అల్ ఖైదా టెర్రరిస్ట్ ఇంట్లో సీక్రెట్ చాంబర్ ! షాక్ తిన్న పోలీసులు

పశ్చిమబెంగాల్ లోని ముర్షీదాబాద్ జిల్లాలో అరెస్టయిన ఆరుగురు అల్ ఖైదా టెర్రరిస్టుల్లో ఒకడు అబూ సూఫియాన్ ! ఇతని ఇంటిని ఆదివారం పోలీసులు రైడ్ చేసినప్పుడు రహస్యంగా ఏర్పాటు చేసిన చాంబర్ చూసి షాక్ తిన్నారు. పది అడుగుల వెడల్పు, ఏడు అడుగుల ఎత్తయిన ఈ ఛాంబర్ లో ఎలక్ట్రానిక్ వస్తువులు, బల్బ్ తో కూడిన ఓ స్విచ్ బోర్డును వారు కనుగొన్నారు. అయితే వారు దీనిపై అడిగిన ప్రశ్నలకు అబూ భార్య సమాధానం చెప్పేందుకు తత్తరపడినా, ఆ తరువాత మీడియాకు అసలు విషయం చెప్పింది. అది సెప్టిక్ టాంక్ కట్టేందుకు అలా ఛాంబర్ ఏర్పాటు చేసుకున్నారట. మరి దాన్ని  రహస్యంగా ఎందుకు కట్టారన్న ప్రశ్నకు ఆమె నీళ్లు నమిలింది. కాగా ఈ ఆరుగురు టెర్రరిస్టులను ఇక ఢిల్లీలోని పాటియాలా హౌస్ కోర్టులో హాజరుపరచనున్నారు పోలీసులు. కేరళలోని ఎర్నాకుళంలో ముగ్గురు ఆల్ ఖైదా టెర్రరిస్టులు పట్టుబడిన విషయం తెలిసిందే;