎంతో ఫ్రీడం ఇచ్చారు. డార్క్ లుక్‌లో ఉన్న సీన్‌లే ఎక్కువ ఎంజాయ్ చేశాను. సినిమా చూస్తే ఇది మన జీవితంలో జరిగినట్టే అనిపిస్తుంది. ఈ సినిమాలో నెగెటివ్, పాజిటివ్, హీరో, హీరోయిన్లు అని ఉండరు. పరిస్థితులే ప్రభావితం చేస్తాయి.
