UP YouTuber: యూట్యూబ్ వీడియోల ద్వారా రూ. కోటి సంపాదన.. ఐటీ అధికారుల దాడులు..
Uttar Pradesh: ఉత్తరప్రదేశ్లో ఓ యూట్యూబర్ ఇంటిపై ఆదాయపు పన్ను శాఖ అధికారులు దాడులు నిర్వహించారు. ఇంట్లో రూ. 24 లక్షల నగదు లభించగా.. స్వాధీనం చేసుకున్నారు అధికారులు. ఇందుకు సంబంధించిన వివరాలు ఇలా ఉన్నాయి.
Updated on: Jul 18, 2023 | 12:07 PM
Uttar Pradesh, July 18: ఉత్తరప్రదేశ్లో ఓ యూట్యూబర్ ఇంటిపై ఆదాయపు పన్ను శాఖ అధికారులు దాడులు నిర్వహించారు. ఇంట్లో రూ. 24 లక్షల నగదు లభించగా.. స్వాధీనం చేసుకున్నారు అధికారులు. ఇందుకు సంబంధించిన వివరాలు ఇలా ఉన్నాయి. యూపీకి చెందిన తస్లీమ్ కొన్నేళ్లుగా యూట్యూబ్ ఛానెల్ని రన్ చేస్తున్నాడు. అయితే, యూట్యూబ్ ద్వారా తస్లీమ్ కోటి రూపాయలు సంపాదించాడని అధికారులు గుర్తించారు. ఈ క్రమంలోనే యూట్యూబర్ ఇంటిపై దాడులు చేశారు అధికారులు. అయితే, యూట్యూబర్ చట్ట విరుద్ధమైన మార్గాల డబ్బు సంపాదించాడనే సమాచారం అందిందని, ఆ మేరకు దాడులు నిర్వహించినట్లు తెలిపారు. అయితే, ఈ ఆరోపణలను యూట్యూబర్, అతని కుటుంబ సభ్యులు తీవ్రంగా వ్యతిరేకించారు.
యూపీలోని బరేలీ ప్రాంతానికి చెందిన తస్లీమ్.. షేర్ మార్కెట్కు సంబంధించిన అంశాలను వివరిస్తూ ‘ట్రేడింగ్ హబ్ 3.0’ యూట్యూబ్ ఛాన్లో వీడియోలు అప్లోడ్ చేసేశాడు. దాని ద్వారా ఆదాయాన్ని సముపార్జీంచేవాడు. అయితే, ఈ ఆదాయానికి పన్ను కూడా చెల్లిస్తున్నట్లు అతను, అతని కుటుంబ సభ్యులు చెబుతున్నారు. ఈ వీడియోల ద్వారా ఇప్పటి వరకు రూ. 1.2 కోట్లకు పైగా ఆదాయం రాగా, రూ. 4 లక్షల మేర పన్నులు చెల్లించినట్లు తెలిపారు. తాము ఎలాంటి తప్పుడు పని చేయలేదని, యూట్యూబ్ ఛానెల్ను రన్ చేస్తున్నామని, దాని నుంచే తమకు ఆదాయం వస్తుందని వారు చెబుతున్నారు. ఇది కుట్రపూరితమైన చర్యగా ఆరోపించారు తస్లీమ్ కుటుంబ సభ్యులు.
మరిన్ని జాతీయ వార్తల కోసం ఈ లింక్ క్లిక్ చేయండి..
