Top Selling Scooters: మార్కెట్లో అత్యధికంగా అమ్ముడవుతున్న స్కూటర్లు ఇవే.. తక్కువ ధర, అద్భుత ఫీచర్లు.. మీరూ ఓ లుక్కేయండి..
మీరు మంచి స్కూటర్ కొనుగోలు చేయాలని ఆలోచిస్తు‍న్నారు. ఇంట్లో అవసరాలతో పాటు మంచి పికప్‌ ఉండేవి కావాలనుకొంటున్నారా? ధర కూడా అందుబాటులో ఉంటే బాగుండు అని భావిస్తున్నారా? అయితే ఈ కథనం మీ కోసమే. మన దేశీయ మార్కెట్లో అందుబాటులో ఉన్న బెస్ట్‌ పెర్ఫామెన్స్‌ స్కూటర్లను మీకు పరిచయం చేస్తున్నాం. 125సీసీ ఇంజిన్ తో ఇవి మంచి పనితీరును కలిగి ఉండటంతో పాటు అదరగొట్టే ఫీచర్లను అందిస్తున్నాయి. డిజైన్‌, లుక్స్‌ కూడా ఆకట్టుకుంటున్నాయి. వాటిల్లో హీరో, యమహా, హోండా, సుజుకీ కంపెనీలకు చెందిన స్కూటర్లు ఉన్నాయి. అవేంటో చూద్దాం రండి..
హీరో డెస్టిని 125 ఎక్స్‌టెక్‌(Hero Destini 125 XTEC).. ప్రస్తుత మార్కెట్లో అత్యంత అనువైన బడ్జెట్‌ లో స్కూటర్ ఇది. ఇది మూడు వేరియంట్లలో లభిస్తోంది. స్టాండర్డ్, ఎల్‌ఎక్స్‌, ఎక్స్‌టెక్‌. వీటి ధరలు వరుసగా రూ. 71,608, రూ. 77,218, రూ. 83,808, ఎక్స్-షోరూమ్ ఢిల్లీ. డ్రమ్ బ్రేకులు ఉంటాయి. ఎల్ఈడీ హెడ్లైట్లు, ఫోన్ చార్జింగ్‌ పోర్టు, బ్లూటూత్ కనెక్టివిటీ వంటి ఫీచర్లు ఉంటాయి. 9బీహెచ్‌పీ, 10.4ఎన్‌ఎం టార్క్ ను ఉత్పత్తి చేసే 124.6cc ఎయిర్-కూల్డ్ ఇంజిన్ ఉంటుంది.
1 / 5
హీరో మాస్ట్రో ఎడ్జ్ 125(Hero Maestro Edge 125).. దీనిలో ఆల్-డిజిటల్ ఇన్‌స్ట్రుమెంట్ క్లస్టర్, హీరో కనెక్ట్ యాప్‌తో, స్మార్ట్‌ఫోన్‌ కనెక్టివిటీ, టర్న్-బై-టర్న్ నావిగేషన్, లైవ్ ట్రాకింగ్, జియో-ఫెన్సింగ్, పార్కింగ్ లొకేషన్, టో ఎవే నోటిఫికేషన్ వంటి ఫీచర్లు ఉంటాయి. డ్రమ్ బ్రేక్‌తో కూడిన అల్లాయ్ వీల్స్ కలిగిన స్కూటర్ ధర రూ. 77,896, డిస్క్ బ్రేక్‌తో కూడిన అల్లాయ్ వీల్స్ కలిగిన స్కూటర్ ధర రూ. 82,346, డిస్క్ బ్రేక్ మరియు ప్రిస్మాటిక్ కలర్‌తో కూడిన అల్లాయ్ వీల్స్ కలిగిన స్కూటర్ ధర రూ. 82,766గా ఉంది.
2 / 5
యమహా ఫాసినో 125(Yamaha Fascino 125).. రూ. 78,600 నుండి ప్రారంభమయ్యే ఈ స్కూటర్ మైల్డ్-హైబ్రిడ్ సిస్టమ్‌తో వస్తుంది. ఇది డ్రమ్, డిస్క్ బ్రేక్ ఆప్షన్‌లలో అందుబాటులో ఉంది. మొదటిది రూ. 78,600 నుంచి రూ. 79,600 వరకు, రెండోది రూ. 89,230 నుంచి రూ. 92,030 వరకు, ఢిల్లీ ఎక్స్-షోరూమ్ ధరకు అందుబాటులో ఉంది. 10.3Nm టార్క్‌తో 8bhp 125cc ఇంజిన్ ఉంటుంది.
3 / 5
హోండా యాక్టివా 125(Honda Activa 125).. హోండా ఇటీవలే యాక్టివాకు ఫేస్‌లిఫ్ట్‌ని అందించింది. 8.2bhp, 10.4Nm టార్క్‌ని విడుదల చేసే 124సీసీ ఇంజిన్ ని కొనసాగిస్తోంది. కీలెస్ స్టార్ట్ చేయవచ్చు. నాలుగు వేరియంట్లలో యాక్టివా లభ్యమవుతోంది. యాక్టివా 125 డ్రమ్ వేరియంట్ ధర రూ. 78,920, యాక్టివా 125 డ్రమ్ విత్ అల్లాయ్ వీల్స్ ధర రూ. 82,588, యాక్టివా 125 డిస్క్ బ్రేక్ వేరియంట్ రూ. 86,093, యాక్టివా 125 హెచ్ స్మార్ట్ రూ. 88,093 ఢిల్లీ ఎక్స్-షోరూమ్‌తో అందుబాటులో ఉన్నాయి.
4 / 5
సుజుకి యాక్సెస్ 125(Suzuki Access 125).. ఈ స్కూటర్ 8.6bhp, 10Nm టార్క్ ను ఉత్పత్తి చేసే 124సీసీ ఇంజిన్ తో వస్తోంది. స్టాండర్డ్ ఎడిషన్ డ్రమ్ బ్రేక్ రూ. 79,400, స్టాండర్డ్ ఎడిషన్ డ్రమ్ బ్రేక్, విత్ అల్లాయ్స్ రూ. 79,600, స్టాండర్డ్ ఎడిషన్ డిస్క్ బ్రేక్ వేరింయట్ రూ. 83,100. స్పెషల్ ఎడిషన్ డిస్క్ ట్రిమ్ ధర రూ. 84,800 గా ఉంది. అలాగే రైడ్ కనెక్ట్ ఎడిషన్ డ్రమ్ విత్ అల్లాయ్ వీల్స్ రూ. 85,500, రైడ్ కనెక్ట్ ఎడిషన్ డిస్క్ విత్ అల్లాయ్ రూ. 89,500 ఎక్స్ షోరూం గా ఉంది. దీనిలో ఇన్‌స్ట్రుమెంట్ కన్సోల్, ఎల్ఈడీ హెడ్లైట్లు, సైడ్ స్టాండ్ లాక్ , యూఎసబీ ఛార్జింగ్ పోర్ట్‌, బ్లూటూత్ కనెక్టివిటీ వంటి ఫీచర్లు ఉన్నాయి.
