రాకేష్ రోషన్ పై నాడు హత్యాయత్నం జరిపిన క్రిమినల్ అరెస్ట్

బాలీవుడ్ దర్శకనిర్మాత రాకేష్ రోషన్ పై లోగడ..2000 వ సంవత్సరంలో కాల్పులు జరిపి హత్యాయత్నం చేసిన పేరుమోసిన క్రిమినల్ సునీల్ వి.గైక్వాడ్ ను మహారాష్ట్రలోని థానే లో పోలీసులు అరెస్టు చేశారు. ఇతనిపై 11 మర్డర్ కేసులు, ఏడు హత్యాయత్నం కేసులు నమోదై ఉన్నాయి. 52 ఏళ్ళ ఇతడిని చాకచక్యంగా శుక్రవారం రాత్రి పోలీసులు అరెస్టు చేశారు. ఓ హత్య కేసులో నాసిక్ జైల్లో యావజ్జీవ  శిక్ష పడినప్పటికీ 28 రోజుల పెరోల్ పై బయటికి వచ్చి మళ్ళీ జైలు ముఖం చూడకుండా తప్పించుకు తిరుగుతున్నాడట. మొత్తానికి ఈ కరడు గట్టిన నేరస్థుడు పట్టుబడ్డాడు.