Gold Rates: బంగారం ధరలు ఇంకా పెరుగుతాయా? దీపావళి నాటికి ఎంతకు చేరుతుంది..?
ముఖ్యంగా దసరా.. దీపావళి పండుగల్లో బంగారం కొనడం చాలా ఎక్కువగా ఉంటుంది. దీపావళీ సమయంలో బంగారం కొంటే మంచిది అని చాలామంది నమ్ముతారు. అందుకే ఆ సమయంలో బంగారం కొనుగోళ్లు ఎక్కువగా జరుగుతాయి. ఆ సమయంలో వచ్చే డిమాండ్ తో బంగారం ధరలు పరుగులు తీస్తాయి.
మన దేశంలో బంగారం అంటే అందరికీ ఎంతో ఆసక్తి. ఇంటిలో చిన్న ఫంక్షన్ అయినా.. పెళ్లి అయినా.. ఏదైనా పండగ వచ్చినా బంగారం కొనుక్కునే వారు చాలామందే ఉంటారు. అలాగే చాలామంది బంగారంపై పెట్టుబడి పెట్టడానికి ఎక్కువ ఆసక్తి చూపిస్తారు. ఎందుకంటే, మిగిలిన అన్ని ఇన్వెస్ట్మెంట్ అప్షన్స్ కంటే.. గోల్డ్ ఇన్వెస్ట్మెంట్స్ సేఫ్ అని ఎక్కువమంది నమ్ముతారు. దానికి అనుగుణంగానే పండుగలు వచ్చేసరికి బంగారం కొనేవారు.. బంగారంలో ఇన్వెస్ట్ చేసేవారు ఎక్కువగా ఉంటారు.
1 / 7
ముఖ్యంగా దసరా.. దీపావళి పండుగల్లో బంగారం కొనడం చాలా ఎక్కువగా ఉంటుంది. దీపావళీ సమయంలో బంగారం కొంటే మంచిది అని చాలామంది నమ్ముతారు. అందుకే ఆ సమయంలో బంగారం కొనుగోళ్లు ఎక్కువగా జరుగుతాయి. ఆ సమయంలో వచ్చే డిమాండ్ తో బంగారం ధరలు పరుగులు తీస్తాయి.
2 / 7
ఈ మధ్య కాలంలో బంగారం ధరలు స్థిరంగా ఉండటం లేదు. సాధారణంగా బంగారం ధరలు పెరుగడం తగ్గడం జరుగుతూనే ఉంటుంది. కానీ.. ఈసారి మాత్రం బంగారం ధరల దోబూచులాట చాలా ఎక్కువగా ఉంది. ఈరోజు తక్కువ ఉంది అనుకునే లోపు మర్నాడే చాలా ఎక్కువ ధరను అందుకుంటోంది. ధర పెరిగింది అని అనుకునే లోపే కిందికి జారిపోతోంది. దీంతో బంగారం కొనుక్కునే వారికీ.. ఇన్వెస్టర్స్ కీ కూడా ఇబ్బందిగానే ఉంటోంది.
3 / 7
గత వారం చివరికి బంగారం ధరలు పై చూపులతో ఉన్నాయి. అదే ట్రెండ్ తో ఈ వారం కూడా ప్రారంభమైంది. వారం అంతా పైకీ కిందికీ కదిలిన బంగారం ధరలు చివరికి వచ్చేసరికి స్వల్పంగా తగ్గుదలను నమోదు చేశాయి. ఈ వారం ప్రారంభంలో బులియన్ మార్కెట్లో సెప్టెంబర్ 18న 10 గ్రాముల 24 క్యారెట్ల బంగారం ధర పది గ్రాములకు 60,080 రూపాయల వద్ద ఉంది. ఇక్కడ నుంచి అటూ ఇటూగా మారుతూ ఈ వారం అంతా కదలాడింది. 19 వ తేదీన రూ.140లు పెరిగింది. తరువాత ఒక్కరోజు స్థిరంగా ఉన్న బంగారం ధరలు 21, 22 తేదీల్లో రెండు రోజులూ కలిపి రూ.390లు తగ్గిపోయింది. చివరికి సెప్టెంబర్ 23 న 110 రూపాయల స్వల్ప పెరుగుదలతో 59,950 రూపాయల వద్ద వారాన్ని ముగించింది.
4 / 7
త్వరలో దీపావళి రానున్న నేపథ్యంలో బంగారం ధరల కదలికలపై అందరికీ చాలా ఆసక్తి ఉంది. ఇటు పండుగకు బంగారం కొనుక్కుని దాచుకోవాలని చూసేవారికి.. అటు బంగారంలో ఇన్వెస్ట్ చేసేవారికీ కూడా దీపావళి నాటికి ధరలు ఎలా ఉంటాయో అనే టెన్షన్ ఉంది. ప్రస్తుతం నిపుణులు చెబుతున్నదానిని బట్టి దీపావళి నాటికి బంగారం ధరలు పెరిగే అవకాశం ఉందని మార్కెట్ నిపుణులు అంచనావేస్తున్నారు. పది గ్రాముల 24 క్యారెట్ల బంగారం ధర రూ.62 వేలకు చేరుకోవచ్చని నిపుణులు భావిస్తున్నారు. ఈ సంవత్సరం చివరి నాటికి బంగారం ధరలు రూ.65 వేలకు చేరుకోవచ్చని అంచనావేస్తున్నారు.
5 / 7
ఇక వెండి విషయానికి వస్తే.. ఈ వారం ప్రారంభంలో అంటే సెప్టెంబర్ 18 వ తేదీన కేజీ వెండి ధర 78,200 రూపాయలుగా ఉంది. ఇది వారం చివరికి వచ్చేసరికి భారీగా పెరిగి అంటే దాదాపుగా 1100 రూపాయలు పెరిగి 79,300 రూపాయలకు చేరుకుంది. సెప్టెంబర్ 22వ తేదీ ఒక్కరోజే రూ.1000 రూపాయలు పెరిగింది వెండి. దీపావళి నాటికి వెండి ధరలు మరింత పెరగవచ్చని నిపుణులు అంచనా వేస్తున్నారు. కేజీ వెండి రూ.78-80 వేలకు చేరుకునే అవకాశముంది. అలాగే ఈ ఏడాది చివరినాటికి వెండి ధరలు రూ.90 వేలకు చేరుకోవచ్చని అంచనావేస్తున్నారు.
