ఓరీ దేవుడో..! ఆమె ధైర్యానికి మొక్కాలి..! 500 రోజులు గుహలోనే ఒంటరిగా గడిపింది!
ఫోన్‌లేదు, బయటి ప్రపంచంతో ఎలాంటి సంబంధం లేదు. పిలిస్తే పలికే నాధులే లేరు..ఎటు చూసినా చిమ్మ చీకటి..పైగా చుట్టూ ఏముందో కూడా తెలియని నిర్మానుష్యం.. ఒంటరిగా ఓ చీకటి గుహలో ఉంటే ఎలా ఉంటుంది..? ఆ ఊహే ఎంత భయంకరంగా ఉందో కదా..! అలాంటి సాహసమే చేసింది స్పెయిన్‌కు చెందిన బియాట్రిజ్‌ ఫ్లమిని. వృత్తిరీత్యా క్రీడాకారిణి, పర్వతారోహకురాలైన ఆమె.. ఒకటి కాదు, రెండు కాదు.. ఏకంగా 500 రోజులు చిమ్మ చీకట్లు కమ్ముకున్న గుహలో కాలం గడిపింది. అక్కడే రెండు పుట్టినరోజులు జరుపుకున్న ఆమె.. తాజాగా గుహ నుంచి బయటికొచ్చింది.
మీరు ఎప్పుడైనా అడవిలో లేదా గుహలో ఒంటరిగా ఉన్నారా? అలాంటి భయానక ప్రదేశంలో ఒంటరిగా ఉండటానికి ఎవరూ ధైర్యం చేయరు. అయితే ఓ గుహలో ఒకటి రెండు రోజులు కాదు ఏకంగా 500 రోజుల పాటు ఒంటరిగా గడిపిన ఓ మహిళ ఉందని మీకు తెలుసా. ఇప్పుడు ఆమె బాగా పాపులర్ అయింది.
1 / 5
ఈ ఘనత సాధించిన 50 ఏళ్ల స్పానిష్ క్రీడాకారిణి పేరు బియాట్రిజ్‌ ఫ్లమిని. బియాట్రిజ్‌ ఫ్లమిని స్పెయిన్‌లోని గ్రెనడాలోని గుహలో 500 రోజులు ఒంటరిగా గడిపింది. అలాగే ఇప్పుడు గుహ నుంచి బయటకు వచ్చి ప్రస్తుతం శాస్త్రవేత్తల సంరక్షణలో ఉన్నారు. అలాగే, ఆమె చేసిన ఈ సాహసం ప్రపంచ రికార్డుకు పంపించారు.
2 / 5
బీట్రిజ్ గుహలో తన అనుభవాన్ని చెప్పారు. నేను గుహలో రోజులు లెక్కించడం మానేసిన సమయం కూడా ఉందని ఆమె చెప్పింది. తనపై తేనెటీగాల గుంపు దాడి చేసింది. తేనెటీగ దాడి తరువాత కాలం గుహలో అత్యంత కష్టతరంగా మారిందన్నారు. గత 500 రోజులుగా నేను నీళ్లు మాత్రమే తాగుతున్నాను. ఇప్పుడు నేను స్నానం చేయాలనుకుంటున్నాను. కానీ, శాస్త్రవేత్తలు నన్ను అలా చేయకూడదని నిషేధించారు.
3 / 5
గుహ నుండి బయటకు వచ్చిన తరువాత, బీట్రిజ్ మొదట తన బంధువులను, సహాయక బృందాన్ని కౌగిలించుకుంది. ప్రపంచం మారిపోయిందని తాను నవంబర్ 21, 2021లో గుహలోకి వెళ్లినప్పుడు ఇప్పుడు అక్కడ ఉన్నవి చాలా లేవని చెప్పింది.. అలాగే, శాస్త్రవేత్తలు ప్రస్తుతం బీట్రిజ్ ఆరోగ్యం, మానసిక స్థితిని పర్యవేక్షిస్తున్నారు.
4 / 5
ఇప్పటి వరకు, ఒక గుహలో అత్యధిక రోజులు గడిపిన రికార్డు 33 మంది చిలీ, బొలీవియన్ మైనర్ల పేరిట ఉంది. ఈ కార్మికులు రాగి బంగారు గనిలో 69 రోజులు గడిపారు. 2010లో గని కూలిపోవడంతో ఈ కూలీలు అక్కడే చిక్కుకుపోయారు
