హత్రాస్ కుటుంబానికి రక్షణ, యూపీ సర్కార్ కు ‘సుప్రీం’ ఆదేశం

హత్రాస్ కుటుంబానికి రక్షణ కల్పించే విషయమై అఫిడవిట్ దాఖలు చేయాలని సుప్రీంకోర్టు..యూపీ ప్రభుత్వాన్ని ఆదేశించింది. ఈ కేసు దర్యాప్తు సజావుగా జరిగేలా చూడాలని సూచించింది. హత్రాస్ కేసులో ఈ కుటుంబం లాయర్ ని ఎవరినానైనా నియమించుకుందా ? అలహాబాద్ హైకోర్టు ప్రొసీడింగ్స్ ఎంతవరకు వచ్చింది తదితర వివరాలను తాము తెలుసుకోగోరుతున్నామని సీజేఐ జస్టిస్ బాబ్డే అన్నారు. హత్రాస్ కేసులో సీబీఐ ఇన్వెస్టిగేషన్ ని కోరుతూ దాఖలైన పిల్ ను అత్యున్నత న్యాయస్థానం విచారిస్తోంది. కోర్టు ఆదేశాలమేరకు యూపీ ప్రభుత్వం వచ్ఛే బుధవారం నాటికి తన అఫిడవిట్ ను  సమర్పించనుంది.