సోనూ సూద్ ఆపన్న హస్తం.. నేనున్నానని ఆ నటుడికి భరోసా
కరోనా వైరస్ తరుణంలో ఎంతోమంది బాధితులను ఆదుకుంటున్న నటుడు సోనూ సూద్ ఓ సీనియర్ నటుడి విషయంలో ఆపన్న హస్తం అందించేందుకు ముందుకు వచ్చారు. అనేక సినిమాలు, టీవీ సీరియల్స్ లో..
కరోనా వైరస్ తరుణంలో ఎంతోమంది బాధితులను ఆదుకుంటున్న నటుడు సోనూ సూద్ ఓ సీనియర్ నటుడి విషయంలో ఆపన్న హస్తం అందించేందుకు ముందుకు వచ్చారు. అనేక సినిమాలు, టీవీ సీరియల్స్ లో నటించి ప్రస్తుతం అస్వస్థతతో ఆసుపత్రి ఐసీయూలో ఉన్న అనుపమ్ శ్యామ్ ని ఆదుకుంటానని సోనూ హామీ ఇచ్చారు. ‘మన్ కే ఆవాజ్ ప్రతిజ్ఞా’ అనే టీవీ సీరియల్ తో అత్యంత పాపులర్ అయిన అనుపమ్ శ్యామ్.. ముంబైలోని ఆసుపత్రిలో డయాలసిస్ చేయించుకుంటున్నారు. అయితే ఆయన చికిత్సకు అవసరమైనంత సొమ్ము కోసం ఆర్థికంగా ఎవరైనా ఆదుకోవాలసిందిగా ఆయన కుటుంబంతో బాటు టీవీ,సినీ ఆర్టిస్టుల సంఘం కూడా విరాళాల కోసం అర్థించింది. ఈ విషయం తెలిసిన సోనూ సూద్ ఆ కుటుంబంతో టచ్ లో ఉన్నట్టు ట్వీట్ చేశారు. అటు మరో నటుడు మనోజ్ బాజ్ పాయ్ కూడా వారికి అండగా ఉంటానని పేర్కొన్నారు.
In touch with them? https://t.co/yedW7S7erW
— sonu sood (@SonuSood) July 28, 2020
