Unique Wedding: నా జీవితం ఆ కన్నయ్యకు అంకితం.. శ్రీ కృష్ణుడి విగ్రహాన్ని వివాహమాడిన మహిళ
శ్రీకృష్ణుడి విగ్రహాన్ని ఊరేగింపుగా మండపానికి తీసుకువచ్చారు.. చాలా మంది అతిథులు, బంధుమిత్రులను ఆహ్వానించారు. అంతేకాకుండా శ్రీకృష్ణుడికి ఇష్టమైన వంటకాలతో కూడిన ఎన్నో రకాలైన భోజనాలు ఏర్పాటు చేశారు.
శ్రీకృష్ణునికి సర్వస్వం అర్పించిన మీరాబాయి కథ మన అందరికీ తెలిసిందే. అయితే, తాజాగా అలాంటి ఘటనే ఒకటి ఉత్తరప్రదేశ్‌లో చోటుచేసుకుంది. శ్రీ కృష్ణుడిని పెళ్లి చేసుకున్న, నా జీవితాన్ని ఆ కృష్ణ పరమాత్ముడికే అంకితం చేస్తున్నా అంటూ కృష్ణుడి విగ్రహంతో వెళ్లిపోయింది. నేను భగవంతుడిని నా భర్తగా అంగీకరించాను. అని ఆమె తన తల్లిదండ్రులకు చెప్పింది. అదే విధంగా ఔరయ్యాలో తల్లిదండ్రుల అంగీకారంతో గ్రాండ్‌గా పెళ్లి జరిగింది. పూర్తి వివరాల్లోకి వెళితే..
ఉత్తరప్రదేశ్‌లోని ఔరయ్య జిల్లాకు చెందిన రిటైర్డ్ ఉపాధ్యాయుడు రంజిత్ సింగ్ సోలంకి కుమార్తె రక్ష (30) పోస్ట్ గ్రాడ్యుయేట్ పూర్తి చేసి ఎల్‌ఎల్‌బి చదువుతోంది. శ్రీకృష్ణుడిపై అమితమైన భక్తి. అంకితభావంతో పూజించేది. ఆ భక్తితోనే తాను కృష్ణుడినే పెళ్లి చేసుకోవాలని భావించింది. విగ్రహాన్ని వివాహం చేసుకుని తన జీవితాంతం ఆ కన్నయ్యతోనే ఉండాలని నిర్ణయించుకుంది. శ్రీకృష్ణుడిని వివాహం చేసుకోవాలనే ఆమె కోరికను ఆమె తండ్రి కూడా అంగీకరించాడు. అట్టహాసంగా కూతురి వివాహ వేడుక నిర్వహించాడు. అందంగా అలంకరించిన కళ్యాణ మండపంలో వివాహం జరిపించాడు.
తన కూతురుకి కృష్ణుడిపై ఉన్న అపారమైన భక్తిని చూసిన తండ్రి రంజిత్ సింగ్.. ఆమె ఇష్టానుసారంగా వ్యవహరించాడు. వివాహ వేడుక కోసం కల్యాణ మండపాన్ని శోభాయమానంగా అలంకరించారు. శ్రీకృష్ణుడి విగ్రహాన్ని ఊరేగింపుగా మండపానికి తీసుకువచ్చారు.. చాలా మంది అతిథులు, బంధుమిత్రులను ఆహ్వానించారు. అంతేకాకుండా శ్రీకృష్ణుడికి ఇష్టమైన వంటకాలతో కూడిన భోజనాలు ఏర్పాటు చేశారు.
వివాహ వేడుకల కోసం ముందుగా వరుడు కృష్ణుడి విగ్రహంతో పాటు సుఖ్‌చైన్‌పూర్ ప్రాంతంలోని తన బంధువుల ఇంటికి వెళ్లింది. తరువాత, వధువు కృష్ణుడి విగ్రహాన్ని ఒడిలో పెట్టుకుని తన తల్లి ఇంటికి తిరిగి వచ్చింది. మొత్తానికి ఆమె కోరిక మేరకే మ్యారేజ్ ఫంక్షన్ గ్రాండ్‌గా జరిపించారు తల్లిదండ్రులు. ఈ ఘటన స్థానికంగా చర్చనీయాంశంగా మారింది.
మరిన్ని వైరల్ వార్తల కోసం ఇక్కడ ..
