Viral Video: కూతురి కోసం కోతుల గుంపుతో యుద్ధం చేసిన జర్నలిస్ట్‌.. ఆఖరుకు ఏం జరిగిందంటే..
ఇప్పుడు అక్కడ కోతులు రెచ్చిపోతున్నాయి. మనుషులు తరచూ దాడి చేస్తున్నాయి. ప్రస్తుతం వైరల్ అవుతున్న వీడియో నిజంగానే షాకింగ్ గా ఉంది.
Viral Video: పల్లె, పట్నం తేడా లేదు.. ఎక్కడ చూసిన విచ్చలవిడిగా సంచరిస్తున్న మర్కట మూకలు ముప్పేట దాడి చేస్తున్నాయి. గుంపులు గుంపులుగా దండెత్తివస్తున్న వానరాలు ప్రజల్ని ముప్పుతిప్పలు పెడుతున్నాయి. కోతుల బెడదతో ప్రజలు నానా తిప్పలు పడుతున్నారు. నియంత్రించేందుకు ప్రయత్నిస్తే ఎదురుదాడికి దిగుతున్నాయి. కోతుల దాడుల్లో గాయపడున్న వారి సంఖ్య పెరుగుతోంది. అటు రైతులకు పంట నష్టం తప్పడం లేదు. ప్రస్తుతం అలాంటి వీడియో ఒకటి సోషల్ మీడియాలో వైరల్‌గా మారింది. ఈ వీడియో ఉత్తరప్రదేశ్‌లోని హత్రాస్‌కి చెందినదిగా తెలిసింది. ఇప్పుడు అక్కడ కోతులు రెచ్చిపోతున్నాయి. మనుషులు తరచూ దాడి చేస్తున్నాయి. ప్రస్తుతం వైరల్ అవుతున్న వీడియో నిజంగానే షాకింగ్ గా ఉంది.
ఈ వీడియో ఒక జర్నలిస్టు ఇంటి బయటిది. ఈ వీడియోలో మీరు ఒక చిన్న సందును చూడవచ్చు. ఇందులో చాలా ఇళ్లు ఉన్నాయి.. కొన్ని నిర్మాణ సామాగ్రి కూడా కనిపిస్తుంది. సదరు జర్నలిస్టు కూతురిపై కోతులు దాడికి దిగాయి. కూతురి అరుపులు విని అతడు బయటకు వచ్చాడు. కూతురిని కాపాడి ఇంట్లోకి పంపించాడు. ఆ తర్వాత జరిగింది చూస్తే షాక్‌ అవుతారు. ఈ కోతులను తరిమికొట్టాలని చూశాడు.. సుమారు అరగంట పాటు ఆ కోతులను రాళ్లతో కొట్టాడు. వారి పోరాటం కొంత భయానకంగా ఉంది. అటు ఇటూ పరిగెడుతూ కోతులతో పెద్ద యుద్ధమే చేశాడు..కానీ, కోతులు చాలా తెలివైనంటారు కదా.. అవి తమ తెలివిని ప్రయోగించాయి. అతడు రాళ్ల కోసం కిందకు వంగిన వెంటనే ఓ కోతి అతని మేడపై దూకింది. దాంతో అతడు ఒక్కసారిగా బోర్లపడిపోయాడు. దాంతో అతడికి స్వల్ప గాయాలు కూడా అయ్యాయి. ప్రస్తుతం ఈ వీడియో సోషల్ మీడియా వేదికగా చర్చనీయాంశంగా మారింది.
उत्तर प्रदेश के हाथरस में बढ़ा बंदरों का आतंक. बच्ची को बचाने आए पिता पर ही बोल दिया हमला. वीडियो वायरल…#UPNews @Uppolice #ViralVideo pic.twitter.com/TTNbnKcwnS
— Sonu Sharma (@sonu2media123) September 17, 2022
ఉత్తరప్రదేశ్‌లోని హత్రాస్‌లో కోతుల గుంపు బెదిరింపు పెరిగింది. అనేక మందిపై దాడి చేసి గాయపరిచాయి కూడా. నివాసా ప్రాంతాల నుండి ఈ కోతులను తరిమికొట్టాలని, ప్రజలు శాంతి భద్రతలతో జీవించడానికి వీలు కల్పించాలని కోరుతూ కోర్టులో కేసు కూడా దాఖలు చేయబడింది.
మరిన్ని జాతీయ వార్తల కోసం ఇక్కడ క్లిక్ చేయండి
