Electric Cars: ఎలక్ట్రిక్ కారు కొనాలనుకుంటున్నారా? అనువైన బడ్జెట్లో ఇవే బెస్ట్..
మార్కెట్లో ఎలక్ట్రిక్ కార్లకు డిమాండ్ పెరుగుతోంది. ఇటీవల కాలంలో పలు టాప్ బ్రాండ్లు ఈ-కార్లను లాంచ్ చేశాయి. ఈ విభాగంలో టాటా గ్రూప్ ముందంజలో ఉంది. వివిధ రకాల వేరింయట్లను మన దేశీయ మార్కెట్లో విడుదల చేసింది. వాటి తర్వాత మోరిస్ గ్యారేజెస్(ఎంజీ), పలు చైనా బ్రాండ్లు ఉన్నాయి. అయిత వాస్తవానికి ఈ ఎలక్ట్రిక్ కార్ల ధరలు ఎక్కువగానే ఉంటాయి. అయితే ఈ ఫెస్టివల్ సీజన్లో ఎలక్ట్రిక్ కార్లపై కూడా మంచి ఆఫర్లు అందుబాటులో ఉన్నాయి. ఈ నేపథ్యంలో రూ. 15లక్షలలోపు ధర ఉండే టాప్ ఎలక్ట్రిక్ కార్ల గురించి ఇప్పుడు తెలుసుకుందాం..
టాటా టియాగో ఈవీ.. ఇది భారతదేశంలో రెండవ అత్యంత సరసమైన ఎలక్ట్రిక్ కారు. దీని ధర రూ. 7.99 లక్షల నుంచి రూ. 11.49 లక్షల వరకు ఉంటుంది. ఇది రెండు బ్యాటరీ ఎంపికలతో వస్తుంది. 19.2కేడబ్ల్యూహెచ్, 24కేడబ్ల్యూహెచ్. ఇవి వరుసగా 250 కిలోమీటర్లు, 315 కిలోమీటర్ల శ్రేణిని అందిస్తోంది.
1 / 6
టాటా నెక్సాన్ ఈవీ.. ఈ కారు ధర రూ. 12.49 లక్షల నుంచి రూ. 17.19 లక్షల మధ్య ఉంటుంది. ఇది 40.5కేడబ్ల్యూహెచ్ బ్యాటరీతో 465 కిమీ పరిధిని అందిస్తుంది. అయితే పెద్ద 45కేడబ్ల్యూహెచ్ బ్యాటరీ వేరియంట్‌లు 489 కిలోమీటర్లను అందిస్తాయి.
2 / 6
టాటా పంచ్ ఈవీ.. ఈ సంవత్సరం ప్రారంభంలో ప్రారంభమైన పంచ్ ఈవీ ఎక్స్-షోరూమ్ ధర రూ. 9.99 లక్షల నుంచి రూ. 14.29 లక్షల మధ్య ఉంది. 25కేడబ్ల్యూహెచ్ లేదా 35కేడబ్ల్యూహెచ్ బ్యాటరీతో లభిస్తుంది. దీని రేంజ్ 421 కిలోమీటర్ల పరిధిని అందిస్తుంది. ఇది విభిన్న ఛార్జింగ్ ఎంపికలతో లభిస్తుంది.
3 / 6
ఎంజీ విండ్సర్ ఈవీ.. ఇటీవల కొత్తగా లాంచ్ అయిన ఈ కారు ధర రూ. 13.50 లక్షల నుంచి రూ. 15.50 లక్షల మధ్య ఉంటుంది. దీనిలో కూడా బ్యాటరీ-యాజ్-ఎ-సర్వీస్ ఆప్షన్ వస్తుంది. దీని కోసం మీరు కిలోమీటరుకు రూ. 3.5 చెల్లిస్తే, బేస్ ధర రూ.9.99 లక్షలకు పడిపోతుంది. ఈ కారు సింగిల్ చార్జ్ పై 331 కిలోమీటర్ల రేంజ్ ఇస్తుందని కంపెనీ ప్రకటించింది.
4 / 6
ఎంజీ కామెట్ఈవీ.. ఇది భారతదేశంలో అత్యంత సరసమైన, కాంపాక్ట్ ఈవీ. దీని ధర రూ. 6.99 లక్షల నుంచి రూ. 9.53 లక్షల వరకు ఉంది. కొత్త బ్యాటరీ-యాజ్-ఎ-సర్వీస్ (BaaS) ప్రోగ్రామ్‌తో వస్తుంది. దీనికోసం కిలోమీటరుకు రూ. 2.5 చెల్లిస్తే బేస్ ధర రూ. 4.99లక్షకు పడిపోతుంది. దీనిలో 17.3కేడబ్ల్యూహెచ్ బ్యాటరీ ఉంటుంది. సింగిల్ చార్జ్ పై 230 కిమీల పరిధిని అందిస్తుంది.
5 / 6
టాటా టిగోర్ ఈవీ.. ఈ కారు 26కేడబ్ల్యూహెచ్ బ్యాటరీతో నడిచే ఈ ఎలక్ట్రిక్ సెడాన్. దీని ధర రూ. 12.49 లక్షల నుంచి రూ. 13.75 లక్షల మధ్య ఉంటుంది. ఈ ఎలక్ట్రిక్ సెడాన్ లోని బ్యాటరీని సింగిల్ చార్జ్ చేయడం ద్వారా 315 కిలోమీటర్ల రేంజ్ ఇస్తుందని కంపెనీ ప్రకటించింది.
